Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy  №544

  2015 jylǵy 30 maýsym, Astana qalasy Qazaqstan Respýblıkasynyń azamattaryn bıýdjet qarajaty esebinen shetelge emdelýge jiberý qaǵıdalaryn bekitý týraly «Halyq densaýlyǵy jáne densaýlyq saqtaý júıesi týraly» Qazaqstan Respýblıkasy 2009 jylǵy 18 qyrkúıektegi Kodeksiniń 7-babynyń 1-tarmaǵynyń 80-tarmaqshasyna sáıkes buıyramyn: 1. Qosa berilip otyrǵan Qazaqstan Respýblıkasynyń azamattaryn bıýdjet qarajaty esebinen shetelge emdelýge jiberý qaǵıdalary bekitilsin. 2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq kómekti uıymdastyrý departamenti zańnamada belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kúnniń ishinde merzimdik baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy; 3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Densaýlyq saqtaý jáne áleýmettik damý mınıstrligi Zań qyzmeti departamentine osy tarmaqtyń 1), 2), 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V. Soıǵa júktelsin. 4. Osy buıryq ony alǵashqy resmı jarııalaǵan kúninen bastap qoldanysqa engiziledi. Qazaqstan Respýblıkasynyń Densaýlyq saqtaý jáne áleýmettik damý mınıstri T. DÚISENOVA Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 30 maýsymdaǵy №544 buıryǵymen bekitilgen Qazaqstan Respýblıkasynyń azamattaryn bıýdjet qarajaty esebinen shetelge emdelýge jiberý qaǵıdalary 1. Jalpy erejeler 1. Osy Qazaqstan Respýblıkasynyń azamattaryn bıýdjet qarajaty esebinen shetelge emdelýge jiberý qaǵıdalary (budan ári – Qaǵıdalar) «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 7-babynyń 1-tarmaǵynyń 80-tarmaqshasyna (budan ári - Kodeks) sáıkes ázirlendi jáne Qazaqstan Respýblıkasynyń azamattaryn bıýdjet qarajaty esebinen shetelde emdelýge jiberý tártibin aıqyndaıdy. 2. Osy Qaǵıdalar Qazaqstan Respýblıkasynyń azamattaryn bıýdjet qarajaty esebinen sheteldik medısınalyq uıymdarǵa emdelýge jiberý tártibin retteıdi. 3. Qazaqstan Respýblıkasynyń azamattaryn sheteldik medısınalyq uıymdarǵa emdelýge jiberýdi Qazaqstan Res­pýblıkasynyń densaýlyq saqtaý salasyndaǵy ýákiletti organ (budan ári - Ýákiletti organ) bıýdjet qarajaty esebinen: 1) osy Qaǵıdalarǵa 1-qosymshaǵa sáıkes Qazaqstan Respýblıkasynyń azamattary bıýdjet qarajaty esebinen shetelge emdelýge jiberiletin aýrýlardyń tizbesine sáıkes; 2) osy Qaǵıdalarǵa 2-qosymshaǵa sáıkes bıýdjet qarajaty esebinen shetelge emdelýge jiberiletin Qazaqstan Respýblıkasy azamattarynyń jekelegen sanattarynyń tizbesine sáıkes júzege asyrady. 