О́zgege ómir syılaý – úlken baqyt

Oblystyń memlekettik qyz­metshileri leıkemııamen aýyra­tyn balalarǵa 200 lıtr qan tap­syr­dy. Oblys ákimdigi­niń qyz­­met­kerleri óńir basshysy Ber­­dibek Saparbaevtyń bastamasymen qolǵa alynǵan «Donor bol – ómir súrýge úmit syıla» shara­sy­na qatysty. Memlekettik qyzmetkerler jilik maıynyń donorlary qa­taryna tirkelip, donorlyq qan komponentteriniń qaýipsizdigi úshin oblystyq ortalyqqa qan tapsyrdy. Sharaǵa óńir basshysy Berdibek Saparbaev ta qatysty. Onymen birge, 400 memlekettik qyzmetker de ıgi iske atsalys­ty. Olardyń árqaısysy syrqat balalarǵa kómektesý úshin anketa toltyrý, tirkelý, medısınalyq tekseristen ótý jáne qan tapsyrý sekildi qajetti prosedýralardan ótti. – Mundaı aksııany biz balalar kúnine baılanysty ót­kizdik. Oblysymyzda leıkemııamen aýyratyn 52 bala tirkeýde tur. Árıne, memleket qajetti kómekterdi kórsetýde, dári-dár­mekpen qamtamasyz etedi, qajet bolsa, alys-jaqyn shetelderge em alýǵa qarajat bóledi. Biz osy­­­laı­sha olardyń em alýyna óz úlesimizdi qosqymyz keldi, – dedi óńir basshysy. Oblys ákiminiń bastamasy Aqtóbe qalasynyń memlekettik qyzmetkerleri men 12 aýdandarynan da qoldaý taýyp, mundaı ımandy iske barlyǵy 2000-nan astam adam úles qosýda. Mundaı jaǵdaıda beriletin syıaqy da leıkozǵa shaldyqqan balalardyń emine aýdarylady. Búginde oblysta ótkir leıkoz dıagnozymen 52 bala esepte tur. Belgili bolǵandaı, qan aý­­­rý­larynyń saldary óte jo­ǵary, balalardyń odan ári damýyna keri áser etedi, qan azdyqtyń sal­darynan ishki aǵzalar fýnksııalary, eń aldymen mıdyń qyz­meti buzylady. Qan aýrýlaryn emdeýdiń bir joly – almastyrýshy terapııa esebinen qandy toqtatý jáne kez kelgen ýaqytta qajet bolatyn qan kóle­min tolyqtyryp otyrý bolyp tabylady. Bul baǵytta oblystyń memlekettik qyzmetshileri tap­syr­ǵan qannyń kómegi kóp bolary sózsiz. Satybaldy SÁÝIRBAI, «Egemen Qazaqstan» Aqtóbe oblysy