Oqýshylar qamqorlyǵy

Úıine kelgen qonaǵyna qoradaǵy jalǵyz qoıyn soıyp, aty sharshasa, óziniń tyń atyn mingizip jiberetin qazaqta saqylar kóp bolǵan. Munyń túbi qonaqjaılyqtan bólek, meıirimdilik, izgilik. Halqymyzdyń osyndaı ta­masha qasıetteri el erteńi ba­lalardyń boıynan da tabylyp jatqandyǵy qýantady. Shym­kenttegi «Mıras» ýnıversıteti uıym­dastyrǵan fotokonkýrsta 50 myń teńge jeńip alǵan oqý­shylar bul aqshany paıdaly iske jaratýdy kózdepti. Qalada taǵdyry qıyn oqýshy­lardy beıimdelýden ótki­zetin ortalyq bar. Ata-ana qam­qor­ly­ǵynsyz qalǵan, buzyq­ty­ǵymen, ádepsiz qylyǵymen qolǵa túsken balalar osynda ákelinip, týǵan-týystary izdemegen jaǵdaıda kishileri balalar úıine ótkizilip, jasóspirimderi arnaýly oqý oryndaryna jiberiledi. Ortalyq basshylarymen til­­desken oqýshylar osyndaǵy balalarǵa negizinen ishki kıim, gıgıenalyq jabdyqtar men jazǵy jeńil zattar kerek ekenin bilgen. 27 balaǵa osyndaı syılyqtarymen qosa, tátti-dámdi taǵamdar apar­ǵan oqýshylar olarmen bir kesh birge boldy. Jaqynyndaı baýyr­laryna tartty. О́zderindeı bala­lardyń áreketi ortalyqtaǵy jas­óspirimderge oı salǵany anyq. Olar aldaǵy ýaqyttarda da júzde­sip turatyn bolyp kelisti. Baqtııar TAIJAN, «Egemen Qazaqstan» Ońtústik Qazaqstan oblysy