Máseleni Nazarbaevsha sheshýdiń úlgisi

Parlamenttiń qos palatasynyń depý­tattary Konstıtýsııaǵa tolyqtyrý engizýdi biraýyzdan qoldap daýys berdi. Al negizi, kezinde bizdiń Konstıtýsııamyzda Prezıdenttiń kezekten tys saılaý ótkizý quqyǵy týraly bap bolatyn, biraq ol alynyp tastalǵan edi. Biraq zaman, ýaqyt degen bir ornynda turmaıdy, sondyqtan zań degenniń ózi adamǵa qyzmet etý úshin jasalatyndyqtan, oǵan qajet ýaqytynda ózgeris engiziledi. Qazirgi jaǵdaı osyndaı boldy. Biz demokratııalyq qundylyqtardy qadir tuta­tyn memleket bolamyz degen soń, barlyǵyn da zań aıasynda atqarýǵa tıispiz. Bul oraıda Elbasynyń osy qadamyn zańdy buzbaıyq, kelesi bılikke keletin saıasatker zańdy óz tarapyna laıyqtap bur­ma­syn, buzbasyn, Konstıtýsııaǵa ózgerister engizbesin degen nıeti dep uǵyný durys. Prezıdent ózin ǵana oılap otyrǵan joq, barlyǵy zań tártibimen júrsin deıdi. Iаǵnı kezekten tys saılaý ótkizý qajet bolǵandyqtan, osyndaı ózgeris qajettigin aıtyp otyr. Al Elbasyna óziniń ókilettigin saılanǵan merziminiń shegine deıin, ıaǵnı 2012 jylǵa deıin de atqarýyna bolar edi, biraq Prezıdent bul jerde halyqtyń, 5 mln. qazaqstandyqtyń tilegin eskerdi. Árıne, eger de Elbasy 2012 jyly saı­laýǵa tússe de jeńetini sózsiz, ol eshqandaı daý týdyrmaıdy. Biraq Elbasy qoldaryn qoıǵan, ózine úmit artqan 5 mln. adamǵa ne dep jaýap beredi? Halyqtyń ózinen shyqqan usynys qoı, osyǵan baılanysty Prezıdent Parlamentti taratpaı, ózi kezekten tys saılaýǵa túsetinin aıtty. Bul, meniń oıymsha, óte durys sheshim. Memleket úshin Parlamentsiz bir kún tirshilik etýge bolmaıdy, mysaly, bir kún sot bolmasynshy, ne bolady eken? Sol sııaqty Parlament bolý kerek. Irak ELEKEEV, Parlament Májilisiniń depýtaty.