Mártebe

Qazaqstan Respýblıkasy Azııa toby memleketteriniń atynan Birikken Ulttar Uıymynyń Qaýipsizdik Keńesiniń 2017-2018 jyldarǵa turaqty emes múshesi bolyp saılandy. Bul týraly 2016  jylǵy 28 maýsymda Nıý-Iorkte BUU Bas Assambleıasynda ótken daýys berýdiń nátıjesinde málim boldy. Daýys berýge qatysqandardyń arasynan 138 memleket Qazaqstannyń kandıdatýrasyn qoldady. Qazaqstandyq ótinimniń jalǵyz básekelesi – Taıland Koroldigi úshin 50-den astam memleket daýys berdi. «Búkil Qazaqstan úshin bul tarıhı kún, óıtkeni, bizdiń elimiz BUU Jarǵysy boıynsha ǵalamdyq qaýipsizdik pen beıbitshilikti saqtaýǵa ókilettengen eń mańyzdy saıası organnyń quramyna tarıhta birinshi bolyp saılanǵan Ortalyq Azııanyń memleketi boldy. Búgingi nátıje – halyqaralyq deńgeıdegi Qazaqstannyń jáne bizdiń Elbasymyz Nursultan Nazarbaevtyń jeke tulǵasynyń bıik bedeliniń, onyń ǵalamdyq jáne óńirlik máselelerdi retteýge, ıadrolyq qarýsyzdaný men taratpaý máselelerin ilgeriletýge qosqan biregeı úlesiniń jarqyn kýáligi», – dep málimdedi osyǵan oraı Qazaqstan Respýblıkasynyń Syrtqy ister mınıstri Erlan Ydyrysov. BUU Qaýipsizdik Keńesine saılaný sondaı-aq, bizdiń memleketimizdiń beıbitsúıgish dáıekti syrtqy jáne ishki saıasatynyń halyqaralyq qaýymdastyqta joǵary qurmetteletinin dáleldedi.

Álem aldynda abyroıy asqaqtaǵan Qazaqstan

Qazaqstan halqy Assambleıasy kafedralarynyń qaýymdastyǵy Elbasy Nursultan Nazarbaev pen Qazaqstan halqyn dáýirlik oqıǵa – elimizdiń BUU Qaýipsizdik Keńesine saılanýymen quttyqtaıdy. Bul tarıhı oqıǵa Memleket basshysynyń beıbitshilik pen kelisim saıasatynyń saltanat qurǵan kúnine aınaldy. Shyn máninde, Otany­myzdaǵy túsinistiktiń nátıjesinde ózara senim men qoldaý jáne tynyshtyq pen úılesim búkil halyqaralyq qoǵamdastyqqa úlgi-ónege retinde taratylýda. Biz elimizdiń BUU-nyń asa mańyzdy quryly­myna múshe bolýyn asa maqtanyshpen atap ótemiz. Qazaqstan mundaı dárejege Ortalyq Azııa memleket­teriniń ishinen tuńǵysh bolyp qol jetkizip otyr. О́z táýelsizdiginiń alǵashqy kúninen bastap Qazaqstan turaqtylyq pen qaýipsizdikti qamtamasyz etýge úlken nazar aýdaryp keledi. Qazaqstannyń bul jeńiske óz táýelsizdiginiń mereıtoıly jylynda qol jetkizýiniń nyshandyq máni bar. Bul jeńis Qazaqstannyń álemdegi asa damyǵan memleketterdiń 30-dyǵyna kirýge jańa qadam bolatyny kúmánsiz. Qazaqstan halqy Assambleıasy kafedralarynyń qaýymdastyǵy  * * * Túriktiń «Ahyska» etnomádenı birlestigi el Prezıdenti N.Á.Nazar­baev­ty jáne barsha qazaqstandyqtardy tarıhı oqıǵamen quttyqtaıdy. Biz Qazaqstannyń Ortalyq Azııa elderiniń ishinen tuńǵysh bolyp osy mańyzdy mártebege qol jetkizgenin – Birikken Ulttar Uıymy Qaýipsizdik Keńesiniń turaqty emes músheligine saılanǵanyn maqtan tutamyz. BUU Qaýipsizdik Keńesine saılaný halyqaralyq qoǵamdastyqtyń bizdiń memleketimizdiń basshysy N.