Álem chempıonaty bizde ótedi

Keshe Qysqy Azııa oıyn­da­ryn­da dopty hokkeıden jarys bastaldy. Almatydaǵy «Medeý» muz aıdynynda Qyrǵyzstan jáne Mońǵolııa komandalary kezdesti. Biraq osynaý sport túri jan­kúıerlerin sol kezdesý aldyn­daǵy bir shara aıryqsha qýantty. Onda dopty hokkeıden kelesi jylǵy álem chempıonaty bizdiń elimizde, tipti naqtyraq aıtsaq, osy «Medeý» muz aıdynynda ótetini jarııalandy. Bul rásimge Almaty qalasy­nyń ákimi Ahmetjan Esimov pen Halyqaralyq dopty hokkeı (bendı) federasııasynyń prezıdenti Borıs Skrynnık qatysyp, resmı túrde 2012 jylǵy álem chem­pıonatynyń týyn endigi sol ja­rystyń ıelerine tapsyrdy. Qut­tyqtaý sózinde qala ákimi Esimov myrza sol úlken jarys búgingi kúnderi jurtshylyqtyń kóńili­nen shyǵyp otyrǵan Azııa oıyn­daryndaǵydaı joǵary deń­geıde ótetinine senim bildirdi. Endi Azıada aýqymyndaǵy dop­ty hokkeı jarysyna kelsek, al­ǵash­qy kezdesýde mońǵol hokkeıshileri ózderiniń qyrǵyz árip­tes­terin úlken eseppen oısyrata jeńdi. 17:2 esebi áste de komandalar kúshiniń ara salmaǵyn bildirmeıdi. Esep budan da iri bolatyn-aq edi, biraq alǵashqy kezeńde esepti 13:1-ge jetkizgen soń, mońǵol hokkeıshileri ekinshi ke­zeńdi jattyǵý deń­geıinde ótkizdi. Sodan da oıynnyń qyzyǵy bo­lyń­qyramady. Halyqaralyq ulttyq hokkeı fe­derasııasyna Azııadan tórt-aq el mú­she. Bıylǵy Azıadaǵa Ún­distan ko­mandasy kele alma­ǵan­dyqtan, júl­de­li oryndy Qazaq­stan, Mońǵolııa já­ne Qyrǵyzstan komandalary bó­li­sedi. Búgin biz­diń dopty hokkeıshilerimiz Qyr­ǵyzstan jigitterimen kezdesedi. Mamadııar JAQYP.