Shensı jádigerleri shaqyrady

Qazaqstan Respýblıkasy  Ulttyq mýzeıinde «Uly Jibek jolymen: Shensıdiń mádenı muralary» atty kórme saltanatty jaǵdaıda ashyldy.  Kórme Qy­taıdyń Qazaq­standaǵy el­shiligi, Shensı pro­vınsııa­­­­sy Mádenı eskertkishter basqar­ma­sy, Shensı provınsııasy Ta­rıh mýzeıi, Shensı provınsııa­sy Mádenı eskertkishterimen almasý ortalyǵynyń, sondaı-aq, Qa­zaqstan Respýblıkasy Má­de­nıet jáne sport mınıstrliginiń qoldaýymen uıymdastyryldy. Qazaqstandyqtardy Uly Ji­­­bek jolynyń bastaý alǵan je­rimen, sol sııaqty ejelgi Qy­taı órkenıetiniń damý dińgegi bol­ǵan Shensı provınsııasy­­nyń kóne órkenıetimen tanystyrý maqsatyn kózdegen kórmege Ult­­­tyq mýzeı dırektory Dar­han Myńbaı, Qytaı Halyq Res­pýblıkasynyń Tótenshe jáne ókiletti elshisi Chjan Hanhýeı, Shensı provınsııasynyń Máde­nı eskertkishter basqarmasynyń dı­rektory Jao Rong qatysty. Ulttyq mýzeı dırektory Dar­han Myńbaı atalmysh kór­meniń mańyzdylyǵyna toqtaldy. – Búgin Ulttyq mýzeıde qytaı­lyq áriptesim Jao Rong­pen 2017-2018 jyldary Ulttyq mýzeıde «Imperator Sın Shıhýandı terrakotty armııasy» jáne Shensı provınsııasynda «Qazaqstannyń mádenı eskertkishteri» kórmesin ótkizý úshin ekijaqty kelisimshart jasadyq, – dedi mýzeı basshysy. «Uly Jibek jolymen: Shen­sıdiń mádenı muralary» kórmesi mýzeı qonaqtaryna Shen­sı pro­vın­sııasynyń biregeıligi týraly bilýge múmkindik berdi, sondaı-aq, Qytaı Halyq Res­pýb­lıkasy jáne Qazaqstan Respýblıkasy arasyndaǵy ekijaq­ty tájirıbe almasý men mádenı mura sa­la­syndaǵy yntymaqtastyqqa yqpal jasady. Bul týraly elshi Chjan Hanhýeı atap ótti: – Búgingi kórmeniń ashylýy­men quttyqtaımyn! Qytaı men Qa­zaqstan – ejelden Uly Ji­bek joly boıynda tamasha ór­ke­nıette ómir súrdi. Qazaqstan Respýb­lıkasynyń Prezıdenti N.Nazarbaev «Nurly Jol» Stra­tegııasyn iske qosqanyn bi­le­sizder. Árıne, biz osy stra­te­gııalyq jol­daýdy qol­daımyz. Damý men órke­nıetke bet alý úshin eń bastysy kelisim kerek, – dedi Ch.Han­hýeı. Mýzeı qonaqtary Qytaıdyń kó­ne provınsııasy Shensı­diń sırek kezdesetin mádenı já­di­­­­gerlerin, Uly Jibek joly jáne onyń jandanýyn, Shensı pro­vınsııasynyń ǵylymı-teh­nı­ka­lyq, ekonomıkalyq jáne saıası jetistikteri týraly 130-dan as­tam fotosýretterdi tamashalady. Kórme 30 maýsymǵa deıin ju­mys isteıdi. «Egemen-aqparat»