Qazaqstan Respýblıkasy Bilim jáne ǵylym mınıstrliginiń buıryǵy №404

2010 jylǵy 30 shilde,  Astana qalasy. “Kredıttik oqytý tehnologııasy boıynsha oqý úderisin uıymdastyrýdyń erejesin bekitý týraly” Qazaqstan Respýblıkasy Bilim jáne ǵylym mınıstri mindetin atqarýshynyń 2007 jylǵy 22 qarashadaǵy № 566 buıryǵyna ózgerister men tolyqtyrýlar engizý týraly” “Bilim týraly” Qazaqstan Respýblıkasy Zańynyń 5-babynyń 25) tarmaqshasyna sáıkes buıyramyn: 1.“Kredıttik oqytý tehnologııasy boı­ynsha oqý úderisin uıymdastyrýdyń erejesin bekitý týraly” Qazaqstan Respýblıkasy Bilim jáne ǵylym mınıstri mindetin atqa­rýshynyń 2007 jylǵy 22 qarashadaǵy № 566 buıryǵyna (normatıvtik quqyqtyq aktilerdi memlekettik tirkeý tiziliminde № 5043 tirkelgen jáne “Zań gazetiniń” 2008 jylǵy 25 qantardaǵy № 12 (1238) sanynda jarııa­lan­ǵan)) mynadaı ózgerister men tolyqtyrýlar engizilsin: kórsetilgen buıryqpen bekitilgen Kredıttik oqytý tehnologııasy boıynsha oqý úderisin uıymdastyrý erejesinde: 6 - tarmaqta: 3) tarmaqshada “qorytyndy attestat­taýdyń” degen sózder “aralyq attestattaý” degen sózdermen aýystyrylsyn; 8) tarmaqshada “tıisti bilim deńgeıindegi” degen sózder alynyp tastalsyn; 9) tarmaqshada “aralyq attestattaýdy ótkizýdiń nysandary bilim alýshylardyń bilimin modýldi-reıtıngtik tekserý jáne emtıhan bolyp tabylady: jazbasha, testileý, aýyzsha, biriktirilgen” degen sózder alynyp tastalsyn; 11) tarmaqsha mynadaı redaksııada ja­zylsyn: “11) bilim alýshylardyń oqý jetistikterin baqylaý (ol aǵymdyq, rýbejdik jáne qo­rytyndy) – joǵary oqý orny ózi aı­qyndaıtyn baqylaýdyń ártúrli nysanymen jáne attestattaýmen bilim alýshylardyń oqý jetistikterin tekserý;”; 23) tarmaqsha mynadaı redaksııada ja­zylsyn: “23) bilim alýshylardyń úlgerimine aǵym­dyq baqylaý – akademııalyq kezeń ishinde, kestege sáıkes oqytýshylar ótkizetin aýdı­torııalyq jáne aýdıtorııalardan tys sa­baqtarda stýdentterdiń bilimin kásiptik oqý baǵdarlamasyna sáıkes júıeli túrde tekserý;”; mynadaı mazmundaǵy 27) – 29) tarmaqshamen tolyqtyrylsyn: “27) oqý jetistikterin baǵalaýdyń baldyq reıtıngtik áriptik júıesi halyqaralyq tájirıbede qabyldanǵan áriptik júıege sáıkes keletin jáne bilim alýshylardyń reıtingin belgileýge múmkindik beretin ball túrindegi bilim deńgeıin baǵalaý júıesi; 28) Transfert jáne kredıtterdi jınaqtaýdyń eýropalyq júıesi (TKEJ) – stýdenttiń oqý júktemesin anyqtaýǵa negizdelgen, oqytý nátıjeleriniń termınderinde kórsetilgen baǵdarlamanyń maqsattaryna qol jetkizý úshin qajetti júıe; 29) eki dıplomdyq bilim – eki teń baǵaly dıplom (Double Major) nemese bir negizgi jáne ekinshi qosymsha dıplom (Major Minor) alý maqsatynda eki oqý jospary boıynsha paralleldi bilim alý múmkindigi;”; 35-tarmaq mynandaı redaksııada ja­zylsyn: “35. Bilim alýshylardyń aralyq attes­tattaýyn uıymdastyrý jáne ótkizý ofıs Regıstratorǵa júkteledi. Aralyq attes­tattaýdy baǵalaý atalǵan oqý páni boıynsha bilimdi qorytyndy baǵalaýdyń 30 %-ynan kem emes quraıdy.”; mynadaı mazmundaǵy 35-1 – 35-4 tarmaqtarmen tolyqtyrylsyn: “35-1. Pán boıynsha qorytyndy baǵalaý ruqsat berý reıtıngi baǵasyn jáne qory­tyndy baqylaýdy qamtıdy. Oń qorytyndy baǵa tıisti pán boıynsha belgilengen kredıt sanymen ıgerilgen kredıtterdi tolyqtyrýǵa negiz bolady jáne stýdenttiń transkrıpine jazylady. Bilim alýshylar qorytyndy baqylaýdan (emtıhannan) “qanaǵattanarlyqsyz” degen baǵa alǵan jaǵdaıda pán boıynsha qory­tyndy baǵa eseptelmeıdi. Qorytyndy baqylaýda qanaǵattanarlyq baǵany kóterý maqsatynda qaıta tapsyrýǵa ruqsat etilmeıdi. 