Kórgennen kórmegenimiz kóp

Ul bala almatylyq klınıka­lardyń birinde dúnıege kelgen, endi ony muhıttyń arǵy jaǵy­na alyp ketedi. Aqtóbelik ana kana­dalyq otbasyna sýrrogat ana (qursaq ana) boldy. Áıel aqtóbelik klınıkada VRT tehnologııamen engizilgen uryqtyq embrıonnan bala kóterip, ómirge din aman ákelgen. Ul bala jaqynda dúnıege keldi. Oǵan týǵan boıda kanada­lyq ata-analarynyń aty-jóni be­rildi. Taıaýda balany Jerdiń batys jarty sharyna, Toronto qalasyna alyp ketedi. Sýrrogat ana budan bylaı ózi týǵan balamen baılanysqa shyǵýǵa quqy joq. Bala úshin muhıt asyp kelý­diń de jóni bar bolyp shyqty. Kanadada tapsyrys boıynsha bala týyp berý anaǵurlym qymbat, 30 myń dollarǵa jýyq qarjy turady eken. Al aqtóbelik sýrrogat ananyń qyzmeti 1,5 – 2,5 mıllıon teńge turady, jergilikti klınıkada uryqty engizý prosesi taǵy 1,4 mıllıon teńgege túsedi. Qazir Aqtóbe oblysynda jasy 40-tan asqan tapsyrysshy úshin balany ómirge ákelý oqı­ǵasy kútilýde. «Kórgenińnen kórmegeniń kóp» degen osy. Qazir buǵan da etimiz úırene bastady, tańǵalmaıtyn boldyq. Satybaldy SÁÝIRBAI, «Egemen Qazaqstan» Aqtóbe oblysy