Atatúrik əýejaıyndaǵy jarylys

Bul lańkestik oqıǵa qatygezdiktiń shegi bolmaıtynyn kórsetti Túrik jurtyn taǵy bir oqıǵa dúrbeleńge túsirdi. Keshe túnde Ystanbul əýejaıynda bolǵan jarylystar Ramazan aıyn ulyqtap, alańsyz Orazasyn ustap jatqan beıbit halyqtyń degbirin qashyrdy. Biraq túrikter qashanǵy ədetinshe sabyrlylyq tanytty. Jedel qımyldap, jaralanǵandardy emdeý oryndaryna jetkizip, búlingen jerlerdi qalpyna keltire bastady. Atatúrik əýejaıy az ǵana ýa­qyt toqtap qalǵan jumysyn qaıta jalǵastyrdy. Qazirgi ahýal qalypty. El-jurttyń eptep kóńili alańdaýly bolǵanmen, abyr­jyǵany baıqalmaıdy. Jarylys bolǵan soń az ǵana ýaqyt ótkende túriktiń biraz telearnasy tikeleı efırdi iske qosty. Anadoly halqy tún ortasyna deıin birer saǵat teledıdarǵa telmirip, jańalyq kútti. Alǵashynda on adam qaza boldy dep habarlanǵan-dy. Sət saıyn derekter jańaryp, qazirgi ýaqytta qurban bolǵandardyń sany 41-ge, jaralanǵandardyń sany 239 delinip otyr. Jarylysty jasaǵandardyń jaı-japsary jan-jaqty zerttelýde. Qasıetti Ramazan aıy kezinde jantúrshigerlik qylmys jasaǵan qaskúnemderdiń əreketi aqylǵa syımaıdy. Qaza bolǵan 41 adamnyń 37-siniń kim ekeni anyqtaldy. Olar­­­dyń 10-y sheteldik. Ekeýiniń qos aza­mattyǵy bar eken. 19 adam­nyń múrdesi jaqyndaryna berildi. Ja­ralanǵan 239 adamnyń 109-y aýrý­hanadan shyǵaryldy. 130 adam əli de em qabyldap jatyr. Qaza bolǵandardyń 13-i əýejaı kúze­tiniń qyzmetkerleri, 3-eýi taksıst. Qyzyl Jarty Aı uıymynyń bas­tamasymen Ystanbuldyń birqatar aımaqtarynda jaraly­larǵa arnap erikti túrde qan tapsyrý úderisi belsendi túrde qolǵa alyndy. Túrkııa prezıdenti Rejep Erdoǵan shuǵyl jıyn ótkizip, Rama­zan aıynda lańkestik jasa­ǵandardy qatań aıyptady. Ter­rorızmge qarsy əlem bolyp kúresýge shaqyrdy. Túrkııa bıligi qaýipsizdik sharalaryn jan-jaqty oılastyrýda. Eldiń premer-mınıstri Bınalı Iyldyrym tún ishinde Atatúrik əýejaıyna kelip, mən-jaıdy óz kózimen kórdi. Keıbir buqaralyq aqparat quraldary terakt bolǵan sətte əýejaıǵa Albanııa premer-mınıstri mingen ushaq kelip qonǵanyn aıtýda. Búgin elde aza tutý kúni jarııalandy. Túrkııanyń ər aımaǵynda demalyp jatqan qazaqstandyq tanys­tarymyzben habarlastyq. Əzirge eshqaısysynyń abyrjyǵanyn baıqamadyq. Bəri de demalysyn sońyna deıin jetkizýge bekingenin aıtady. Mundaı jaısyz oqıǵalar eki eldiń arasyndaǵy qarym-qatynas pen aralas-quralastyqty bəseńdete almaıdy. Túrik jerin­degi jarylystardyń zardabyn óz qaıǵysyndaı qabyldaıtyn qazaqstandyqtar osy oıǵa be­kingen. Túriktiń buqaralyq aqparat quraldary Atatúrik əýejaıyndaǵy jarylystyń jaıyn halyqqa baıandaýdy basty nazarda ustap otyr. Albına ƏShIM, «Egemen Qazaqstan» – Ystanbuldan Túrik Respýblıkasy