Konstıtýsııalyq zań jobasy maquldandy

Keshe Parlament Májilisiniń Tóraǵasy Oral Muhamedja­nov­tyń jetekshiligimen ótken palatanyń jalpy otyrysynda depýtattardyń talqysyna «Qazaqstan Respýblıkasynyń keıbir konstıtýsııalyq zańdaryna tolyqtyrýlar men ózgerister engizý týraly» Konstıtýsııalyq zańnyń jobasy usynyldy. Jalpy otyrysta «Qazaqstan Respýblıkasynyń keıbir Konstı­tý­sııalyq zańdaryna tolyqty­rý­lar men ózgerister engizý tý­ra­ly» Qazaqstan Respýblıkasynyń Konstıtýsııalyq zańynyń joba­sy týraly Prezıdent Ákimshiligi Basshysynyń orynbasary Talǵat Donaqov baıandama jasady. Máji­lis­tiń Zańnama jáne sot-quqyq­tyq reforma komıtetiniń tóraǵa­sy Rahmet Muqashev qosymsha baıandama jasap, atalǵan zań jo­basynyń mańyzdylyǵy týraly aıtyp berdi. Zań jobasyn talqylaý ba­ry­synda Májilis depýtattary Ashat Bekenov, Ramazan Sárpekov jáne Svetlana Bychkova óz pikirlerin ortaǵa saldy. Máselen, Ashat Bekenov parlamentshiler al­dynda Qazaqstan Prezıdentiniń kezekten tys saılaýyn taǵaı­yn­daý men ótkizýdiń konstıtýsııa­lyq alǵysharttaryn belgileýdiń min­deti turǵanyn, bul zań ar­qyly elimizdegi Elbasymyzdyń ókilettigin referendým arqyly ótkizýdiń búkilhalyqtyq usyny­syn maquldaı otyryp, olaı etýden sanaly túrde bas tartqan Prezıdentimizdiń búkil eldiń qoldaýyn, Konstıtýsııalyq Ke­ńes­tiń sheshimin eskerip, referendým ornyna kezekten tys saılaý ótkizý jaıly usynys berýi bul eldiń eldigin, halyqtyń teń­digin, quqyǵyn qorǵaıtyn, der kezinde jasalǵan batyl da pa­rasatty sheshim dep oılaıtynyn bildirdi. О́z áriptesterin Kons­tıtý­sııalyq zańǵa usynylǵan túzetýlerdi biraýyzdan tutastaı maquldaýdy usynyp, osy usy­nysyn qoldaýǵa shaqyrdy. Depýtat Ramazan Sárpekov óz sózinde bizdiń talqylaýǵa túsip otyrǵan «Qazaqstan Respýblıka­syn­daǵy saılaý týraly» jáne «Qazaqstan Respýblıkasynyń Pre­zıdenti týraly» zańdarǵa to­lyqtyrýlar men ózgerister engizýdi kózdeıtin zań jobasy keshe ǵana qabyldanǵan zańnyń iske asýyna múmkindik beretin norma­lardy qarap otyrǵanyn kóldeneń tartty. «Qazaqstan Respýblıkasyn­da­ǵy saılaý týraly» Konstıtýsııa­lyq zańda kezekten tys prezıdenttik saılaý Qazaqstan Res­pýblıkasy Prezıdentiniń sheshimimen taǵaıyndalady jáne ol taǵaıyndalǵannan keıin eki aı merzimde ótkiziledi dep kózdelip otyr. Atalǵan Konstıtýsııalyq zań sondaı-aq Prezıdenttik kezekten tys saılaý da kezekti saılaý tártibimen ótkiziledi degen normamen tolyqtyrylǵan. Bul rette, saılaý is-sharalaryn ótkizý merzimin Ortalyq saılaý komıssııasy aıqyndaıdy dep belgilengen. Al kezekten tys saılaýdan keıingi prezıdenttik kezekti saılaý bes jyl ótken soń «Qa­zaqstan Respýblıkasyndaǵy saılaý týraly» Konstıtýsııalyq zań­da belgilengen merzimde ja­rııalanady dep belgilenip otyr. Kezekten tys saılaýda saılanǵan Prezıdenttiń ant berýi saılaý qorytyndysy jarııalan­ǵan kúnnen bastap bir aı ishinde ótkiziledi degen ereje de «Qazaq­stan Respýblıkasynyń Prezıdenti týraly» Konstıtýsııalyq zańdaǵy jańa ereje bolyp tabylady. Bul rette, ant berý kúnin Ortalyq saılaý komıssııa­sy aıqyndaıtyn bolady. Sony­men qatar, atalǵan Konstıtý­sııalyq zańda kezekten tys saılaý­da Qazaqstan Prezıdenti bolyp saılanǵan adam prezıdenttik ókilettik merzimi aıaqtalǵansha saqtaıtyn kezeń aıqyndalǵan. Jalpy, otyrysta «Qazaqstan Respýblıkasynyń keıbir Konstı­týsııalyq zańdaryna tolyqtyrý­lar men ózgerister engizý tý­raly» Qazaqstan Respýblıka­sy­nyń Konstıtýsııalyq zańynyń jobasy maquldandy. Asqar TURAPBAIULY.