Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi basqarmasynyń qaýlysy № 161

2010 jylǵy 29 qazan, Almaty qalasy Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń «Kredıtteý jónindegi qujattamasyn júrgizý erejesin bekitý týraly» 2007 jylǵy 23 aqpandaǵy № 49 qaýlysyna ózgerister men tolyqtyrý engizý týraly Ekinshi deńgeıdegi bankterdiń jáne bank ope­rasııa­larynyń jekelegen túrlerin júzege asyratyn uıymdardyń qyzmetin retteıtin normatıvtik quqyqtyq aktilerdi jetildirý maqsatynda Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttiginiń (budan ári – Agenttik) Basqarmasy qaýly etedi: 1. Agenttik Basqarmasynyń «Kredıtteý jónin­degi qujattamasyn júrgizý erejesin bekitý týraly» 2007 jylǵy 23 aqpandaǵy № 49 qaýlysyna (Normatıvtik quqyqtyq aktilerdi memlekettik tirkeý tiziliminde №4602 tirkelgen, 2007 jylǵy naýryz-sáýir aılarynda Qazaqstan Respýblıkasynyń Ortalyq atqarýshy jáne ózge de ortalyq memlekettik organdarynyń aktiler jınaǵynda, 2007 jylǵy 25 sáýirde «Zań gazeti» gazetinde №62 (1091) sanynda jarııalanǵan) mynadaı ózgerister men tolyqtyrý engizilsin: atalǵan qaýlymen bekitilgen Kredıtteý jónindegi qujattamasyn júrgizý erejesinde: 3-tarmaqta: 2-1) tarmaqsha alyp tastalsyn; besinshi, altynshy jáne jetinshi bólikter mynadaı redaksııada jazylsyn: «Kredıt berý týraly shartqa mindetti túrde qosa beriletin jáne kredıt berý týraly sharttyń taraptary qol qoıatyn kredıtti óteý kestesinde kredıt berý týraly sharttyń nómiri men jasalǵan kúni, kredıt somasy men valıýtasy, óteý kúnderi jáne negizgi boryshty óteý, syı­aqy somalary jáne olardyń jıyntyq máni kórsetilgen kezekti tólemderdiń mólsherleri, kelesi óteý kúnindegi negizgi borysh qaldyqtary, sondaı-aq tólenýi tıis kredıt pen syıaqynyń jıyntyq somalary jáne olardyń jıyntyq máni, kredıtti óteý kestesi jasalǵan kún kórsetiledi. Syıaqy stavkasy ózgermeli banktik zaem sharty boıynsha kredıtti óteý kestesi kredıttiń berilý kúnine jasalady jáne odan keıin kezekti tólemderdiń mólsherleri túzetiledi jáne kredıt berý týraly shartta belgilengen tártipte zaemshyǵa (teń zaemshyǵa) málimet úshin jetkiziledi. Jeke tulǵa – zaemshyǵa (teń zaemshyǵa) kredıt berý týraly shartty jasasqanǵa deıin kredıtti óteý ádisin tańdaý úshin tanysýǵa ár túrli ádistermen eseptelgen aldyn ala kredıtti óteý kesteleriniń jobalary beriledi.»; mynadaı mazmundaǵy segizinshi, toǵyzynshy, onynshy jáne on birinshi bóliktermen tolyq­tyrylsyn: «Eger zaemshy (teń zaemshy) jeke tulǵa bolǵan jaǵdaıda kredıt berý kúnine jasalǵan kredıtti óteý kestesinde sondaı-aq zaemshynyń (teń zaemshynyń) tańdaǵan ádisi týraly belgisi bar bank usynǵan óteý ádisteriniń tizbesi bolady. Kredıttiń kredıtti óteý kestesin ózgertýge alyp keletin talaptary ózgergen kezde jańa talaptar eskerilgen jańa keste jasalady. Osy tarmaqtyń besinshi, altynshy, jetinshi, segizinshi jáne toǵyzynshy bólikteriniń talaptary tólem kartochkasy boıynsha kredıttik jeli aıasynda berilgen kredıtti, overdraft kredıtin qospaǵanda, kredıt berý týraly shartqa, sondaı-aq onyń aıasynda kredıt berý týraly shartty (sharttardy) jasasý qajet bolatyn kredıtti alý úshin kredıttik jelini ashý týraly kelisimderge qoldanylady. Eger negizgi boryshty nemese syıaqyny óteý kúni demalys ne mereke kúnine túsetin bolsa, onda zaemshy syıaqyny nemese negizgi boryshty tóleýdi odan keıingi jumys kúni júrgizedi.». 2. Osy qaýly birinshi ret resmı jarııalanǵan kúnnen keıin eki aı ótken soń qoldanysqa engiziledi. Osy qaýlynyń 1-tarmaǵynyń tórtinshi abzasy­nyń qoldanylýy Agenttik Basqarmasynyń «Qazaq­stan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqar­masynyń «Kredıtteý jónindegi qujattamasyn júrgizý erejesin bekitý týraly» 2007 jylǵy 23 aqpandaǵy №49 qaýlysyna tolyq tyrýlar engizý týraly» 2010 jylǵy 29 naýryzdaǵy №38 qaýlysy (Normatıvtik quqyqtyq aktilerdi memlekettik tirkeý tiziliminde №6186 tirkelgen) qoldanysqa engizilgenge deıin týyndaǵan quqyqtyq qatynastarǵa qoldanylady. Tóraıym E.BAHMÝTOVA. –––––––––––––––––––––– Buıryq Qazaqstan Respýblıkasynyń Ádilet mınıstrliginde 2010 jylǵy 12 jeltoqsanda Normatıvtik quqyqtyq kesimderdi memlekettik tirkeýdiń tizilimine №6662 bolyp engizildi.