Olga Rypakova «Gaýhar lıgasyn» jeńip aldy

ASTANA. 6 maýsym. Qazaqstandyq Olga Rypakova Brıtanııanyń Bırmıngem qalasynda jeńil atletıkadan ótken «Gaýhar lıgasy» jarysynyń altynshy kezeńinde jeńimpaz atandy. Bul týraly egemen.kz tilshisi habarlady. Ol úsh qarǵyp sekirýde jarystyń basty favorıti kolýmbııalyq Katrın Ibargýennen 5 sm artyq sekirip, bas júldeni jeńip aldy. Rypakova 14 metr 61 sm-ge deıin sekirse, Ibargýen 14 metr 56 sm nátıje kórsetti. Jarysta ýkraınalyq Olga Saladýha úshinshi oryn aldy. Ol 14 metr 40 sm-ge deıin sekirdi. Osy synda Rypakova sońǵy tórt jylda kolýmbııalyq jeńilatletti jeńgen jalǵyz sportshy boldy. 2012 jyldan beri atalǵan jarysta onyń aldyna eshkim shyǵa almaǵan. Ol jaqynda Rım qalasynda ótken «Gaýhar lıgasy» jarysynyń besinshi kezeńinde  kúmis júldeger, Shanhaı jáne Dohada ótken básekede qola medalıst bolǵan edi. Qazirgi kezde «Gaýhar lıgasy» jarysynda Olga Rypakova, Katrın Ibargýen, Olga Saladýha men ıamaıkalyq Shanıka Tomas júldeli oryndardan kórinip keledi. Osy tórttik Olımpıadada bir-birine básekeles bolatyny sózsiz. Rypakovanyń ózi altynshy kezeńniń jeńimpazy bolǵanda osyndaı nátıjemen taǵy da Olımpıada chempıony atanýym ábden múmkin, dedi. «Gaýhar lıgasy» – bul jyl saıyn Halyqaralyq jeńil atletıka federasııalary qaýymdastyǵynyń uıymdastyrýymen ótetin kommersııalyq jarys. Ol 2010 jyldan beri ótkizilip keledi. Jarys jyl saıyn 14 ret uıymdastyrylady. Ony demeýshiler tabylyp jatsa, bir qala birneshe ret ótkizýi múmkin. Al jalpy, ol dúnıe júziniń ár qalasynda ótedi. Buǵan deıin «Altyn lıga» ótkizilgen bolatyn. Dastan Kenjalın. Derek, foto: egemen.kz