Á.Nazarbaevtyń júrgizip kele jatqan beıbitsúıgish saıasatyn úlken qurmetpen qabyl­daı­tynyn kezekti mártebe qýattap berip otyr. BUU Qaýipsizdik Keńesiniń jumysyna qatysýy Qazaqstandy jahandyq damý máselelerin talqylaý men sheshýde asa joǵary deńgeıge alyp shyǵatyny sózsiz. Biz Qazaqstan halqy óziniń Kóshbasshysymen birge osy joǵary senim údesinen laıyqty shyǵa­ty­nyna jáne aldaǵy kezeńde de beıbitshilik pen keli­simdi nyǵaıtýǵa baǵyttalǵan salmaqty, beıbitsúı­gish saıasat ustanýdy jalǵastyratynyna senimdimiz. «Ahyska» túrik etnomádenı birlestigi  * * * О́z táýelsizdiginiń 25 jyldyǵy qarsańynda bizdiń elimiz taǵy bir tarıhı mańyzy joǵary bıik halyqaralyq deńgeıdegi jeńisine qol jetkizdi. Qazaqstan BUU Qaýipsizdik Keńesiniń 2017-2018 jyldardaǵy turaqty emes músheligine saılandy. Bul tabysqa birinshi kezekte Prezıdentimiz N.Á.Nazar­baevtyń halyqaralyq joǵary bedeli, eli­miz­diń dáıekti de beıbitsúıgish syrtqy saıasaty, Ota­ny­­myzdaǵy birlik pen turaqtylyq negiz qalap otyr. BUU Qaýipsizdik Keńesi – Birikken Ulttar Uıy­my­nyń turaqty jumys isteıtin organy. Oǵan BUU Jarǵysynyń 24-babyna sáıkes halyqaralyq beıbitshilik pen qaýipsizdikti saqtaý boıynsha bas­ty jaýapkershilik júkteledi. Biz, etnomádenı birlestikterdiń ókilderi, elimizdiń Qaýipsizdik Keńesine ótýin maqtan tuta­­myz jáne Memleket basshysy júrgizip kele jat­qan ishki-syrtqy saıasatqa túbegeıli qoldaý kór­se­tetinimizdi bildiremiz. Al Qazaqstan BUU Qaýip­­sizdik Keńesiniń quramynda halyqaralyq beı­bit­shilik pen qaýipsizdikti qamtamasyz etý salasynda kóptegen problemalardyń oń sheshimin tabýyna óziniń súbeli úlesin qosatynyna senimdimiz. Qazaqstannyń «Idel» tatar jáne tatar-bashqurt qoǵamdyq jáne mádenı ortalyqtarynyń qaýymdastyǵy  * * * Belarýs etnomádenı birlestigi el Prezıdenti men Qazaqstan halqyn tarıhı jeńisimen quttyq­taıdy! Qazaqstan Ortalyq Azııa óńirinen BUU Qaýip­siz­dik Keńesinde ókilettik etý quqyn jeńip alý jolyndaǵy adal da básekeli kúreste óziniń osy orynǵa laıyqty ekenin aıqyn kórsetti. Bul Prezıdentimizdiń – Elbasy N.Á.Nazarbaev­tyń joǵary halyqaralyq bedeliniń arqasynda múmkin boldy. Elimizdiń BUU Qaýipsizdik Keńesine saılanýy Otanymyzdyń beıbitsúıgish jáne konstrýktıvti syrtqy jáne ishki saıasatyn halyqaralyq turǵydan tanýdyń aıǵaǵy boldy. Barshany jeńispen quttyqtaımyz! Alǵa, Qazaqstan!!! «Belarýs etnomádenı birlestigi» qoǵamdyq birlestigi * * * Qazaqstannyń koreıler qaýymdastyǵy qazaqstandyqtar men Memleket basshysyn Otany­myzdyń Birikken Ulttar Uıymynyń asa mańyzdy organy – Qaýipsizdik Keńesine turaqty emes múshe bolyp saılanýymen quttyqtaıdy. Bul Elbasy – Prezıdent Nursultan Nazarbaev­tyń eńbegi! Bul tarıhı oqıǵa Qazaqstannyń ǵana