4. Osy Qaǵıdalarda paıdalanylatyn negizgi uǵymdar: 1) Qazaqstan Respýblıkasynyń azamattaryn sheteldik medısınalyq uıymdarǵa emdelýge jiberý jónindegi turaqty jumys isteıtin komıssııa (budan ári - Komıssııa) - ýákiletti organ janyndaǵy Qazaqstan Respýblıkasynyń azamattaryn sheteldik medısınalyq uıymdarǵa Densaýlyq týraly kodekstiń 7-babynyń 80-tarmaqshasynyń negizinde aıqyndalǵan tártippen jiberý jónindegi konsýltasııalyq-keńestik organ; 2) jumys organy - Qazaqstan Respýblıkasynyń azamattaryn bıýdjet qarajaty esebinen shetelge emdelýge jiberý máseleleri boıynsha Densaýlyq týraly kodekstiń 7-babynyń 80) tarmaqshasyna sáıkes ýákiletti organmen aıqyndaıtyn konsýltasııalyq organ; 3) densaýlyq saqtaý salasyndaǵy ýákiletti organ (budan ári – ýákiletti organ) – azamattardyń densaýlyǵyn saqtaý, medısınalyq jáne farmasevtıkalyq ǵylym, medısınalyq jáne farmasevtıkalyq bilim berý, dárilik zattardyń, medısınalyq maqsattaǵy buıymdar men medısınalyq tehnıkanyń aınalysy, medısınalyq qyzmetterdiń sapasyn baqylaý salasyndaǵy basshylyqty júzege asyratyn memlekettik organ; 4) densaýlyq saqtaý basqarmasy – oblystardyń, respýblıkalyq mańyzy bar qalanyń, astananyń densaýlyq saqtaýdy basqarýdyń jergilikti organy. 2. Qazaqstan Respýblıkasynyń azamattaryn bıýdjet qarajaty esebinen shetelge emdelýge jiberý tártibi 5. Qazaqstan Respýblıkasynyń azamattaryn bıýdjet qarajaty esebinen shetelge emdelýge jiberi máselesin densaýlyq saqtaý basqarmasy Komıssııanyń qaraýyna mynadaı qujattardy engizedi: 1) densaýlyq saqtaý basqarmasynyń pasıentti sheteldik medısınalyq uıymdarǵa emdelýge jiberý týraly qoldaýhaty; 2) pasıentttiń jeke basyn kýálandyratyn qujattyń kóshirmesi; 3) jumys organynyń pasıentti bıýdjet qarajaty esebinen dáleldi medısınanyń negizinde osy pasıentti emdeýdiń joǵary tehnologııalyq ádisi neǵurlym tıimdi júrgiziletin sheteldik medısınalyq uıymdarǵa emdelýge jiberýdiń oryndylyǵy týraly qorytyndysy (budan ári - qorytyndy). 6. Qorytyndyny alý úshin densaýlyq saqtaý basqarmasy jumys organyna respýblıkalyq medısınalyq uıym usynǵan, júrgizilgen barlyq zertteýlerdiń, konsýltasııalardyń, emdeýdiń nátıjelerin jáne pasıentti sheteldik medısınalyq uıymdarda emdeý qajettiligi týraly qorytyndyny qamtıtyn aýrý tarıhynan egjeı-tegjeıli úzindiniń kóshirmesin jiberedi. Emdeýshi dáriger qol qoıǵan jáne birinshi basshy (ony almastyratyn tulǵa) rastaǵan ári mór soǵylǵan aýrý tarıhynan úzindi jumys organyna jiberilgenge deıin bir aıdan keshiktirilmeı berilýi tıis. 7. Densaýlyq saqtaý basqarmasy pasıenttiń medısınalyq qujattaryn jumys organyna qolma-qol nemese ınternet-baılanysy arqyly olardy tirkegen sátten bastap 3 jumys kúni ishinde jetkizedi. 8. Jumys organy qorytyndyny usynýy úshin: 1) densaýlyq saqtaý basqarmasy usynǵan pasıenttiń medısınalyq qujattaryn qaraıdy; 2) Ýákiletti organnyń shtattan tys bas mamandaryn tartady; 3) Qazaqstan Respýblıkasynyń medısınalyq uıymdarynyń jaǵdaıynda júrgizilgen barlyq zertteýlerdi usyna otyryp, pasıentti shetelge emdelýge jiberý mánine sheteldik medısınalyq uıymdarmen mindetti túrde aldyn ala telemedısınalyq konsýltasııalar ótkizedi. Qajet bolǵan kezde sheteldik medısınalyq uıym telemedısınalyq konsýltasııany pasıenttiń qatysýymen ótkizedi; 4) sheteldik medısınalyq uıym pasıentti emdeý týraly kelisken jáne rastaǵan