Elbasynyń Nıý-Iork saparynyń sátti jalǵasy

Qazaqstannyń Azııa toby memleketteriniń atynan Birikken Ulttar Uıymy Qaýipsizdik Keńesiniń 2017-2018 jyldarǵa ýaqytsha múshesi bolyp saılanýyna baılanysty saıası ǵylymdar doktory, professor Ámirjan ShALTYQOVPEN suhbattasyp, pikirin bilgen edik. – Ámirjan Eslámuly, BUU-daǵy daýys berýge qatys­qandardyń arasynan 138 memleket Qazaqstannyń kandı­datýrasyn qoldady. Elimiz álem­dik eń mańyzdy saıası organnyń  quramyna kirdi. Bul saıası oqıǵanyń  Qazaqstan úshin eń bas­ty sıpaty nemese mańyzy nede dep oılaısyz? – Eń birinshi, bul saıası oqıǵa Qazaqstannyń álemdik qaýym­dastyq aldynda bedeliniń zor ekenin kórsetedi. Ekinshiden, Birikken Ulttar Uıymynyń Qaýipsizdik Keńesine ýaqytsha múshe elder jyl saıyn saılanyp turady ǵoı. Bizdiń respýblıkamyz tarıhta birinshi bolyp saılanǵan Ortalyq Azııanyń memleketi degen ataq aldy. Bile bilseńiz, munyń da mańyzy óte úlken. Qazaqstan nege bul aýmaqta birinshi bolyp Qaýipsizdik Keńesine kirip otyr? Sebebi, elimiz egemendik alǵaly beri – shırek ǵasyr boıy álemdegi beıbitshilikti nyǵaıtý, qorǵaý, soǵys boldyrmaý saıasatyn berik ustanyp keledi, ári ol saıasatty batyl da jan-jaqty júrgizdi. TMD memleketteri arasynda birinshi bolyp ıadrolyq qarýdan bas tartýynyń ózi elimizdiń kópvektorly syrtqy saıasatynyń nátıjesi dep túsinýge tıistimiz. – Qazaqstan Respýblıkasy­nyń Prezıdenti Nursultan Nazarbaevtyń Amerıkaǵa barǵan sapary el aýzynan áli de túser emes. Sol sammıt sheńberinde Elba­synyń «Álem. HHI ǵasyr» manı­fesi jarııa etildi. Qazaqstannyń búgin­gi jeńisine sol oqıǵanyń qanshalyqty qos­qan úlesi bar nemese belgili bir dárejede qan­sha­lyqty óziniń ońtaıly septigin tıgizdi? – Qazaqstannyń álem aldyndaǵy saıası belsendi is-qımyly, Elbasy Nursultan Nazarbaevtyń sondaǵy Nıý-Iork minber­lerindegi sóılegen ýytty sózderi álem halqynyń nazarynan tys qalǵan joq. Prezıdentimizdiń halyqaralyq  terrorızmge qarsy birlese kúresý týraly naqty talaptary men ıadrolyq qarýdy jer betinde múldem aýyzdyqtap tastaý týraly usynystary men «Álem. HHI ǵasyr» beıbitshilik manıfesi Halyqaralyq qujat bolyp tirkelýi, bári-bári sóz joq, búgingi saıası qadamnyń  laıyqty ornyǵýyna alyp keldi. – Álem endigi jerde Qazaqstan tarapynan qandaı saıası is-qımyl kútedi dep oılaısyz?   – Qazaqstannyń álemdik uıymǵa ýaqytsha múshe bolyp kirýi onyń  osy kúnge deıingi halyqaralyq dárejede kóterip júrgen barlyq kókeıkesti máseleleriniń baıandy túrde júzege asýyna keńinen jol ashady. Qolymyz jete almaı júrgen saıası baǵyttaǵy sharalarǵa qatysty batylyraq áreket jasaýǵa qolaıly jaǵ­daı týǵyzady. Burynnan kózdep júrgen saıası joba­lar­dyń birtindep iske asýyna múmkindik beredi. – Qýanyshty oqıǵanyń saıası mánine toqtaldyq. Al onyń halyqaralyq tárbıelik máni týraly ne aıtýǵa bolady? – Bul saıası  oqıǵanyń Qazaqstan halqyn bir maqsat, bir múdde úshin burynǵydan da jumyl­dyra túseri aqıqat. Respýblıkamyzda meken­deıtin barlyq ult pen ulystyń boıyn­daǵy patrıottyq sezimin burynǵydan kúsheı­tedi. «Qazaq» degen ult ataýy álemdegi uly mem­leketter halyqtarynyń ataýymen qatar ata­latyn bolady. Elbasy Nursultan Nazar­baev­tyń Kóshbasshylyq róli men jeke saıası tulǵa  retindegi halyqaralyq bedeli burynǵydan da bıikteı túseri haq. Árbir qazaqstandyq osy úshin de qýana bilýi kerek dep oılaımyn. Áńgimelesken Talǵat SÚIINBAI, «Egemen Qazaqstan» ALMATY