Qazaq manasshysyna – qyrǵyz marapaty

Bishkekten jetken bir súıinishti habardy súıinshilesek deımiz. Belgili aqyn, alaman aıtysker, jampoz jazýshy, dáripti dramatýrg, delebeli jyrshy, ilkimdi kınoger Baıanǵalı Álimjanov qyrǵyz týǵandardyń «Saıaqbaı manasshy» medalimen marapattaldy. Bul ataýly tósbelgini Halyqaralyq Saıaqbaı Qaralaev qory taǵaıyndap, shoń Manas batyrdy, áıgili «Manas» jyryn pash etýge eńbek sińirgen qaıratker hám shyǵarmashyl tulǵalarǵa berip otyratyn bolǵan. «Saıaqbaı manasshy» me­da­li­men osy joly bastap ma­ra­pattalǵandardyń ishinde qyr­ǵyz­­dyń bir top memleket jáne qoǵam qaı­ratkerleri bar eken. Sol qatarda aı­ryqsha Qyrǵyzstan prezıdenti Almazbek Atambaev kózge túsedi. So­nymen birge, mártebeli medal­dy Jogorký Kenesh depýtaty Sa­dyq Shernııaz, halyq jazýshysy Bek­sultan Jakıev jáne basqa depýtattar men aıtýly manasshylar enshilegen. «Manas» jyryn Baıanǵalı jyrlap, tańdy tańǵa uryp aıtyp kele jatqanyna da qyryq jyldyń shamasy. Segiz qyrly, bir syrly óner ıesiniń qyrǵyz elindegi qurmet, syıy da zor. Qyrǵyzstannyń A.Maldybaev atyndaǵy syılyǵyn da ıelengen, «Qyrǵyzstan máde­nıetiniń myqty qyzmetkeri» atan­ǵan. Manastyń 1000 jyldyǵyna arnalǵan «Manasshy» halyqaralyq saıysynyń arnaıy syılyǵyn alǵan da bizdiń Baıanǵalı bolatyn. Qazaqtan  shyqqan, jalpy, jer júzi boıynsha qyrǵyzdan basqa alty mıllıard adamzattyń ishindegi jalǵyz manasshy da Baıanǵalı. Manasshylar qoǵamynyń tóraǵasy, ózi de shoń manasshy Rysbaı Isaqov osylaı deıdi. Nazar QASYM