emes, sondaı-aq, búkil Ortalyq Azııanyń tarıhynda jańa bet ashyp otyr. О́ıtkeni, Qazaqstan endi óziniń ǵana emes, óńirdiń de múddelerin asa joǵary halyqaralyq deńgeıde qorǵaıtyn bolady. Biz Qazaqstannyń BUU Qaýipsizdik Keńesine qatysýy naqty bastamalarmen aıshyqtalatynyna jáne elimizdiń qazirgi zamanǵy jahandyq syn-qater­lerdi sheshýde súbeli úles qosatynyna senimdimiz. Qazaqstan koreıleriniń qaýymdastyǵy  * * * Qazaqstan ýkraındarynyń radasy el Prezı­denti men Qazaqstan halqyn tamasha jeńisi­men quttyqtaıdy! Bizdiń elimiz beıbitsúıgish saıasat ustanyp otyrǵandyqtan da BUU Qaýipsizdik Keńe­sine turaqty emes múshelikke saılandy. Elimiz táýelsizdiginiń 25 jyldyq mereıtoıly belesinde bul jeńis zańdy kórinedi. Bul Elbasy – Tuńǵysh Prezıdent Nursultan Nazarbaev júrgizip kele jatqan dana saıasattyń saltanaty men halyq­aralyq tanylýynyń kórsetkishi bolyp tabylady. Bul – Otanymyzdyń joǵary halyqaralyq bedeli moıyndalýynyń jáne onyń jahandyq qaýipsiz­dikti ilgeriletý men halyqaralyq qatynas­tardaǵy senim sharalaryn nyǵaıtýǵa qosyp kele jatqan úlesiniń jarqyn kórinisi. Munyń el Prezıdenti Nursultan Nazarbaevtyń «Álem. HHI ǵasyr» dep atalatyn manıfesindegi jahandyq bastamalaryn praktıkalyq turǵydan júzege asyrýǵa qyzmet etetinine senimdimiz. О́ıt­keni, Elbasynyń kózdegeni – búkil planetadaǵy turaq­ty­lyq pen beıbitshilik. Demek, atalǵan manı­festiń búkil adamzattyń ıgiligine qyzmet etetini kúmánsiz. BUU Qaýipsizdik Keńesindegi jumys Memleket basshysynyń BUU Bas Assambleıasynyń 70-shi sessııasynda ilgeriletken antıterrorlyq bastamalary men Qazaqstannyń basqa da beıbit bastamalaryna, onyń ishinde sý, energetıkalyq jáne azyq-túlik qaýipsizdigin qamtamasyz etýdiń jahandyq máselelerin sheshýde jańa serpin qosatyn bolady. Biz barsha qazaqstandyqtardy ortaq jeńisimiz­ben quttyqtaımyz! Qazaqstan ýkraındarynyń radasy * * * Biz el Prezıdenti N.Á.Nazarbaev pen barsha Qazaqstan halqyn Otanymyzdyń BUU Qaýipsizdik Keńesiniń turaqty emes músheligine saılanýymen quttyqtaımyz. Atalǵan sheshim bizdiń Memleketimiz basshysy­nyń qaýipsizdik pen ıadrosyz álem qurý jolyndaǵy dáıekti bastamalaryna jahandyq qoǵamdastyq tarapynan berilgen joǵary baǵa bolyp tabylady. BUU Qaýipsizdik Keńesiniń jumysyna qatysýy Qazaq­standy jahandyq damý máselelerin talqylaý men sheshý­de asa joǵary deńgeıge shyǵaratyn bolady. BUU Qaýipsizdik Keńesindegi jumysy barysynda Qazaqstan HHI ǵasyrda adamzat­qa qatysty álemdik syn-qaterlerdi joıýǵa ózi­niń súbeli úlesin qosýyn jalǵastyratynyna senimdimiz. Qazaqstan kásipkerleriniń forýmy  * * * Birikken Ulttar Uıymy – HHI ǵasyrdaǵy adam­zat­tyń saıası tarıhyn baısaldy, salıqaly jolda damýyna yqpal etýshi asa joǵarǵy álemdik uıym. Qazaqstan Respýblıkasynyń BUU Qaýipsizdik Keńesiniń