Alǵan áserim sheksiz

Taı An KVON, Ońtústik Koreıa quramasynyń hokkeıshisi. Qazaqstandy men úzdiksiz damý ústindegi el retinde tanımyn. Bul eldi estigende, óz qundy­ly­ǵyn joımaǵan, qutty qadam­dary­men tek alǵa qaraı qaryshtap kele jatqan memleket pen aıdaı ásem, jańa ǵımarattarǵa óte baı Astana qalasy kózge elesteıdi. О́zim hokkeıshi bolǵandyqtan, álem­degi hokkeı komandalary jaı­ly jańalyq­tardy úzbeı ba­qy­lap otyramyn. Sol sebepti de, Qazaq elinen az da bolsa, ha­barym bar. Sonyń ishinde, «Barys» ko­man­dasy jóninde kóp estigenmin. О́z basym, qazaq­stan­dyq hokkeıshilerdi erekshe baǵa­laımyn. Bul eldegi hokkeı sporty barynsha damý ústinde. Aldaǵy ýaqyttarda da bıik belesterden kórinetinine kúmánim joq. Qysqy Azııa oıyndarynyń Qazaq elinde ótetindigin, osy elge kelý múmkindigi maǵan da berilgendigin erekshe maqtanyshpen qasıet tutamyn. Syrttaı bilip júrgen el jaıly, osynda keletinim belgili bolǵan kúnnen bastap, ǵalamtor­dan Qazaqstandy izdeý kúndelikti ádetime aınaldy. Taǵy da aıtqym keletini, bulaı tek qana men emes, meniń jolserikterim men basqa da sportshylar erekshe nazar aýdar­ǵan­dyǵyna senimdimin. Táýelsizdigine 20 jyl tolý ús­tin­de turǵan jas Qazaqstanǵa osy Qysqy Azııa oıyndarynyń nátı­jesinde óziniń oń ımıdjin ózge memleketterge tanytýdyń reti kelip turǵandaı. Al munda kelgeli beri, shynyn aıtqanda, tynymsyz jattyǵýdan bos ýaqyt bolmaı, qa­lanyń kórnekti ny­san­­daryn ara­laýdyń sáti túspeı otyr. Búginde tek dúkenderdi ǵana aralap júr­miz. Bul jaqtyń ta­ǵam­daryn, ne ataýlary men q­u­ramyn túsiný biz sııaqty sheteldikterge asa qıyn. Alaıda, she­­tel­derden kelgen sport­shylarǵa arnaıy volonterlar ból­genniń nátıjesinde, óz elimizde júrgen­deı erkin sezinýdemin. Olar kúni boıyna bizdiń janymyzda júrip, qajet bolǵan jaǵdaıda kez kelgen ulttyń ókilderimen til­desýdiń, qaı nysandardy aralap, qandaı taǵammen tamaqtanýdyń retin túsindirýde. Qysqy Azııa oıyn­daryn uıymdastyrý komıteti osy jaǵyna erekshe nazar aý­dar­­ǵandyǵy úshin alǵysym sheksiz. Ornalastyrǵan qonaq úı de tamasha jabdyqtalǵan. Bulardyń barlyǵy jas Qazaqstan úshin úl­ken jetistik. Osyndaı jas mem­­leket pen taza qalany tama­sha­laýǵa kýáger bolýym – sportqa degen qyzyǵýshylyqtan týyndap otyr. Mundaı halyqaralyq ja­ry­s­qa qatysqanym úshin, qazaq jerine taban tiregenim úshin baqyttymyn. Azıada qatysý­shy­laryna tek jeńis, Qazaqstan eline iri jetistikter tileımin. Juldyz BAIDILDA.