Densaýlyq saqtaýdyń jaǵdaıyn talqylady

Keshe Astanada TMD-ǵa múshe-memleketterdiń densaýlyq saqtaý salasyndaǵy yntymaqtastyǵy boıynsha XXVI otyrysy ótti. Halyqaralyq deńgeıde uıymdastyrylǵan sharada on memlekettiń densaýlyq saqtaý mınıstrligi men uıym­darynyń ókilderi qaty­syp, qoǵamdyq den­saýlyq saqtaý júıesi men me­dısına ǵylymy sala­laryndaǵy ózara ynty­maq­tastyqty damytý máse­leleri talqylandy. Son­daı-aq, alqaly jıynda IýNEIDS atqarýshy dırek­tory Mıshel Sıdıbe men DDU Eýropa óńirlik bıýro­synyń arnaıy ókili Gaık Nıkogosıan da tóbe kórse­tip, ulttar saýlyǵyn saqtaý­dyń jaıy týraly eg­jeı-tegjeıli pikir alysty. Densaýlyq saqtaý já­ne áleý­mettik damý mı­nıstri Ta­mara Dúısenova jetek­shilik etken otyrys­ta bar­lyǵy 18 má­sele qa­raldy. Negizinen, mun­daı basqosýlar arqyly álem elderindegi densaýlyq saq­taý salasynyń soń­ǵy jańalyqtarymen bóli­se otyryp, tájirıbe alma­sý­ǵa basymdyq beriledi. Osy baǵyttaǵy ózara áriptes­tikti úzip almaı, kerisinshe, ýa­qyt aǵymyna saı jandan­dyra túsý maqsatymen 1992 jyldyń 26 maýsymyn­da TMD elderiniń arasyn­da arnaıy Keńes quryl­ǵan edi. Osy Keńes qura­myn­daǵy elderdiń kóshpe­li otyrysynyń kezekti­si Astanada uıymdas­ty­ryldy. TMD quramyndaǵy árbir eldiń densaýlyq saq­taý mınıstri men memle­kettiń bas sanıtar-dárigeri osy Keńestiń negizgi mú­shesi bolyp tabylatyn bas­qosýǵa sala mamandary tú­gel jınaldy. Mınıstr T.Dúısenova óz kezeginde AITV/JITS-tiń taralýy boıynsha eskertýge baǵyttalǵan ortaq sha­­ralardy júzege asyrý ba­rysynda Qazaqstanǵa kór­setken kómek shara­lary úshin IýNEIDS ókil­digine jáne densaýlyq saq­taý máseleleri jóninde kon­sýltasııalyq kómegi úshin DDU Eýropalyq bıý­rosyna alǵys bildirdi. So­nymen qatar, alqaly jıyn­­da temeki ónimderiniń halyq densaýlyǵyna tıgi­zetin keri áseri týraly esker­tý sharalaryn júr­gizý boıynsha, alǵashqy me­dı­­sınalyq-sanıtarlyq kó­mekti damytý, juqpaly emes aýrýlardy baqylaý men olardyń aldyn alý te­tik­teri, ózara tájirıbe já­ne aqparat almasý jaıy da sóz etildi. Osy máse­le­lerge qatysty oı bólis­ken Mıshel Sıdıbe BUU Bas Assambleıasynyń aǵym­da­ǵy jyldyń 8-10 maýsy­myn­da Nıý-Iorkte ótken JITS-pen kúres máse­le­leri boıynsha joǵarǵy dárejeli keńeste birqatar min­dettemeler alǵandyǵyn atap ótti. «BUU-ǵa múshe-mem­le­ketter Turaqty damý maq­sat­tarynyń aıasynda 2030 jylǵa qaraı JITS epı­de­mııasyn toqtatý shara­­­lary jónindegi jos­par­­dy iske asyrý boı­ynsha mindettemeler alǵa­­nyn málim­deımin», dedi ol óz sózin­de. Jıyn sońyn­­da Den­saýlyq saqtaý jáne áleý­mettik damý mı­nıs­tri Mıshel Sıdı­beni Qa­zaq­stan halqy Assam­bleıa­sy­nyń 20 jyldyǵyna ar­nal­ǵan tósbelgimen mara­pat­tady. Aıta keteıik, TMD elderiniń densaýlyq saq­taý salasyndaǵy ynty­maq­tastyǵy boıynsha ke­lesi otyrys 2017 jyl­dyń sáýir-mamyr aıynda Qyr­ǵyzstanda ótetin boldy. Nurlybek DOSYBAI, «Egemen Qazaqstan»