Kásiporyn temirjoldyń dóńgelekterin shyǵaryp jatyr

Qazirgi kezde elimizde Memleket basshysynyń «100 naqty qadam» Ult josparyn iske asyrý maqsatynda kóptegen jumystar jasalynyp jatyr. О́ndiris oryndarynda, ónerkásipte biraz mańyzdy jumystar qolǵa alyndy. Solardyń biri – temirjol dóńgelekterin shyǵarýmen aınalysatyn «Prommashkomplekt» JShS 2017 jyldyń ekinshi jartysynda óndiristi 1,7 esege arttyrýdy josparlap otyr. Qolda bar málimetterge qaraǵanda, osy jobamen «Báıterek» AQ holdınginiń enshiles uıymy «Qazaqstannyń damý banki» AQ aınalysýda. Bank jobany 2015 jyldyń shilde aıynan qarjylandyra bastady. Bul joba elimizdi ındýstrııalyq-ınnovasııalyq damytýdyń 2015 – 2019 jyldarǵa arnalǵan memlekettik baǵdarlamasy aıasynda júzege asyrylmaq. Onyń jalpy quny – 50,9 mlrd. teńge. Osy somanyń 71 paıyzy Qazaqstannyń damý banki tarapynan qarjylandyrylady. Bank árıne, aqshany qaryzǵa beredi. Qaryzdy óteý merzimi 19 jylǵa deıin. Búgingi tańda banktiń nesıeleýge bergen qarjysy 90 paıyzǵa ıgerildi. Kásiporyn tolyq jobalyq qýattylyǵyna shyqqannan keıin ónimniń 40 paıyzyna deıin ishki naryqqa – negizinen «Qazaqstan temir joly» AQ qajettiligine, al qalǵan 60 paıyzy Iran, Ázerbaıjan, Reseı men Túrikmenistanǵa eksporttalady. Qazirgi ýaqytta temirjol dóńgelekteri óndirisiniń ornynda qaıta gazdandyrý stansalaryn ornatý boıynsha montaj jumystary bastaldy. Qolda bar derekterge qaraǵanda, bıylǵy jyldyń sońyna deıin О́nerkásiptik mashına kesheni kompanııasyna Avstrııa, Germanııa, Chehııa men Polshadan 4 000 tonna joǵary tehnologııalyq jabdyq jetkiziledi. Dastan KENJALIN