turaqty emes músheligine ótýi – elimiz­diń halyqaralyq arenada kóptegen kúrmeýli máselelerdi sheshýdegi moderatorlyq deńgeıiniń jáne dıplomatııalyq jetistikteriniń asa joǵary ekendiginiń aıqyn dáleli. Eń aldymen bul Elbasy retindegi Sizdiń eren eńbegińizdiń, halyqaralyq saıası arenadaǵy asa joǵary mártebeńizdiń nátıjesi dep bilemiz! Sizdiń mańyzdy halyqaralyq sammıtterde syndarly baıandamalar jasaýyńyz, ásirese, 2015 jylǵy jahandyq antııadrolyq sammıttegi bastamalaryńyz Qazaqstan pozısııasynyń basym­dyǵyna ákelgeni sózsiz! BUU QK-ge múshelik elimizge jahandyq «kún tártibin» qalyptastyrýǵa tikeleı atsalysýǵa múm­kin­dik berip qana qoımaı, Ortalyq Azııa aıma­ǵy­nyń kúrmeýli máselelerin sheshýge jol ashary anyq. Búgingi Qazaq eliniń osy bir jetistikterge qol jetkizý tusynda «Aýyl» partııasy atynan Sizdi jáne barsha qazaqstandyqtardy syndarly tarıhı oqıǵamen quttyqtaımyz! Eńbegińizge tabys tileımiz! «Aýyl» partııasy * * * «Aq jol» demokratııalyq partııasy Qazaqstan halqyn jáne el Prezıdenti N.Á.Nazarbaevty dáripti oqıǵamen – Qazaqstannyń Birikken Ulttar Uıymy Qaýipsizdik Keńesiniń múshesi bolyp saı­lanýymen quttyqtaıdy. Bul – jas memlekettiń tarıhı tabysy, Qazaqstan men onyń Kóshbasshysynyń bizdiń Táýel­siz­digimizdiń araı tańynda Semeı ıadrolyq polıgo­nyn jabý jáne ıadrolyq qarýdan bas tartý bastaý kózi bolǵan halyqaralyq qaýipsizdikti qamtamasyz etýdegi rólin álemdik turǵydan moıyndaý. Lańkestiktiń kúrt asqynýynyń, daısh (Qazaq­standa tyıym salynǵan) jalǵan memlekettik qury­lymymen jalǵasyp jat­qan kúrestiń, Taıaý Shyǵystaǵy, Parıjdegi, Brıýsseldegi, Ystan­bul­daǵy jáne Qazaqstannyń Aqtóbesindegi qanquıly teraktilerdiń qazirgi jaǵdaılarynda bizdiń respýb­lıkamyzdyń BUU Qaýipsizdik Keńesine saılanýynyń mán-mańyzyn asyra baǵalaý múmkin emes. Birikken Ulttar Uıymynyń joǵarǵy organy­­nyń quramyna kire otyryp, Qazaqstan jalpy­adamzattyq órkenıetti qorǵaýshylardyń, halyq­ara­lyq qoǵamdastyqtaǵy beıbitshilik pen turaqty­lyq­ty alǵa aparýshylardyń aldyńǵy qatarynan kórinbek. Bizdiń elimizdiń daýysy bul jumysta mándi de salmaqty bolatynyna senimdimiz. Qazaqstannyń «Aq jol» demokratııalyq partııasy  * * * Qazaqstan halqy Assambleıasynyń ǵylymı-saraptamalyq keńesi Qazaqstan Respýblıkasynyń mereıli jeńisine jáne Elbasy, eldiń Tuńǵysh Prezıdenti N.Á.Nazarbaevtyń beıbitshilik súıgish syrtqy saıasatynyń saltanat qurýyna baılanysty óz quttyqtaýyn joldaıdy. 