Álem aldynda abyroıy asqaqtaǵan Qazaqstan

HHI ǵasyrdyń damýyndaǵy  hal­qy­myzdyń baǵyt silter temirqazyǵy – «Qazaqstan-2050» Strategııasy dıplo­ma­tııamyzdyń da arnasyn aıqyndap bergen bolatyn. Syrtqy qatynasta kópvektorlyqty ustanǵan elimizdiń saıasaty utymdylyǵyn tanytyp keledi. Búgin taǵy da soǵan kóz jetkizdik. Elimiz Birikken Ulttar Uıymynyń Qaýip­sizdik Keńesine turaqty emes múshe­likke ótti. Qazaqstan 138 daýyspen top jaryp otyr. Bul – halyqaralyq arenadaǵy memlekettiliktiń úlken jeńisi. Ásirese, onyń Táýelsizdigimizdiń 25 jyldyǵy tusynda bizge buıyrýyn taǵdyrdyń syıy dep qaraǵan jón. Elimizdiń mundaı bas aınaldyrar tabysqa qol jetkizýin Qazaqstan Respýb­lıkasynyń Tuńǵysh Prezıdenti Nursultan Ábishuly Nazarbaevtyń eńbegi dep túsinýimiz kerek. Onyń halyqaralyq sammıtterge qatysyp, aýqymdy jáne aımaqtyq qaýipsizdik jaıly sózderi, ásirese, 2015 jylǵy BUU Assambleıasyndaǵy antı­ıadro­lyq ustanymy sózsiz yqpal etti. Son­daı-aq, jahandaný dáýirinde memleket qurýdyń Eýrazııalyq úlgisine negizdelgen qazaqstandyq modelin qalyptastyrdy. Nebári Táýelsizdigine 25 jyl tolyp otyrǵan elimizdiń jahandyq órkenıetke batyl aralasyp, halyqaralyq arenada zor abyroıǵa jetýi Qazaqstannyń jarqyn bolashaǵyn kórsetedi. Beıbitsúıgish elimizdi, onyń Elbasyn sátti qadamdarymen quttyqtaımyz! Uly Dala eliniń mártebesi asqaqtaı bersin. Elimizdiń táýelsizdigi máńgi bolǵaı! Qazaqstan Jazýshylar odaǵy * * * Qurmetti otandastar! Qadirli qazaqstandyqtar! Elimizdiń Birikken Ulttar Uıymynyń Qaýipsizdik Keńesine turaqty emes múshe­likke ótýin Halyqaralyq «Qazaq tili» qoǵamy asa qýanyshpen qabyldaıdy. Bul – tili bólek bolǵanmen tilegi bir, júzi bólek bolǵanmen júregi bir otan­da­s­tarymyzdyń ortaq maqtanyshy. Táýelsizdik tizgini qolymyzǵa tıgen 25 jylda osyndaı halyqaralyq arenaǵa kóterilýimizge, tanylýymyzǵa sebep bolǵan jaıttar kóp. Solardyń ishinde damý jáne halyqara­lyq standart salalaryndaǵy maqsattarǵa qol jetkizgen, ortasha tabys deńgeıine ıe, álemdegi ekonomıkasy eń qarqyndy ilgeri­legen turaqty, progressıvti jáne beı­bit memleketterdiń birinen bolýymyz basty ról atqardy. Al Qazaqstannyń ıadrolyq qaýipsiz­dik jáne ıadrolyq qarýdy taratpaý baǵyt­taryn­daǵy ustanymy álemdi súıindirip otyr. Qurmetti otandastar, osynyń bári – eldegi yntymaqtyń, berekeniń arqasynda qol jetkizilgen jetistikter. Táýelsizdigimizdiń 25 jyldyǵy tusyn­daǵy osynaý tolaǵaı tabysty Qazaqstan halqynyń uly jeńisi dep baǵalaımyz. Halqymyz ymyradan aıyrylmaı, jeńisten jeńiske jete bereıik! Eńbegimizdiń bári el ıgiligine jum­salsyn! Táýelsizdigimiz baıandy bolsyn. Halyqaralyq «Qazaq tili» qoǵamy * * * Álemniń túkpir-túkpirinde turatyn qazaq halqynyń ulandary búgin aıryqsha qýanyshta. 