ÁzerTAdj
Keshe Ázerbaıjannyń Belarýstegi elshiliginde Geıdar Álıev qorynyń vıse-prezıdenti Leıla Álıevanyń belorýs tilinde shyqqan óleńder jınaǵynyń tusaýkeseri boldy. Elshilikten habarlanǵandaı, atalmysh kitap basylyp shyqqanǵa deıin Leıla Álıevanyń belorýs tiline aýdarylǵan jyrlary respýblıkadaǵy «7 dneı», «Litaratýra i Mastastva» («Lıteratýra ı ıskýsstvo»), «Kýltýra», «Polymıa» sııaqty basylymdarda jarııalanǵan. Ázerbaıjan prezıdenti Ilham Álıevtiń qyzy Leıla Álıevanyń óleńderin orys tilinen belorýs tiline belorýstyń jas aqyn qyzy, aýdarmashy, Belarýs jazýshylar odaǵynyń múshesi Tatıana Sıvech aýdarǵan. Osy aýdarmadan keıin belorýs qaýymdastyǵy Leıla Álıevanyń óleńderin oqyp, jaqsy kórip ketken. Mine, osy qyzyǵýshylyq óleńderdi jeke kitap etip bastyryp shyǵýǵa sebepshi bolǵan. Elshilikte «Lıst» dep atalatyn bul kitapty tanystyrýǵa arnalǵan sharaǵa Belarýs dıplomatııalyq korpýsyna tirkelgen mádenıet qaıratkerleri, ádebı qaýymdastyq ókilderi, ázerbaıjan dıasporasynyń belsendileri qatysty. Onyń barysynda stýdentter kitaptaǵy óleńderdi jatqa oqydy. Tusaýkeserde sóz alǵan elshi Isfandııar Vagabzade Ázerbaıjan men Belarýs arasyndaǵy gýmanıtardyq saladaǵy qarym-qatynas jaıyna toqtalyp ótti. Talǵat RAIYMBEK.