2017 jyldyń 1 qańtarynan 2018 jyldyń 31 jeltoqsanyna deıin Qazaqstan Respýblıkasy Azııa-Tynyq muhıt memleketter tobynyń atynan BUU-nyń asa mańyzdy saıası organynyń jumysyna resmı túrde qatysatyn bolady, al Uıymnyń Jarǵysy boıynsha bul organǵa jahandyq beıbitshilik pen qaýipsizdikti qoldaý jónindegi ókilettilikter júktelgen. Eldiń BUU Qaýipsizdik Keńesine saılanýy – Memleket basshysynyń halyqaralyq bedelin álemdik turǵydan taný, onyń serpindi jahandyq bastamalarynyń bıik baǵasy. Prezıdentimiz bastaǵan bizdiń elimizdiń jahandyq qaýipsizdikti jáne halyqaralyq qatynas­tar­daǵy senim sharalaryn nyǵaıtý jónindegi jańa, abyroıly ári jaýapty mıssııany laıyqty oryndap shyǵatyndyǵyna eshqandaı kúmán joq. Qazaqstan halqy Assambleıasynyń ǵylymı-saraptamalyq keńesi  * * * Qazaqstan ázerbaıjandarynyń etnomádenı bir­les­tigi Qazaqstan Respýblıkasynyń BUU Qaýip­sizdik Keńesiniń turaqty emes múshesi bolyp saı­lanýy týraly habardy maqtanysh sezimmen qarsy aldy. Bul bizdiń Prezıdentimiz N.Á.Nazarbaevtyń tatý kórshilik, jahandyq únqatysý men yntymaqtas­tyqty nyǵaıtý qaǵıdattaryna negizdelgen beıbit­shilik súıgish saıasatyn halyqaralyq turǵy­dan moıyndaýdyń taǵy bir dáleli. Jalpyálemdik ózekti problemalardy sheshýge qatysý bizdiń elimiz úshin kóptegen eldermen jáne óńirlermen qarym-qatynasty damytýdyń jańa múmkindikterin ashady. Búgingi tańda álemdik qoǵamdastyq burynǵydan da berik toptasýy jáne beıbitshilik pen turaqty­lyqty nyǵaıtý jóninde pármendi sharalar qabyldaýy qajet. Biz elimizdiń jer betindegi jasampazdyq, beıbitshi­lik pen turaqtylyqty nyǵaıtý isine budan bylaı da óziniń kúsh-jigerin jumsaı beretinine senimdimiz. Qazaqstan ázerbaıjandarynyń etnomádenı birlestigi  * * * Qazaqstannyń BUU Qaýipsizdik Keńesiniń turaqty emes múshesi bolyp saılanýy bizdiń elimizdiń Prezıdenti N.Á.Nazarbaev júrgizip otyrǵan beıbitshilik pen kelisim saıasatynyń jeńisi bolyp tabylady jáne álemdik qoǵamdastyqta bizdiń elimiz ben Kóshbasshymyz ıelenip otyrǵan qurmetti taǵy bir ret aıǵaqtaıdy. Uıymnyń turaqty emes múshesiniń quqyǵy bizdiń elimizge qaýipsizdik salasyndaǵy aǵymdaǵy jahandyq kún tártibin qalyptastyrýǵa tikeleı qatysýǵa jáne óńirdiń neǵurlym mańyzdy máselelerin álemdik deńgeıde alǵa shyǵaryp tanytýǵa múmkindik beredi. Bizdiń elimiz árqashan jetekshi álemdik bastamalardyń alǵy shebinde keledi. Azııadaǵy ózara is-qımyl jáne senim sharalary jónindegi keńesti uıymdastyrý oraıyndaǵy Elbasy bastamalary, Qazaqstannyń EQYU-ǵa tóraǵalyq etýi, Ortalyq Azııada ıadrolyq qarýdan azat aımaq qurý, «Álem. HHI ǵasyr» manıfesi jáne kóptegen basqa bastamalar Qazaqstandy jahandyq qaýipsizdikti ilgeri jyljytý jáne búkil álemde senim atmosferasyn qalyptastyrý jónindegi kóshbasshy deńgeıine kóterdi. Qazaqstannyń ustanymy jáne onyń BUU Qaýip­siz­dik Keńesindegi pikiri árqashan salmaqty ári bedel­­di bolatyndyǵyna, Jer sharynyń barlyq túk­­pir­­lerinde beıbitshilik pen qaýipsizdiktiń eń kúr­de­li problemalaryn sheshýge yqpal etetindigine senimdimiz. «Qyrǵyzstan» – «Astana» qyrǵyz etnomádenı birlestigi  * * * Qazaqstan kúrdteri qaýymdastyǵy barlyq qazaqstandyqtardy tolaıym oqıǵamen – eldiń BUU Qaýipsizdik Keńesiniń turaqty emes múshesi bolyp saılanýymen quttyqtaıdy. Memleket basshysy N.