2017-2018 jyldary Qazaqstannyń Birik­ken Ulttar Uıymy Qaýipsizdik Keńe­sine turaqty emes múshe bolyp saılanýy, qazaq­standyqtarmen qatar, syrttaǵy qan­das baýyrlarymyzdy da shattyqqa bóledi. Elimizdegi beıbitshilik, qaýipsizdik, adam quqyǵyn saqtaý men zań ústemdigin ornyqtyrý jáne turaqty damýdy jaýap­kershilikpen qoldaý daýys berýshi elderdiń qanaǵattanarlyq senimin nyǵaıt­qan basymdyqtar bolǵany daýsyz. Egemendik alǵannan keıingi Elbasy N.Á.Nazarbaevtyń kólemi jaǵynan álem­degi ekinshi ıadrolyq polıgonnan jáne álemdegi tórtinshi ıadrolyq arsenaldan óz erkimen bas tartýy – jahan órkenıetiniń jadynan eshqashan óshpek emes. Táýelsiz eldiń Tuńǵysh Prezıdenti retinde alǵashqy qabyldaǵan qaýly tarıhı sheshimge aınaldy. Sóıtip, bul qadam adamzattyń damýy maqsatynda ıadrolyq qarýdan bas tartý úlgisi boldy. Sondaı-aq, aımaqtyń basqa elderimen qatar, 2009 jyly naýryzda kúshine engen, Ortalyq Azııany ıadrolyq qarýdan azat aımaq jasaýda Qazaqstan kóshbasshy bolyp keledi. Osyndaı qaýipsizdik maqsatynda aıtýly qadamdarǵa barǵan Uly Dala eli – Birik­ken Ulttar Uıymy Qaýipsizdik Keńesine turaqty emes múshe elderdiń qataryna endi. Osynaý tolaǵaı tabys Qazaqstanǵa jańa mindetter júkteýmen qatar, beıbitsúıgish el retinde álem aldyndaǵy abyroıyn asqaqtata túsedi. Osynyń bári – táý eter Táýelsizdiktiń arqasynda, aýyzbirshiliktiń nátıjesinde jetken jeńis. Endeshe, Táýelsizdigimiz baıandy bolǵaı! Qazaqstan – Máńgilik El jasasyn! Dúnıejúzi qazaqtary qaýymdastyǵy * * * «Qazaqstan-2050» qozǵalysy barlyq qazaqstandyqtardy Otanymyzdyń BUU Qaýipsizdik Keńesiniń 2017-2018 jyl­dardaǵy turaqty emes múshesi bolyp saılanýymen quttyqtaıdy! Bizdiń elimiz dáp Nursultan Nazarbaev­tyń joǵary bedeli men erekshe haly­q­ara­lyq bastamalarynyń arqasynda 138 mem­lekettiń qoldaýyna ıe bola aldy. Biz osy halyqaralyq platformanyń minberinen elimiz jalpyálemdik qaýipsiz­dikti nyǵaıtý isine buǵan deıingiden de súbeli úles qosatynyna senimdimiz. «Qazaqstan-2050» qozǵalysy  * * * Barsha qazaqstandyqtardy elimizdiń BUU Qaýipsizdik Keńesiniń 2017-2018 jyldardaǵy turaqty emes músheligine saılanýymen quttyqtaımyz. Bul tarıhı oqıǵa kóshbasshylyǵynda Prezıdent Nursultan Nazarbaev turǵan Qazaqstan Respýblıkasynyń halyqaralyq bedeli tanylýynyń kórsetkishisi bolyp tabylady jáne Otanymyzdyń álemdik qoǵamdastyqta belsendi ról atqaryp otyrǵanyn aıǵaqtaıdy. Bul – otandyq dıplomatııanyń jeńisi jáne elimizdiń ıadrolyq