Naqty is-qımyl baǵdarlamasy

Qala jáne aýdandar ákimderi, oblystyq máslıhat depýtattary, oblystyq basqarmalar men departamentter, úkimettik emes uıymdar, etnomádenı birlestikter jetekshileri soǵys jáne eńbek ardagerleri qatysqan aktıvte Elbasy Nursultan Nazar­baevtyń «Bolashaqtyń irgesin birge qalaımyz» atty Qazaqstan halqyna Joldaýy jáne odan týyndaıtyn mindetter týraly baıandama jasaǵan oblys ákimi Eleýsin Saǵyndyqov áńgimesiniń álqıssasynda osyndaı oı ór­bitti. Joldaýda aıqyndalǵan birinshi kezekte atqarylatyn jáne uzaq merzimdi basym baǵyttardy júzege asyrýdyń jergilikti bılikke úlken mindetter júk­teı­tinin jetkizdi. О́ńir basshysy jınalǵandardyń nazaryn táýel­siz Qazaqstannyń qol jetken tabystary jáne bolashaqtaǵy damý joldary aıqyndalǵan baǵdarlamalyq qujattyń negizgi túıinderine aýdardy. – Elbasynyń bıylǵy Jol­daýy burynǵylardan ózgerek. Onda ekonomıkalyq damý men áleýmettik ilgerileýdiń naqty joldary aıqyn kórinis tapqan. Sondyqtan da Joldaý birden ha­lyqtyń keń qoldaýyna ıe bolyp, júrekterge jyly jol tartty. Oblys halqy da el táýelsiz­di­gi­niń 20 jyldyǵy qarsańynda ja­rııalanǵan Joldaýdy qyzý qol­daýda. Elimizdiń ekonomıkalyq órkendeýi bizdiń óńirdiń damýy­men tyǵyz baılanysty. Tek ót­ken jyly ǵana údemeli ındýs­trııal­yq-ınnovasııalyq damý baǵ­darlamasy aıasynda 24 joba iske qosyldy. Bul elimiz boıyn­sha júzege asyrylǵan jobalar­dyń 18 paıyzy degen sóz. Bizdiń óńir shyn máninde elimizdi ın­dýs­trııalandyrýda kóshbasshy bo­lyp tabylady. Biz ekono­mı­ka­lyq damý qarqynyn báseńdet­peı­miz, 2014 jylǵa deıin ob­lysta júzge jýyq iri kásiporyn paıdalanýǵa beriledi, – dedi Eleý­sin Naýryzbaıuly. О́ńir basshysy aýdan ákim­derine aqtóbelik agrarshylardyń múmkindigi men baı tájirıbesin esepke ala otyryp, ettik mal sharýashylyǵyn damytýdy qadap tapsyrdy. Ol sondaı-aq Elbasy alǵa qoıǵan ekonomıkalyq ja­ńar­týdyń túpki maqsaty – adam­dardyń ómir deńgeıin kóterý jáne jańa jumys oryndaryn ashý ekenin atap ótti Memleket basshysy óziniń Joldaýynda adamdardyń baqýat­ty turmysyn nyǵaıtý arqyly elimizdiń turaqty jáne údemeli damýyn qamtamasyz etemiz deýi de sondyqtan, dep túıdi oıyn óńir basshysy. Aktıvte oblysta turǵyn úı-kommýnaldyq sharýa­shy­lyǵyn damytý, turǵyndardy sapaly aýyz sýmen qamtamasyz etý, bilim jáne densaýlyq saqtaý salalaryn jańǵyrtý baǵdarla­ma­laryn júzege asyrý jáıi de áńgime boldy. Eleýsin Nýryz­baıuly el táýelsizdiginiń 20 jyl­dyǵyn merekeleýge de basa nazar aýdardy. Aqtóbelikter Elbasy alǵa qoıǵan mindetterdiń múltiksiz oryndalatynyna senim bildirdi. Satybaldy SÁÝIRBAI. Aqtóbe.