Jaraısyń, Jibek!

Ile Alataýyn baýraılap jat­qan «Tabaǵan» sporttyq kesheninde erler  arasyndaǵy frıs­taıl­dyń shańǵy akrobatıkasy boıyn­sha jarystar aıaqtaldy. Frıstaıl mogýlyndaǵy erler men qyzdar arasyndaǵy eki altyndy da jeksenbide Qazaqstan jeńip al­sa, ak­ro­batıkanyń qos alty­nyn qytaı­lyqtar qanjyǵasyna baılady. Frıstaıl akrobatıkasy da sport­tyń qaýipti túri sanalady. Bul dodaǵa júrek jutqandar ǵana bara almaq. Shańǵymen aýada shyr kóbelek aınalyp baryp, jerge sát­ti qonaqtamasań jelkeń úzil­me­se de, eń bolmasa aıaǵyń synady. Son­dyqtan  bolar, bizdiń mogýldan al­tyn­nan alqa taqqan otandas­tary­myz jeńistiń basy aldymen óz qorqynyshyńda jeńý ekendigin aıtqan. Osylaısha áýe akrobatıka­synda eki ret aýada shańǵymen tamasha trıýk­ter jasaǵan qytaılyq Djıa Zongıang  220,70 ball alyp, bas júl­de­ni ıem­dendi.  Onyń jerlesi Lıý Jong­­kıng  210,16 ballmen kúmis júl­dege ıe boldy.  Qazaqstandyq Rýs­lan Ablıatıfov 180,30 ball jınap, qola júlde taqty. Taǵy bir jerlesimiz Sergeı Berestovskıı tórtin­shi oryn­ǵa taban tiredi (150,03 ball). Osy kezde Soldatsaı shatqa­lynda frıstaıldan qyzdar arasyn­da áýe akrobatıkasy jarysynyń júldegerleri de anyqtaldy. Altyn medaldi Qytaı sport­shysy Djang Ksın (151,45 ball) jeńip aldy. Ol – qazaqstandyq mamandar «úzdik atanady» dep boljaǵan jerlesimiz Jibek Arapbaevadan ozdy (109,93 ball). Nátıjesinde Jibek ekinshi oryn­da. Tuǵyrdyń úshinshi satysynda Iаng Iý (109,56 ball) tur. Qazaqstandyq Aqmar­jan Qalmyrzaeva berilgen eki múm­kindiktiń qorytyn­dysy boıynsha sońǵy – tórtinshi oryndy qanaǵat etti. Jarys bastalar aldyn­daǵy aýyz ashtyryp, tańdaı qaqtyrǵan sportshy qyzdar­dyń alǵashqy jat­tyǵýynan keıin, dál aıt­qanda, 10:20 mınótte akro­batshy jigitter sheberlik deńgeılerine qaraı top-topqa bólindi. Ol ja­rys­­tyń baǵdarlamasy bo­ıyn­­sha akrobattar salto jáne sekirý jat­ty­ǵýlaryn oryn­­dady. Olar irikteý sy­nyn­da da, sondaı-aq aqtyq básekede de bir-bir retten jarys jolyna shyǵyp, osy eki jatty­ǵýdyń nátıjeleri jalpy esepke endi. Akrobattar jarys bary­synda ár túrli jattyǵý ele­ment­terin oryn­dap, jarysty qazaq­standyq sport­shy­lar  Mıhaıl Lıhomanov pen Ilıa Býgrov bastady. Jarysta úsh eldiń – Qytaı, Japonııa, Qazaqstan akrobat­tary ózara medaldar jıyn­ty­ǵyn bóliske saldy. Sport­shy­lardyń halyqara­lyq ja­rys­tar­da qan­daı oryn alyp júr­gen­derine jáne FIS aı­qyn­daǵan dá­re­jelik deń­geıin esepke al­ǵan­da, birinshi oryn­nan Qy­taı akro­battary bir­den-bir úmit­ker edi.  Biraq, 30 jas­taǵy ja­pon­­dyq akrobat­shy Ta­barý Naoıýdy da qar­sylas­tary esten shyǵa­rýǵa bol­maıtyn­dy­ǵyn aıtqan. ­Shańǵy akrobatıkasy ja­ry­syn­da sportshylar arnaıy ja­sal­ǵan tramplınnen kúr­deli­ligi eki túrli talaptar bo­ıyn­sha sáı­kes sekirdi. Azıadada frıs­taıl­shylarda ne­bári eki ret sekirý múmkindigi bol­dy – kvalıfıkasııada jáne fınalda. Qory­tyn­dy esepte olar­dyń osy eki sekiriste jına­ǵan upaılary sanaldy. Aınash ESALI. Almaty.