qarýsyzdaný jolyndaǵy kúresi men ultaralyq kelisim jáne konfessııaaralyq tózimdiliktiń biregeı baǵdarlamalaryn qurýdaǵy eńbegin sózsiz taný bolyp tabylady. EKSPO-2017, Ýnıversıada-2017, eko­no­mıka, bilim berý, densaýlyq saqtaý sala­laryndaǵy forýmdar elimizdiń álem men adamzat taǵdyry úshin tereń alań­daý­shylyǵyn kórsetetin jahandyq aýqymdaǵy sharal­ar desek, qatelespeımiz. Qazaqstan – BUU, EQYU, ShYU, IYU, UQShU, TMD, taǵy basqa kóptegen halyq­ara­lyq uıymdardyń belsendi múshesi. Qazaq­stannyń BUU Qaýipsizdik Keńesiniń turaqty emes músheligine saılanýynyń elimizdiń Shanhaı yntymaqtastyq uıymyna aldaǵy jylǵy tóraǵalyǵynyń bastalýymen sáıkes kelýinde nyshandyq mán bar. Demek, bul jaıt kókeıkesti óńirlik problemalardy sheshýde BUU-men búgingiden de tıimdirek ózara is-qımyl tanytýǵa múmkindik bermek. Qazaqstan BUU-nyń bitimgershilik qyzmeti men óziniń bitimgershilik áleýetin nyǵaıtý boıynsha kúsh-jigerin tolyqtaı qoldaıdy. Respýblıka BUU-da álemdik problemalardy sheshýde salmaqty jáne konstrýk­tıvti kózqaras tanytyp kele jatqan el retinde keńinen moıyndalyp otyr. Qazaqstannyń BUU Qaýipsizdik Keńe­sine saılanýy – bul joǵary qurmet, qazaq­­standyqtar úshin erekshe maqtanysh belgisi. Elimizge úlken senim kórsetilip otyr, Otanymyzdyń bul senim údesinen laıyqty shyǵatynyna nyq senimdimiz. Qazaqstan Respýblıkasy Joǵary oqý oryndary qaýymdastyǵy * * * Elimizdiń ǵylymı qoǵamdastyǵy atynan Memleketimizdiń basshysyn, búkil otandastarymyzdy Qazaqstannyń BUU Qaýipsizdik Keńesiniń 2017-2018 jyldardaǵy turaqty emes múshesi bolyp saılanýymen quttyqtaımyz. Bul – bizdiń elimizdiń, qazaqstandyq dıplomatııanyń shyn mánindegi tarıhı jeńisi. Árıne, Qazaqstan kandıdatýrasynyń jeńiske jetýine Memleket basshysy N.Á.Nazarbaevtyń halyqaralyq arenadaǵy jeke bedeliniń úlken ról atqarǵany anyq. Memleket basshysynyń mańyzdy halyqaralyq forýmdarǵa qatysýy, jahandyq jáne óńirlik qaýipsizdiktiń ózekti taqyryptary boıynsha sóılegen sózderi, ásirese, 2015 jyly BUU Bas Assambleıasynyń jáne 2016 jylǵy jahandyq antııadrolyq sammıttiń minberinen jasaǵan bastamashylyq usynystary jaǵymdy qubylys retinde baǵalanǵan bolatyn. Qazaqstannyń BUU Qaýipsizdik Keńe­si­ne turaqty emes múshe retinde saılanýy bizdiń elimizge qaýipsizdik salasyndaǵy jahandyq kún tártibiniń qalyptasýyna tikeleı qatysýǵa jáne Ortalyq Azııa óńiri­niń halyqaralyq deńgeıde mańyzdy máselelerin qozǵaýǵa múmkindik beredi. Biz bul tarıhı oqıǵa Qazaqstannyń álemdik arenadaǵy bedelin odan ári nyǵaıtýǵa yqpal etedi dep sanaımyz. Qazaqstan Respýblıkasynyń Ulttyq ǵylym