kezde emdeý baǵdarlamasy men ony kórsetýge arnalǵan shyǵystar kalkýlıasııasyn suratady; 5) usynylǵan emdeý baǵdarlamasyna sáıkes sheteldik medısınalyq uıymnyń kelisimi boıynsha jumys organy nemese Qazaqstan Respýblıkasynyń ózge beıindi medısınalyq uıymdardyń jaǵdaıynda qosymsha tekserýdi, mamandardyń konsýltasııasyn ótkizedi, al olardy ótkizý múmkin bolmaǵanda olardy sheteldik medısınalyq uıymdarda ótkizýge kelisedi; 6) ótkizilgen telekonsýltasııanyń, baǵa saıasatynyń marketıngtik zertteýler nátıjeleriniń jáne emdeýdi júrgizý talaptarynyń negizinde sheteldik medısınalyq uıymdy irikteýdi júrgizedi jáne keminde 2 sheteldik medısınalyq uıymda emdeý qunynyń taldaýy bar osy Qaǵıdalarǵa 3-qosymshaǵa sáıkes nysan boıynsha qorytyndy beredi. 7) shetelge emdelýge jiberiletin pasıentterdiń aýrýlary týraly derekter bazasyn qurady; 8) sheteldik medısınalyq uıymdarǵa emdelýge jiberilgen pasıentterdi emdeý nátıjelerine monıtorıng júrgizedi; 9) pasıentti sheteldik medısınalyq uıymdarǵa emdelýge jiberýdiń oryndylyǵyn anyqtaıtyn otandyq medısınalyq uıymdarda qoldanylmaıtyn dıagnostıkalaý men emdeýdiń joǵary tehnologııalyq ádisteriniń bazasyn qalyptastyrady; 10) ýákiletti organǵa jartyjyldyqta 1 ret Qazaqstan Respýblıkasy azamattarynyń sheteldik medısınalyq uıymdarda emdelýi boıynsha kelesi esepti aıdyń 15-kúnine taldamalyq aqparatty usynady. Qorytyndyny naýqasty emdeýge jatqyzýǵa nemese qosymsha zerthanalyq-dıagnostıkalyq zertteýlerdi júrgizýge kórsetilimderi bolmaǵan jaǵdaıda jumys organy densaýlyq saqtaý basqarmasyna qujattar kelip túsken kúninen bastap 7 jumys kúniniń ishinde jáne pasıentke Qazaqstan Respýblıkasynyń medısınalyq uıymdarynda qosymsha tekserý nemese emdeý júrgizilgen jaǵdaıda 20 kúnniń ishinde usynady. 9. Pasıentti sheteldik medısınalyq uıymdarda emdelýge jiberý (jiberýden bas tartý) týraly sheshimdi Komıssııa osy Qaǵıdalardyń 5-tarmaǵynda kórsetilgen usynylǵan qujattardyń negizinde, olar Ýákiletti organǵa túsken kúninen bastap 10 jumys kúninen aspaıtyn merzimde qabyldaıdy. 10. Sheteldik medısınalyq uıymdy tańdaýdy Komıssııa osy sheteldik medısınalyq uıymda medısınalyq kómek kórsetýdiń sapasyn, kútý uzaqtyǵyn jáne baǵa saıasatyn esepke ala otyryp, jumys organy bergen usynymdardy eskere otyryp júzege asyrady. 11. Komıssııanyń pasıentti kezektilik nemese basym tártippen sheteldik medısınalyq uıymdarda emdelýge jiberý (jiberýden bas tartý) týraly sheshimi Komıssııa otyrysynyń hattamasymen resimdeledi. Basym tártippen balalar, júkti áıelder, pasıentter aýrýdyń bir beıini bóligindegi qalyptasqan kezektilikke sáıkes týystyq donor bolǵan jaǵdaıda aǵzalardy, tinderdi transplanttaý júrgizýdi qajet etetin pasıentter, sondaı-aq densaýlyq jaǵdaıy ómirine qaýip tóndiretin pasıenter jiberiledi. 