Jer qoınaýyn paıdalaný quqyǵyn beredi

Parlament Senaty Halyqaralyq qaty­nastar, qorǵanys jáne qaýipsizdik komı­tetiniń keńeıtilgen otyrysy ótti, dep habarlady Senattyń baspasóz qyzmeti. Onda «1998 jylǵy 6 shildedegi Qazaqstan Respýb­lıkasy men Reseı Federasııasy arasyndaǵy Jer qoınaýyn paıdalanýǵa arnalǵan ege­mendik quqyqtardy júzege asy­rý maqsatynda Kaspıı teńizi sol­­tústik bóliginiń túbin mejeleý týra­­ly kelisimge Hat­tamaǵa ózgeris en­gizý týraly Hattamany ratı­fıka­sııalaý týraly» zań jobasy qaraldy. 2015 jylǵy 15 qazanda As­tana qa­lasynda qol qoıylǵan qu­jat eki taraptyń Kaspıı teńizi sol­­tústik bóligi túbiniń jer qoı­naýyn ıgerýdegi qyzmetiniń qu­qyq­­tyq negizin qalyptastyrýǵa baǵyt­talǵan. Hattama jer qoı­naýyn ıgerýge quqyq berýge, salyq salýǵa, «Sent­ralnaıa» geologııalyq qu­ry­ly­mynda jer qoınaýyn paı­da­lan­ǵany úshin tólenetin tólem­der­ge qatysty erejelermen mazmundalǵan. Atap aıtqanda, Qazaqstan jáne Re­seı­diń atalǵan ken or­nyn birlese ıge­rý úshin quryl­­ǵan kásiporynǵa jal­­py salyq salý rejimin qoldana oty­­ryp, 7 jyl merzimge jer qoı­naýyn geologııalyq zertteý kezeńi­men 25 jyl merzimge aýksıon ót­kiz­beı jer qoınaýyn geo­lo­gııal­yq zertteý, paıdaly qaz­balar­dy barlaý jáne ón­dirý úshin «Sent­ral­naıa» qury­ly­mynda jer qoınaýyn paıdalaný quqyǵyn beredi.