akademııasy  * * * «Birlik» saıası partııasy Qazaqstan Prezıdentin jáne búkil qazaqstandyqtardy tarıhı oqıǵamen – respýblıkamyzdyń BUU Qaýipsizdik Keńesine 2017-2018 jyldarǵa turaqty emes múshe bolyp saılanýymen quttyqtaıdy. Táýelsiz Qazaqstannyń 25 jyldyǵy toılanatyn sát – oryn alǵan qýanyshty oqıǵanyń sımvoldyq máni bar. Qazaqstan Ortalyq Azııada birinshi bolyp, BUU-nyń neǵurlym mańyzdy saıası organynyń quramyna ótip otyr. Bizdiń elimiz osy bir bedeldi halyqara­lyq uıymǵa ótken sát – 1992 jyldan bastap beıbitsúıgish saıasatty turaqty túrde júrgizip keledi jáne órkenıetti únqatysý men janjaldardyń aldyn alý úshin kúresýde. Qazaqstan jas memleket retinde bizdiń tamasha bastamashylyq áreketterimizdiń arqasynda álemdik tanymaldylyqqa qol jetkizdi. Memleket basshysynyń bastama­shylyǵymen birinshi ret naq osy Qazaqstan jerinde Álemdik jáne dástúrli dinder kóshbasshylarynyń sezderi ótkizilip keledi, biregeı qoǵamdyq ınstıtýt – Qazaqstan halqy Assambleıasy qurylyp, jumys isteýde. BUU Qaýipsizdik Keńesi aıasynda bizdiń elimizdiń negizgi memlekettik saıasaty álemdik deńgeıde tabyspen júzege asatynyna senimdimiz. «Birlik» partııasy * * * Jastardyń «Jasyl el» eńbek jasaqtary­nyń respýblıkalyq shtaby Memleket basshysyn, barlyq qazaqstandyqtardy Qazaqstannyń Qaýipsizdik Keńesine 2017-2018 jyldarǵa turaqty emes múshe bolyp saılanýymen quttyqtaıdy. Biz elimizdiń jetistikteri men bedeliniń moıyndalýynyń kýási bolǵandyǵymyzǵa shyn máninde qýanyshtymyz. Qazaqstan ıadrolyq taratpaý jáne ıadrolyq qarýsyzdaný baǵdarlamalaryna belsendi túrde qatysyp keledi. Naq Qazaqstan Prezıdentiniń basta­ma­shylyǵy boıynsha Semeı ıadrolyq polıgonynyń jabylǵan kúni – 29 tamyzdy BUU Iаdrolyq synaqtarǵa qarsy is-qımyldyń halyqaralyq kúni dep jarııalady. Búgingi kúni bizdiń elimiz jahandyq antııadrolyq qaýipsizdikti nyǵaıtýǵa baǵyttalǵan halyqaralyq bastamalardy ilgeriletýdiń kóshbasshysy dep tanylyp otyr. Biz BUU Qaýipsizdik Keńesine 2017-2018 jyldarǵa turaqty emes múshelikke saılaný bizdiń elimizdiń aldynan Qazaqstannyń bastamashylyǵyn jahandyq deńgeıde ilgeriletý úshin tamasha múmkindikter ashady dep senemiz. Jastardyń «Jasyl el» eńbek jasaqtarynyń respýblıkalyq shtaby * * * «Atameken» ulttyq kásipkerler palatasy barsha qazaqstandyqtardy jáne Memleket basshysy N.