12. Komıssııanyń pasıentti sheteldik medısınalyq uıymdarǵa emdelýge jiberý (jiberýden bas tartý) týraly sheshimi 5 jumys kúniniń ishinde jazbasha nysanda pasıentke (onyń zańdy ókiline) jiberiledi. Komıssııa pasıentti sheteldik medısınalyq uıymdarǵa emdelýge jiberýden bas tartý týraly sheshim qabyl­daǵan jaǵdaıda Ýákiletti organ 5 jumys kúniniń ishinde pasıentke (onyń zańdy ókiline) Qazaqstan Respýb­lıkasynyń zańnamasyna sáıkes respýblıkanyń aýmaǵynda medısınalyq kómek kórsetý týraly usynym beredi. 13. Balalar, sondaı-aq bógde kútimdi qajet etetin adamdar sheteldik medısınalyq uıymdarǵa jol júrý shyǵystaryn bıýdjet qarajaty esebinen Ýákiletti organ tóleıtin alyp júretin adammen jiberiledi. 14. Ýákiletti organ jumys organnyń usynymdaryn eskere otyryp, Komıssııa sheshiminiń negizinde sheteldik medı­sınalyq uıymmen Qazaqstan Respýblıkasynyń azamattaryna medısınalyq qyzmet kórsetý týraly shart jasasady. 15. Ýákiletti organ pasıentterdiń emdeý jáne jol júrý shyǵystaryn tóleýdi júrgizedi. 16. Sheteldik klınıkalarǵa emdelýge óz betinshe shyqqan pasıentterdiń materıaldaryn Komıssııa qaramaıdy jáne shyǵystary tóleýge jatpaıdy. 17. Shart emdeý ádisterine jáne uzaqtyǵyna qaraı uzaq merzimdi sıpatqa ıe bolýy jáne emdeýge kezeń-kezeńimen aqy tóleýdi kózdeýi múmkin. Kezeń-kezeńimen emdeý pasıentti sheteldik medısınalyq uıymǵa aǵzalardy (aǵzalardyń bóligin) jáne (nemese) tinderdi (tinniń bóligin) transplanttaýǵa jibergen jaǵdaıda kózdeledi. Bul rette emdeýdiń birinshi kezeńi sheteldik medısınalyq uıymda donordy tańdaý, sondaı-aq tikeleı donordy izdestirý úshin pasıentti qajetti zertteýler júrgizýdi kózdeıdi. Shetelde aǵzalar jáne (nemese) tinderdi transplanttaý kezeginde turǵan pasıentterge HLA – tıpteý júrgizý qajet bolǵan jaǵdaıda olarǵa donor izdeýdi jalǵastyrý úshin, Komıssııanyń sheshimi boıynsha, ýákiletti organ aıqyndaǵan medısınalyq uıym toqsan saıyn aǵzalar (aǵzalardyń bóligin) jáne (nemese) tinderdiń (tinniń bóligin) transplanttaýyn qajet etetin pasıentterdiń qan sarysýyn alyp, sheteldik medısınalyq uıymǵa bıýdjet qarajatynyń esebinen jetkizedi. Donordy tańdaǵan jaǵdaıda pasıent emdeýdiń ekinshi kezeńine - aǵzalar (aǵzalardyń bóligin) men tinderdi (tinniń bóligin) transplanttaýǵa jiberiledi. Pasıenttiń birinshi jáne ekinshi kezeńdegi, sondaı-aq alyp júretin adamnyń jol júrýine aqy tóleýdi Komıssııanyń sheshimi boıynsha ýákiletti organ júzege asyrady. Aǵzalar (aǵzalardyń bóligin) men tinderdi (tinniń bóligin) transplanttaý kezinde emdeýdiń árbir kezeńine Ýákiletti organ sheteldik medısınalyq uıymmen jeke shart jasasady. 18. Ýákiletti organ sheteldik medısınalyq uıymǵa pasıentti shetelde emdeý boıynsha sharttyń jalpy somasynan 70%-ǵa deıingi mólsherde avans tóleıdi. Uzaq merzimdi emdeý kezinde ýákiletti organ atqarylǵan jumystardyń aralyq aktileri boıynsha sheteldik klınıkaǵa aı saıynǵy tólemdi júrgizedi. Túpkilikti tólem sheteldik medısınalyq uıym atqarylǵan jumystardyń qorytyndy aktisin usynǵannan keıin júzege asyrylady. Qazaqstan Respýblıkasynyń azamattaryn bıýdjet qarajaty esebinen shetelge emdelýge jiberý qaǵıdalaryna 1-qosymsha Qazaqstan Respýblıkasynyń azamattaryn bıýdjet qarajaty esebinen shetelge emdelýge jiberiletin aýrýlardyń tizbesi (balalardan basqa) 1. Mıdyń hırýrgııalyq qoljetimsiz jáne fýnksııalyq eleýli aýmaǵyndaǵy radıohırýrgııalyq emdeý ádisin (gamma-pyshaq) talap etetin arterııa-venalyq malformasııalary men isikteri. 