Aıdar ÁBÝOV,
Memlekettik basqarý akademııasynyń kafedra meńgerýshisi:
– Quqyq organdarynyń habarlary boıynsha memleketimizde qylmystyq top áreket etkeni, ol qylmystyq toptyń basynda belgili kásipker Tóleshevtiń bolǵany bárimizdi tań qaldyrdy. Kóp jyldardan beri bir jaǵynan belgili kásipker bola tura, memleketke qarsy jasap kelgen qaskóı is-áreketteri, árıne, quqyq qorǵaý organdarynan óziniń tıisti jaýabyn tabady dep oılaımyn. Biz azamat retinde elimizdiń tynyshtyǵyn qalaımyz.
Aıgúl SÁDÝAQASOVA,
QR Prezıdenti janyndaǵy memlekettik basqarý akademııasynyń Ortalyq Azııa óńirindegi etnosaralyq jáne konfessııaaralyq qatynastardy zertteý ortalyǵynyń jetekshisi:
– О́kinishke oraı, aramza nıetti qylmystyq iske tikeleı quqyq qorǵaý organdarynda buryn bolsa da qyzmet etken adamdardyń qatysy bolǵan. Bilimdi, tájirıbeli adamdar ózderiniń qol ushtaryn da tıgizgen. Bul, árıne, qazirgi tańda barlyq quqyq qorǵaý organdaryna, jalpy memlekettik bılikke degen halyq senimin tómendetýge baǵyttalǵan is-áreket dep baǵalaýǵa bolady. Resmı ókilder osy bılik parqyn ketirý úshin, tynyshtyqty buzý úshin áreket jasaǵan Tóleshev myrzaǵa búgin aıyp taǵyp otyr. Árıne, ol, ókinishke oraı, Qazaqstan Respýblıkasynyń azamaty. Sonymen qatar, ádil sot ta, memlekettik organdar da halyqqa barlyq aqparatty tolyǵymen jetkizip, bul istiń qalaı aıaqtalǵan qorytyndysyn jarııalaıdy dep oılaımyn.
Murat ÁBENOV,
qoǵam qaıratkeri:
– Tóleshevti tutqynǵa alar aldynda bizdiń Qazaqstan azamattarynyń kóbisi ınternetten ádeıi daıyndalǵan rolıkti kórgen dep oılaımyn. Mysaly, Ońtústik Qazaqstan oblysynda osy kisiniń uıymdastyrýymen zańsyz túrde áskerı qurylymdar bolǵan. Onyń ishinde bronetehnıkalardy, samoletterdi paıdalanǵan. Ártúrli atystardy, jattyǵýlardy uıymdastyrǵan toptar júrgenin baıqadyq. Mysaly, sol kezde de suraq týyndaıdy. Mysaly, qansha ýaqyt ótti. Nelikten oǵan jol bergen? Jergilikti memlekettik organdar qaıda qarady degen oı týyndaıdy. Onyń zańsyz jasalǵany belgili. Mysaly, eshbir Qazaqstan azamaty, meıli qansha baı bolsyn, qansha tanys-tamyrlary bolsyn, dál solaı zańsyz áskerı toptardy jınaýǵa quqy joq. Meniń óz oıymsha, quqyq qorǵaý organdary, UQK óz qoldaryna alyp, osy toptyń barlyq áreketterin áshkerelep, baılanystaryn anyqtaýy kerek. Olardyń tek ishte emes, syrtta da baılanystary bar dep esepteımin. Tóleshev basqarǵan terrorızmge qarsy kúres tobyna shetelden qandaı qoldaý bar, sony tekserip kórý kerek. Eń negizgisi, elimiz tynysh, jurtymyz aman bolý kerek. Quqyq qorǵaý organdarynyń osyndaı shara qabyldaǵany durys dep esepteımin.
Marat ShIBUTOV,
saıasattanýshy:
– Mundaǵy top quramyna naǵyz joǵary laýazymdy kúshtik qurylym qyzmetindegiler kirgen eken. Iаǵnı, olar memlekettik qupııalarǵa kire alǵan. Olar is júzinde áskerı bólimderden bastap qaýipsizdik júıesi týraly, terrorızmge, qoǵamdyq tártiptiń buzylýyna qarsy is-áreket josparlary týraly, taǵy basqalar jaıynda bárin bilgen. Iаǵnı, búkil júıege ishinen qanyq bolǵan. Sondyqtan, olar úshin jarylys jasaý da qıynǵa soqpaıdy. Naq osy dinı radıkaldar men naq osy qarsylyqty uıymdastyrýshylar ózderin paıdalanýshy tapsyrys ıelerin múldem bilmeýi de ábden múmkin.
Esenjol ALIIаROV,
Qazaqstan gýmanıtarlyq-saıası konıýnktýra ortalyǵynyń prezıdenti:
– Organdar tek Tóleshevke qatysty ǵana aýyr aıyptar taǵyp otyrǵan joq. Onda birqatar áıgili esimder júr. Aıtalyq, respýblıka prokýrorynyń burynǵy birinshi orynbasary, Ońtústik Qazaqstan oblysy ishki ister departamentiniń bastyǵy... Meniń oıymsha, bul aıtarlyqtaı aýyr aıyptaý. Munyń ózi artyq-kemi joq memlekettik tóńkeris jasaý áreketi. Bul arada is transparentti túrde tergep-tekserilýi tıis, jurtshylyq barlyq jaǵdaıdan habardar bolýy kerek.
Iýlııa KÝChINSKAIа,
áleýmettanýshy:
– Bılikti taqtan taıdyrýǵa múddeli adamdar bar sııaqty. Bılikti taıdyrǵanda olar eldiń múddesin kózdeıdi dep aıta almaımyn. Olar ózderiniń jeke bas paıdalaryn, jeke maqsattaryn kózdeıdi. Mundaı áreketke toıtarys berýimiz qajet.
Iýrıı BÝLÝKTAEV, saıasattanýshy:
– Aqtóbede bolǵan jaǵdaı, eń aldymen, óziniń arsyzdyǵymen jantúrshiktiredi. О́ıtkeni, munda birinshi kezekte adamdar qasiret shekti, jazyqsyz jandardyń qany tógildi. Meniń oıymsha, bul arada memleket óz quziretin iske qosyp, zorlyq-zombylyqqa toıtarys berýi kerek. Búkil qoǵamǵa, memleketke, halyqqa qarsy shapqan júgensizderdi aýyzdyqtaý quqyǵyna da naq osy memleket ıe dep bilemin.
Georgıı KAN,
tarıh ǵylymdarynyń doktory, professor:
– Kez kelgen lańkestik áldebir úreı, qorqynysh týdyrǵysy keletini aıdan anyq. Biraq olar osy joly esepterinen jańyldy. Eger shyn máninde tereńirek zerdeler bolsaq, munyń bári nege oryn alyp otyr? Berekeli ómir súrý úshin barlyq jaǵdaı bar emes pe? Adamdardyń osyndaı qaıdaǵy bir túsiniksiz, kóleńkeli maqsattar úshin nege janqııatyndyǵyn túsinbeımin.