Á.Nazarbaevty BUU Qaýipsizdik Keńesine 2017-2018 jyldarǵa turaqty emes múshelikke saılanýymen quttyqtaıdy. Bul tarıhı oqıǵa, birinshi kezekte, Qazaqstan Prezıdenti eńbeginiń, onyń joǵary halyqaralyq bedeli men júıeli ishki jáne syrtqy saıasatynyń nátıjesi bolyp tabylady. Qazaqstandyqtar úshin bul – bizdiń tabystarymyzǵa jáne halyqaralyq arenadaǵy jetistikterimizge qýaný úshin taǵy bir úlken sebep. Bizdiń elimizdiń aldynda eń bedeldi álemdik uıymda óz múddelerin ilgeriletýge tamasha múmkindik ashylyp otyr. Qazaqstannyń bul jańa mártebesi jahandyq deńgeıde beıbitshilik pen birlikti odan ári nyǵaıtýǵa qyzmet etetindigine senimdimiz. «Atameken» UKP  * * * Qazaqstannyń áıelder qoǵamdastyǵy Qazaqstannyń BUU Qaýipsizdik Keńesine 2017-2018 jyldarǵa turaqty emes múshe bolyp saılanǵandyǵy týraly jańalyqty qýanyshpen qabyldady. Biz osy bir oqıǵamen barlyq qazaqstandyqtardy jáne Memleket basshysyn shyn júregimizben quttyqtaımyz. Qazaqstan Prezıdenti N.Á.Nazarbaev­tyń salıqaly da sarabdal ishki jáne syrtqy saıasatynyń jáne onyń halyqaralyq jeke bedeliniń arqasynda osyndaı nátıjege jettik. Qazaqstan Respýblıkasy Táýelsizdiginiń 25 jyldyǵynda álemdik qoǵamdastyqtyń bizdiń elimizdiń qysqa merzim ishindegi damýy men qol jetkizgen nátıjelerin osylaısha laıyqty baǵalaýynyń jáne qoldaý bildirýiniń nyshandyq tereń máni bar dep esepteımiz. «Qazaqstannyń áıel kásipkerler odaǵy» QB * * * Qazaqstan jastar Kongresi Elbasy N.Á.Nazarbaevty jáne barsha qazaqstan­dyqtardy bizdiń elimizdiń BUU Qaýipsizdik Keńesine 2017-2018 jyldarǵa turaqty emes múshe bolýymen quttyqtaıdy. BUU Bas Assambleıasyna qatysýshy 138 eldiń daýysy – bizdiń Memleketimiz basshysynyń jahandyq bastamalary búkil álem boıynsha tótenshe suranysqa ıe jáne mańyzdy ekendiginiń dáleli. Táýelsizdiktiń 25 jyly ishinde Qazaq­stan áleýmettik-ekonomıkalyq damýda tabystylyq kórsetip, álemde birlik pen turaqtylyqty saqtaý maqsatyn kózdeıtin beıbitsúıgish memleket retinde tanyldy. Bul – bizdiń elimizdiń halyqaralyq arenadaǵy úlken jeńisi. «Qazaqstan jastar Kongresi» ZTB * * * Jýrnalıster qoǵamdastyǵy atynan barlyq qazaqstandyqtardy, el Prezıdenti Nursultan Nazarbaevty Qazaqstannyń 2017-2018 jyldarǵa BUU Qaýipsizdik Keńesiniń turaqty emes músheligine saılanýymen quttyqtaımyz. Táýelsizdiktiń 25 jyldyq mereıtoıly jylynda bul – bizdiń memleketimiz úshin eleýli oqıǵalardyń biri. Sondaı-aq, Qazaqstannyń zańdy túrde halyqaralyq qatynastardyń mańyzdy qatysýshysy bolyp tabylatyndyǵynyń jarqyn aıǵaǵy. Qazaqstannyń bul orynda álemdik arenadaǵy beıbitshilikti nyǵaıtý isi men ózara túsinistikke baǵa jetkizgisiz úles qosatynyna senimdimiz. «Bas redaktorlar klýby» QB    * * * Biz Qazaqstannyń 2017-2018 jyldarǵa Birikken Ulttar Uıymynyń mańyzdy saıası organy – BUU Qaýipsizdik Keńesiniń turaqty emes múshesi bolyp saılanǵandyǵy týraly jańalyqty zor qýanyshpen qabyldadyq. Qazaqstannyń ǵylymı qoǵamdastyǵy barlyq qazaqstandyqtardy jáne el Prezı­denti – Elbasy N.