2. Endovaskýlıarlyq emdeý úshin mı dińi, julyn tamyrlarynyń arterııa-venalyq malformasııalary jáne arterııalyq anevrızmder. 3. Transoraldyq alyp tastaý úshin bassúıek negiziniń isikteri. 4. Radıohırýrgııalyq emdeýdi (gamma-pyshaq, radıo belsendi applıkatorlar) talap etetin kózdiń qaterli isikteri. 5. Keratoprotezdeý. 6. Júrekti, búırekti, baýyrdy, ókpeni, julyndy transplanttaýdy talap etetin aýrýlar. 7. О́ńesh stenozdary. 8. Traheıa stenozdary. Qazaqstan Respýblıkasynyń azamattaryn bıýdjet qarajaty esebinen shetelge emdelýge jiberý qaǵıdalaryna 2-qosymsha Qazaqstan Respýblıkasy azamattaryn bıýdjet qarajaty esebinen shetelge emdelýge jiberiletin jekelegen sanattarynyń tizbesi 1. Kórsetilimderi bolǵan jáne Qazaqstan Respýblıkasynyń densaýlyq saqtaý uıymdarynda dıagnostıka men emdeýdiń qoldanýǵa ruqsat etilgen barlyq ádisteri paıdalanylǵan, biraq emniń oń nátıjesi bolmaǵan 0-den 18 jasqa deıingi balalar. 2. Qazaqstan Respýblıkasy Prezıdentiniń, Qazaqstan Respýblıkasy Premer-Mınıstriniń tapsyrmasy boıynsha erekshe jaǵdaılarda qyzmettik mindetterdi atqarý kezinde aýyr jaraqat alǵan jáne mertikken Qazaqstan Respýblıkasynyń densaýlyq saqtaý uıymdarynda dıagnostıka men emdeýdiń qoldanýǵa ruqsat etilgen barlyq ádisteri paıdalanylǵan, biraq emniń oń nátıjesi bolmaǵan quqyq qorǵaý organdarynyń qyzmetkerleri, Qazaqstan Respýblıkasy Qarýly Kúshteriniń áskerı qyzmetshileri. Qazaqstan Respýblıkasynyń azamattaryn bıýdjet qarajaty esebinen shetelge emdelýge jiberý qaǵıdalarǵa 3-qosymsha Pasıentti bıýdjet qarajaty esebinen sheteldik medısınalyq uıymdarǵa emdelýge jiberýdiń oryndylyǵy týraly qorytyndy 1 Tegi, aty, ákesiniń aty 2 Týǵan jyly 3 Meken-jaıy 4 Klınıkalyq dıagnozy 5 Qosalqy dıagnozy 6 Júrgizilgen em 7 Júrgizilgen zerthanalyq-dıagnostıkalyq zertteýler 8 Konsılıým qorytyndysy jáne sheteldik klınıka usynystary­nyń ne­gizinde emdelýshini shetelge emdelýge jiberý qajettiligi týraly sheshim 1. Qajet etedi 2. Qajet etpeıdi (kereginiń asty syzylsyn) 9 Usynylatyn sheteldik medısınalyq ortalyqtar (el) 1. 2. 3. 10 Sheteldik medısınalyq ortalyqtarda emdeýdiń quny 1. 2. 3. 11 Kalkýlıasııa men emdeý baǵdarlamasy (qosa berilip otyr) 12 Alyp júretin adamnyń qajettiligi (sebebin kórsetý) 13 Jiberý basymdylyǵy 14 Emdeýge jatqyzýǵa jiberý merzimi 15 Eskertpe Medısınalyq uıymnyń basshysy / / / (qoly) (T.A.Á.) MO Buıryq Qazaqstan Respýblıkasynyń Ádilet mınıstrliginde 2015 jylǵy 30 shildede Normatıvtik quqyqtyq kesimderdi memlekettik tirkeýdiń tizilimine №11795 bolyp engizildi.