Atyraýda Ispanııa saıahatshysy jol apatyna tústi

ATYRAÝ. 5 maýsym. Atyraý oblysynda Reseıge baǵyt alǵan Ispanııa saıahatshylarynyń biri jol apatyna ushyrady. Bul týraly azh.kz-ke silteme jasaǵan egemen.kz tilshisi habarlady. Ispanııa saıahatshylary motosıklmen Atyraý oblysy arqyly Reseıdiń Astrahan oblysyna jetýdi kózdegen. Alaıda, Isataı aýdanyndaǵy Tushyqudyq aýyly tusynda sheteldik saıahatshynyń biri Alonso Karlos motosıklimen jol apatyna túsken. Keshe tańerteń Isataı aýdanynyń turǵyny Erkebulan Ǵazezov jol boıynda motosıklimen qulap jatqan sheteldikti kórgen. Ol onymen aǵylshyn tilinde sóılesip, mán-jaıǵa qanyqqan. Erkebulannyń shaqyrýymen jetken «jedel járdem» sheteldik saıahatshyny Isataı aýdandyq aýrýhanasyna jetkizgen. Dárigerler ıspandyq saıahatshynyń bir aıaǵynyń baltyr súıegi synǵanyn, orta dárejeli jaraqat alǵanyn anyqtapty. Qazir sheteldik saıahatshy oblystyq aýrýhanaǵa jetkizildi. Onyń serigi Reseıge jalǵyz ketkenge uqsaıdy. Joldasbek Shópeǵul. Derek, foto: azh.kz.