Á.Nazarbaevtyń jeke ózin osynaý tarıhı jeńispen quttyqtaıdy. Qazaqstan osy bedeldi uıymnyń tolyq­quqyqty múshesi bolǵan ýaqyttan beri bizdiń elimiz beıbitshildik pen izgiliktiń jaq­taý­shysy ekendigin únemi dáleldep keledi. Búgingi tańda búkil álem Qazaqstandy qoǵamdaǵy birlik pen kelisimdi saqtaı otyryp qarqyndy damyp kele jatqan el retinde biledi. Osynaý jetistikter bizge senimdi jáne yrǵaqty túrde alǵa basýǵa múmkindik beredi. Qazaqstandyq umtylystyń artyqshy­lyǵy álemdik qoǵamdastyqtaǵy Elbasy bedelimen aıǵaqtalady. Qazaqstannyń BUU Qaýipsizdik Keńesiniń turaqty emes múshesi bolyp saılanýy – bul halyqaralyq arenadaǵy eleýli tabys jáne bizdiń bastamalardy ilgeri jyljytý, aǵymdaǵy kún tártibiniń ózekti máseleleri boıynsha órkenıetti únqatysý júrgizý úshin biregeı múmkindik. Biz BUU Qaýipsizdik Keńesi sheńberinde Qazaqstannyń beıbitshilik qaǵıdattaryna jaqtastyǵyn neǵurlym joǵary deńgeıde pash etip, janjaldardy rettestirýge tikeleı qatysatynyna senimdimiz. Saıasattanýshylar kongresi, Áleýmettanýshylar qaýymdastyǵy * * * 2016 jyldyń 28 maýsymy biz úshin shyn mánisindegi tarıhı oqıǵamen órnekteldi – Qazaqstan Azııa-Tynyq muhıt memleketter tobynan Birikken Ulttar Uıymy Qaýipsizdik Keńesiniń turaqty emes múshesi bolyp saılandy. Bul oqıǵanyń bizdiń elimizdiń óz Táýelsizdiginiń 25 jyldyq mereıtoıyn merekeleıtin jyly bolyp otyrǵandyǵy tereń nyshanǵa ıe. Birikken Ulttar Uıymy qyzmetiniń búkil tarıhynda bizdiń elimiz osynshalyq mańyzdy organnyń quramyna kirgen Ortalyq Azııa óńiriniń tuńǵysh memleketi bolyp tabylady. Búgingi tańda Qazaqstan óziniń jasam­paz­dyq bastamalary arqasynda ekonomı­kasy qarqyndy damyǵan el jáne ózara tús­i­nis­tik pen ózara qurmet negizinde toptas­qan kópultty qoǵam retinde tanylyp otyr. Sonymen birge, zamanaýı syn-qaterler jáne álemniń birqatar aımaqtaryndaǵy turaqsyzdyq memleketterden qaýipsizdik pen damýdyń jańa júıesin qurýdy talap etedi, al onyń negizin ózara yntymaqtastyq, qurmet, taǵattylyq pen ózara túsinistik quraýy tıis. Bul baǵyttaǵy negizgi arqaý barlyq memleketterdiń kúsh-jigerin biriktirý, oryn alyp otyrǵan shıelenister men kelispeýshilikterdi eńserý, beıbitshilik pen tatýlyqqa bastaıtyn ymyraǵa kelý joldaryn izdeý bolýy tıis. BUU Qaýipsizdik Keńesi quramyndaǵy Qazaqstannyń kezek kúttirmes mindeti halyqaralyq ekstremızm men lańkestikke qarsy is-qımyldaǵy kúsh-jigerdi toptasty­rý bol­maq. Munyń ózi is júzinde Jer shary­nyń árbir óńiri úshin