Qazaqstan Respýblıkasynyń Konstıtýsııalyq Zańy № 404- IV

Qazaqstan Respýblıkasynyń keıbir konstıtýsııalyq zańdaryna tolyqtyrýlar men ózgerister engizý týraly 1-bap. Qazaqstan Respýblıkasynyń myna konstıtýsııalyq zańdaryna tolyqtyrýlar men ózgerister engizilsin: 1. «Qazaqstan Respýblıkasyndaǵy saılaý tý­raly» 1995 jylǵy 28 qyrkúıektegi Qazaqstan Res­pýblıkasynyń Konstıtýsııalyq zańyna (Qa­zaq­stan Respýblıkasy Joǵarǵy Keńesiniń Jar­shy­sy, 1995 j., № 17-18, 114-qujat; Qazaqstan Res­pýblıkasy Parlamentiniń Jarshysy, 1997 j., № 12, 192-qujat; 1998 j., № 7-8, 71-qujat; № 22, 290-qujat; 1999 j., № 10, 340-qujat; № 15, 593-qujat; 2004 j., № 7, 45-qujat; 2005 j., № 7-8, 17-qujat; 2006 j., № 23, 138-qujat; 2007 j., № 12, 85-qujat; 2009 j., № 2-3, 5-qujat; 2010 j., № 11, 55-qujat): 1) mynadaı mazmundaǵy 51-1-bappen tolyq­ty­rylsyn: «51-1-bap. Respýblıka Prezıdentiniń kezekten tys saılaýy 1. Prezıdenttiń kezekten tys saılaýy Respýblıka Prezıdentiniń sheshimimen taǵaıyndalady jáne taǵaıyndalǵan kúninen bastap eki aı ishinde ótkiziledi. 2. Kezekten tys saılaýdan keıingi Pre­zı­dent­tiń kezekti saılaýy bes jyl ótken soń osy Kons­tıtýsııalyq zańda belgilengen merzimde jarııa­la­nady.»; 2) mynadaı mazmundaǵy 66-1-bappen tolyq­tyrylsyn: «66-1-bap. Respýblıka Prezıdentiniń kezekten tys saılaýyn ótkizý Prezıdenttiń kezekten tys saılaýy osy Konstı­týsııalyq zańda Prezıdenttiń kezekti saılaýy úshin belgilengen qaǵıdalarǵa sáıkes ótkiziledi. Saılaý is-sharalaryn ótkizý merzimin Ortalyq saılaý komıssııasy aıqyndaıdy.». 2. «Qazaqstan Respýblıkasynyń Prezıdenti tý­raly» 1995 jylǵy 26 jeltoqsandaǵy Qazaq­stan Respýblıkasynyń Konstıtýsııalyq zańyna (Qazaq­stan Respýblıkasy Joǵarǵy Keńesiniń Jarshysy, 1995 j., № 24, 172-qujat; Qazaqstan Respýblıkasy Parlamentiniń Jarshysy, 1999 j., № 10, 343-qujat; 2006 j., № 23, 137-qujat; 2007 j., № 12, 82-qujat; 2010 j., № 11, 55-qujat): 1) 3-baptyń 2-tarmaǵy mynadaı redaksııada jazylsyn: «2. Ant berý qańtardyń ekinshi sársenbisinde ótkiziledi. Prezıdent kezekten tys saılaýda saılanǵan jaǵdaıda ne Konstıtýsııanyń 48-babynda kóz­del­gen jaǵdaıda Prezıdent ókilettigin qabyl­da­ǵan­da, ant berý prezıdenttik saılaý qorytyn­dy­sy jarııa­lanǵan ne Respýblıka Prezıdentiniń óki­lettigin qabyldaǵan kúnnen bastap bir aı ishinde ótkiziledi. Bul jaǵdaılarda ant berý kú­nin Respýblıkanyń Ortalyq saılaý komıssııasy aıqyndaıdy. Ant berý saltanatty jaǵdaıda Parlament de­pý­tattarynyń, Konstıtýsııalyq Keńes múshe­le­ri­niń, Joǵarǵy Sot sýdıalarynyń, sondaı-aq Res­pýblı­ka­nyń barlyq burynǵy Prezıdent­teriniń qatysýy­men ótkiziledi.»; 2) 4-bapta: 1-tarmaqtyń ekinshi bóligi alyp tastalsyn; mynadaı mazmundaǵy 1-1-tarmaqpen tolyq­tyrylsyn: «1-1. Kezekten tys saılaýda saılanǵan Respýblıka Prezıdentiniń ókilettigi kezekten tys saılaýdan keıin bes jyldan soń jeltoqsannyń birinshi jeksenbisinde ótkizilýge tıis kezekti saılaýda saılanǵan Respýblıka Prezıdenti laýazymy­na kiriskenge deıin júzege asyrylady.». 2-bap. Osy Konstıtýsııalyq zań alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Prezıdenti N.NAZARBAEV Astana, Aqorda, 3 aqpan, 2011 jyl № 404- IV-QRZ