35-2. “Qanaǵattanarlyqsyz” baǵasyn oń baǵaǵa qaıta tapsyrý úshin stýdent kelesi akademııalyq kezeńderiniń birinde nemese jazǵy semestrde sol pán boıynsha oqý jumys josparynda qarastylǵan barlyq sabaq túrlerine qaıta qatysyp, ruqsat alady jáne qorytyndy baqylaý tapsyrady. 35-3. Qorytyndy baqylaýdyń baǵasymen kelispeıtin bilim alýshylar emtıhan ótkizilgen kúnnen keıingi kúnnen keshiktirmeı apellıasııaǵa beredi. JOO basshysynyń buıryǵymen emtıhan sessııasy kezeńine (aralyq attestattaý) apel­lıasııalanatyn pánderge mamandyǵy sáıkes keletin oqytýshylardan apellıasııalyq komıssııa qurylady. 35-4. О́tý balynyń tómengi dengeıin jınaǵan jáne kelesi kýrsqa aýystyrylǵan akademııalyq bereshegi bar bilim alýshylar sol pándi aqyly negizde qaıta oqyp, akademııalyq qaryzdaryn joıýy tıis.”; mynadaı mazmundaǵy 39-1, 39-2 tar­maqtarmen tolyqtyrylsyn: “39-1. Ofıs regıstrator emtıhan sessııa­larynyń qorytyndysy boıynsha jazdyq semestr nátıjelerin esepke ala otyryp, stýdenttiń oqý jetistikteri deńgeıiniń orta­salmaq baǵasy bolatyn ótý balyn esepteıdi. Kýrstan kýrsqa kóshirý úshin ótý balynyń tómengi deńgeıiniń kólemin JOO-nyń ózi belgileıdi. 39-2. Eń tómengi ótý balyn ala almaǵan bilim alýshylar oqý kýrsyn qaıta oqýǵa qaldyrylady. Kýrs baǵdarlamasynan tolyǵymen ótip, biraq belgilengen ótý balynyń eń tómengi deńgeıine jete almaǵan bilim alýshylarǵa óziniń ortasha úlgerim balyn (GPA) joǵa­rylatýy úshin jazǵy semestrde belgili bir pánderdi (memlekettik emtıhan tapsyry­latyn “Qazaqstan tarıhy” páninen basqa) belgilengen tártip boıynsha, aqyly túrde qaıta oqýyna jáne sol pánderden qaıta emtıhan tapsyrýyna múmkindik beriledi. Oqý kýrsyna qaıta qaldyrylǵan bilim alýshylar buryn qabyldanǵan jeke oqý jospary nemese jańa jeke oqý jospary boıynsha bilim ala alady.”; 41-tarmaq mynandaı redaksııada jazyl­syn: “41. Emtıhandar men saralanǵan synaq­tardy A, A - “óte jaqsy”, V-, V, V+ - “jaqsy” degen baǵaǵa tapsyrǵan jáne oqytýdyń barlyq kezeńinde úlgeriminiń orta baly 3,5- ten kem bolmasa, sondaq-aq memlekettik emtıhan men dıplom jumysyn (jobasyn) A, A- “óte jaqsy” baǵaǵa tapsyr­ǵan bilim alýshyǵa úzdik dıplom (áskerı daıarlyǵy boıynsha baǵasyn eskermegende) beriledi.”; mynadaı mazmundaǵy 42-tarmaqpen tolyq­tyrylsyn: “42. Eki dıplomdy bilim berý baǵdar­lamasyn júzege asyratyn joǵary oqý or­yndary sheteldik joǵary oqý oryndarymen ıgerilgen kredıtterdi qaıta synaqtan ót­kizýdi joo-serikteste qazaqstandyq kredıtterge jáne TKEJ barabar júzege asyrýy qajet”; mynadaı mazmundaǵy 43-tarmaqpen tolyqtyrylsyn: “43. Stýdentterdi aýystyrý jáne qaıta qalpyna keltirý kezinde oqý kýrsy prerekvezıtterdi eskere otyryp aıqyndalady.”. 2. Joǵary jáne joǵary oqý ornynan keıingi bilim departamenti (G.N.Doǵalova) belgilengen tártippen:: 1) osy buıryqtyń Qazaqstan Respýblı­kasynyń Ádilet mınıstrliginde memlekettik tirkeýden ótýin qamtamasyz etsin; 2) memlekettik tirkeýden ótkennen keıin osy buıryqty buqaralyq aqparat qural­darynda jarııalasyn. 3. Osy buıryqtyń oryndalýyn baqylaý vıse-mınıstr M.Sarybekovke júktelsin. 4. Osy buıryq alǵash ret resmı jarııalanǵannan keıin on kúntizbelik kún ótken soń qoldanysqa engiziledi. Mınıstr J.TÚIMEBAEV. ––––––––––––––––– Buıryq Qazaqstan Respýblıkasynyń Ádilet mınıstrliginde 2010 jylǵy 23 tamyzda Normatıvtik quqyqtyq kesimderdi memlekettik tirkeýdiń tizilimine №6406 bolyp engizildi.