Tehnologııalyq ilgerileý – zaman talaby

Qazaqstandaǵy biregeı telekom­mýnıkasııalyq kompanııa retinde tanymal «Qazaqtelekom» AQ buqara halyqqa kompanııa men bıznesti damytýdyń jańa strategııasyn tanystyrdy. Memlekettik organdar ókilderi, basqarma músheleri men konsaltıngtik kompanııa qyz­metkerleri jáne sheteldik sarapshylar qatys­qan is-shara atalǵan kompanııanyń eki jyl buryn bastalǵan aýqymdy transforma­sııa nátıjelerin tujyrymdap, onyń pers­pektıvalyq tehnologııalar men ınnovasııalyq sheshimderin aıqyndaýǵa baǵyttaldy. Jıyn barysynda Aqparat jáne kommýnıkasııalar mınıstri Dáýren Abaev sóz sóılep, kompanııanyń basqarma  tóraǵasy Qýanyshbek Esekeev baıandama jasady. Bul rette aqparattyq-kommýnıkasııalyq tehnologııalardyń damýy memlekettik qurylymdar men azamattyq qoǵam ınstıtýttarynyń jumysyn ǵana emes, sonymen qatar áleýmettik, ǵylym, bilim jáne mádenıet salalaryndaǵy úderisterdi, jalpy alǵanda adamdardyń ómir súrý saltyn transformasııalaıtynyn atap ótken D.Abaev «Qazaqtelekomnyń» óz qyzmetin júzege asyra otyryp, onyń azamattar, memleket jáne áriptesteri aldyndaǵy jaýapkershiligin budan keıin de aqtaı berýi, baılanys operatory bolyp qana qoımaı, sondaı-aq ınnovasııalar engizýdiń saraptamalyq jáne tehnologııalyq alańyna aınalýy mańyzdy ekendigin jetkizdi. Sonymen qatar XXI ǵasyrdaǵy memle­kettiń básekege qabilettiligi tehnologııalyq ilgerileý deńgeıine baılanysty bola­tyn­dyǵyn, osy rette «Aqparatty Qazaqstan» memlekettik baǵdarlamasyn júzege asyrý jyldarynda bul baǵytta eleýli jetistikterge qol jetkizilgenin baıandady. Onyń aıtýyna qaraǵanda, búginde halyqty mobıldik baılanyspen, keń jolaqty ınternetke qoljetimdilikpen jáne sandyq efırli habar taratýmen keńinen qamtý qamtamasyz etildi. Qazirgi ýaqytta telekommýnıkasııalyq qyzmetter naryǵy mańyzdy sektorlardyń biri bolyp otyr jáne de ekonomıkanyń kóptegen salalary úshin aıryqsha mańyzdylyqqa ıe. Onyń kólemi 600 mlrd. teńgeden asty. Osy baǵytta keńinen qatysýy,  iske asyrylyp otyrǵan jobalar men oryndalǵan maqsattar turǵysynda «Qazaqtelekom» salanyń kóshbasshysy bolyp tabylady, dedi mınıstr. Kelesi sóz kezegin alǵan kompanııanyń basqarma tóraǵasy Q.Esekeev kompanııa kommersııa, «ınternet zattar», M2M áleýetti sheshimin damytý tárizdi jańa qyzmet salasyn meńgerýdi kózdep otyrǵanyn kóldeneń tartty. Bul rette ol kompanııa strategııa mindetterin iske asyrý  úshin tehnıkalyq, adamı resýrstar – sarapshylar men tehnıkalyq mamandarǵa ıe ekendigin,  sondaı-aq, kompanııanyń ınfraqurylymy jańa sheshim engizýge daıyndalǵanyn atap ótti.  20 jyl ýaqyt ishinde kompanııa kóptegen belesterdi baǵyndyryp,  aýqymdy jetistikterge qol jetkizdi.  Biz qazirgi tańda birqatar naryqtarda kóshbasshy bolyp kelemiz, dedi kompanııa basshysy. Sonymen qatar, atalǵan kompanııa naryǵynyń jalpy kólemi 92 paıyzdy quraıtynyn jetkizdi. Tanystyrylǵan jańa strategııanyń bas­ty bazalyq elementteriniń biri retinde turaqtylyqty atap ótýge bolady. Iаǵnı, kompanııa operatory turaqty ınfraqurylymmen jumys jasaıdy. Ekinshisi – ınnovasııalyq baǵyt bolsa, úshinshisi sandyq ekonomıkaǵa kóshý bolyp tabylady. Is-shara barysynda «Qazaqtelekom» AQ qyzmetkerlerin salalyq «Úzdik baılanysshy» tósbelgisimen saltanatty túrde marapattaý ótkizilip, bul rette Aqparat jáne kommýnıkasııalar mınıstri D.Abaev kompanııanyń aımaqtardaǵy 32 qyzmetkerine baılanys salasynyń joǵary marapatyn tabys etti. Elmıra MÁTIBAEVA, «Egemen Qazaqstan»