kókeıkesti bolyp tabylady. Biz ózimizge júktelgen jaýapty mıssııany abyroımen ári laıyqty, tolyq jaýap­kershilikpen oryndap shyǵa­ty­nymyzǵa senimdimiz. «Qazaqstan dintanýshylar kongresi» QB  * * * Biz elimizdi 2017-2018 jyldarǵa BUU Qaýipsizdik Keńesiniń turaqty emes músheligine saılanýymen shyn júrekten quttyqtaımyz. Bul oqıǵa Qazaqstannyń jáne onyń Kóshbasshysynyń halyqaralyq arenadaǵy bedelin taǵy bir ret aıǵaqtady, jas respýblıkanyń beıbitshilik súıgish saıasatyn álemdik qoǵamdastyqtyń joǵary baǵalaýynyń jáne moıyndap tanýynyń kórinisine aınaldy. Atalǵan oqıǵa qazaqstandyqtar úshin Táýelsizdiktiń 25 jyldyǵyn merekeleý jylynda aıryqsha mánge ıe bolýda. Prezıdent Nursultan Nazarbaevtyń jahandyq bastamalary osynaý bedeldi halyqaralyq uıymǵa múshe memleketterdiń barlyǵy úshin kókeıkesti bolyp otyr. Biz Memleket basshysynyń budan arǵy bastamalary da álemdik qoǵamdastyq tarapynan túsinistik jáne yqylasty qoldaý tabatynyna senimdimiz. Qazaqstan Kommýnıstik halyq partııasy  * * * Qazaqstannyń azamattyq Alıansy Memleket basshysy Nursultan Ábish­uly Nazarbaevty jáne barlyq qazaqstandyqtardy elimizdiń Birikken Ulttar Uıymy Qaýipsizdik Keńesiniń turaqty emes múshesi bolyp saılanýymen quttyqtaıdy. Bul, eń aldymen, álemdik kóshbasshylar arasynda birinshi bolyp ıadrolyq arsenaldan bas tartý týraly sheshim qabyldap, saıası erik-jiger tanytqan Qazaqstan Prezıdentiniń bıik halyqaralyq bedeliniń jarqyn aıǵaǵy. Bul sheshimniń Qazaqstan Táýelsizdiginiń 25 jyldyq belesinde qabyldanýynyń erekshe mánisi bar. Osynaý jyldarda bizdiń elimiz salıqaly ishki jáne syrtqy saıasat júrgizip keledi, sóıtip, halyqaralyq qoǵamdastyqtyń zańdy qurmetine ıe bolyp otyr. Bizdiń elimizdiń BUU Qaýipsizdik Keńesiniń qyzmetine belsendi qatysýy eldiń halyqaralyq bedelin budan da bıikke kóteretinine, sóıtip, Qazaqstannyń aldynan jahandyq qaýipsizdik áleýetin qalyptastyrýdyń keń múmkindikterin ashatynyna senimdimiz. Qazaqstannyń azamattyq Alıansy * * * Biz barlyq qazaqstandyqtardy elimizdiń 2017-2018 jyldarǵa BUU Qaýipsizdik Keńesiniń turaqty emes múshesi bolyp saılanýymen quttyqtaımyz. Bul jeńis jas respýblıkanyń ósip otyrǵan halyqaralyq bedeliniń jarqyn kórinisine aınaldy. Qazaqstannyń paıdasyna tańdaý jasaǵan BUU músheleri Memleket basshysy N.Á.Nazarbaevtyń, ásirese, antııadrolyq qarýsyzdaný, halyqaralyq lańkestikke qarsy is-qımyl, sondaı-aq, «Álem. HHI ǵasyr» manıfesinde kórinis tapqan beıbitshilik pen qaýipsizdikti qamtamasyz etý salalaryndaǵy jahandyq bastamalaryna qoldaý bildirdi. «Qazaqstannyń isker áıelder qaýymdastyǵy» RQB