Katarına VITT: Azııa muz aıdyny arýlarynyń deńgeıi ósip keledi

Aty ańyzǵa aınalǵan  Katarına Vıtt syndy sport su­lýy­nyń aqpannyń alǵashqy kúni Medeý muz aıdynyna kelýi dopty hokkeıden ótip jatqan Azıadaǵa qatysýshylar úshin tosyn syı boldy. Bul kúni  Q­a­zaq­stan, Moń­­­ǵolııa, Qyrǵyzstan  oıynshy­lary jospardaǵy óz jat­tyǵý­laryn ót­kizip jatqan bola­tyn. О́tken kún­niń aty ańyzǵa aınal­ǵan máner­lep syrǵanaý­shysy Katarına Vıt­tiń kelýi – kúnniń basty oqı­ǵasyna aınal­dy. Ol muz aıdy­nynda fotosessııa ótki­zip, suhbat berdi. Tany­mal má­nerlep syrǵa­naý­shy ózin qara­paıym jáne erkin ustap, bárin tánti etti. – Kórkińizdiń ádemi qupııasy nede? – Bul muz aıdynynyń arqasy! Fıtnes jattyǵýlaryn da umyt­paý kerek, – dedi. Álemniń tórt dúrkin, Eýro­panyń alty dúrkin chempıony Katarına Vıtt qazir 2018 jyly Qysqy Azııa oıyndaryn ótkizý­den úmitker Mıýnhen qalasynyń ótinim komıtetin basqarady. – Katarına, Azıada-2011 siz úshin nesimen este qal­maq? – Men búkil álemde onyń ishinde Azııanyń da qysqy sport túrlerine qy­zyǵýshylyq tanytyp jat­qanyna qýanyshtymyn. As­t­anada ótken Azııa oıyn­dary­nyń ashylý rásimine qatystym. Ashylý salta­na­ty maǵan óte unady. Azıa­da­nyń uıymdastyrý shara­larynyń ózi – aıtary joq, óte joǵary deńgeıde. «Astana-Arena» stadıony tań­dandyrdy. Al bizde – Mıýnhende de sporttyq nysandar jetkilikti jáne biz 2018 jyly Olımpıada ótkizýge daıyn­byz. Sońǵy ýaqytta bizde ásirese, qysqy sport túrleri boıynsha jarystar jıi ótýde. – Mánerlep syrǵanaýda Azııa­dan shyqqan aıdyn arý­lary­nyń deńgeıin qalaı ba­ǵalaǵan bolar edińiz? – Azııadaǵy mánerlep syrǵa­naý­­shylardyń deńgeıi aıtarlyq­taı ósti. Olımpıada jarystary men Álem chempıonattarynda jo­ǵary ha­lyqaralyq deńgeıdegi júl­deli oryndar úshin talasa alatyn sport­shylar az emes. Japonııa, Qy­taı jáne Ońtústik Koreıa sııaq­ty elderdi erekshe atap ótýge bolady. – Jattyqtyrýshylyqpen aı­­na­­­lys­paı júrgenińizdiń syry nede? – Oǵan ýaqyt joq. «Mıýnhen – 2018» ótinim komıtetinen bó­lek, aınalysatyn qoǵamdyq ju­mystarym jetkilikti. Aınash ESALI. Almaty.