Kásipqoı boksshy kásipkerlikpen aınalyspaqshy

Kásipqoı bokstan orta salmaqta WBA, IBF, IBO jáne WBC tujy­rymdary boıynsha álem chempıony Gennadıı Golovkın kásipkerlik salasynda ózin synap kórmekshi. Bylǵary qolǵap sheberi ınves­tısııa salyp, Qaraǵandy qala­synda kómir baıytatyn kásiporyn ashqaly jatyr. Bul jobanyń iske asýyna «Samuryq-Qazyna» ulttyq ál-aýqat qory» aksıonerlik qoǵa­my men jergilikti kásipkerler de atsalysady degen aqpar bar. Álem chempıony ashatyn kásip­oryn 150 adamdy turaqty túrde jumyspen qamtamasyz etedi. О́ndiristik qýaty jylyna 500 myń tonna kómir óndirýge jetetin bolady. Jalpy, jańa kómir baıytý fabrıkasynyń tusaýy Astana kúni merekesiniń qarsańynda, ıaǵnı 5 shilde kúni kesiledi, dep josparlanǵan. Tyń joba týraly chempıonnyń ózi bylaı deıdi: «Bul ıdeıany Prezıdentimiz Nursultan Ábishuly Nazarbaevtyń: «Barlyǵyn jeńip, úıge qaıt!» degen sózinen keıin týyndady dep te aıtýǵa bolady. Ol kisiniń jón silteýimen Qazaqstanǵa ınvestısııa salýdy qup kórdim. Otan aldyndaǵy paryzdy qaıtaryp, ıgilikti istermen aınalysqanymyz jón». Qaırat ÁBILDINOV, «Egemen Qazaqstan» QARAǴANDY