Á.Nazarbaevtyń aqyl­man saıa­satynyń arqasynda Táýelsizdiktiń 25 jyly ishin­de Qazaqstan kóptegen bıik shyńdardy baǵyndyrdy. Bizdiń elimizdiń tarıhy ár alýan etnostar men konfessııalar ókilderiniń bizdiń jerimizde bir aspannyń astynda, birge, tatý-tátti dostyqpen ómir súrip jatqandyǵyn aıqyn aıǵaqtaıdy. Biz búkil álemge kelisim men ózara túsinistiktiń úlgisin kórsetýdemiz, ári muny baǵalaıdy. Sondyq­tan da bizdiń elimiz BUU Qaýipsizdik Keńesiniń turaqty emes múshesi bolyp saılanǵan Ortalyq Azııadaǵy birinshi memleket bolyp otyr. Biz Nursultan Ábishuly Nazarbaev bastaǵan halqymyz óziniń osynaý mártebeli halyqaralyq uıymdaǵy tarıhı mıssııasyn laıyqty oryndaıtynyna senimdimiz. «Barbang» Qazaqstan kúrdteriniń qaýymdastyǵy  * * * Qazaqstan kásipodaqtar federasııasy barlyq qazaqstandyqtardy jáne bizdiń Memleket basshysyn Qazaqstannyń 2017-2018 jyldarǵa BUU Qaýipsizdik Keńesiniń turaqty emes múshesi bolyp saılanýymen quttyqtaıdy. Munyń Qazaqstan tarıhyndaǵy jańa jarqyn bet ekendigi sózsiz. Bizdiń elimiz BUU Qaýipsizdik Keńe­si­niń turaqty emes músheleri quramyna saılan­ǵan Ortalyq Azııadaǵy tuńǵysh memleket boldy. 25 jylda Qazaqstan ózin halyqaralyq qoǵam­das­­tyqtyń tolyq quqyqty sýbektisi jáne jahan­dyq qaýipsizdikti nyǵaıtý, álemdegi birlik pen turaq­tylyqty saqtaý jónindegi úderisterdiń belsendi qatysýshysy retinde tanyta bildi. Bul – Memleket basshysynyń búkil álemdegi beıbit­shi­likti óristetý jónindegi dáıekti jumysy­nyń laıyqty nátıjesi. Bul – búkil qazaqstandyqtardyń jeńisi. BUU Qaýipsizdik Keńesiniń jumysyna qatysý Qazaqstannyń jahandyq bastamalaryn alǵa jyljytý jónindegi jańa múmkindikterin ashady. Qazaqstan kásipodaqtar federasııasy   * * * «Qazaqstan ardagerler keńesi» RQB Memleket basshysy N.Á.Nazarbaevty jáne Qazaqstan halqyn eldiń BUU Qaýipsizdik Keńesiniń turaqty emes múshesi bolyp saılanýymen quttyqtaıdy. Nursultan Nazarbaevtyń bıik bedeli jáne biregeı halyqaralyq bastamalary arqasynda biz osyndaı joǵary senimge ıe boldyq. Qazaqstan bizdiń Memleket basshysynyń bastamasy boıynsha álemdik tarıhta alǵash ret ıadrolyq arsenaldan erikti túrde bas tartty. Bizdiń elimiz jahandyq jáne óńirlik qaýipsizdikti nyǵaıtý isindegi kóshbasshylardyń biri bolyp tabylady. Osynaý tarıhı oqıǵanyń alǵashqy habarshysy asa qysqa merzimde BUU Bas Assambleıasy men Qaýipsizdik Keńesiniń resmı qujatyna aınalǵan Nursultan Nazarbaevtyń «Álem. HHI ǵasyr» manıfesi boldy. BUU Qaýipsizdik Keńesiniń jumysyna qatysý Qazaqstan úshin búkil álemde beıbitshilik jolyn­daǵy jahandyq bastamalardy alǵa jyljytý ora­ıyndaǵy jańa múmkindikterdi ashady. Biz Qazaqstannyń BUU Qaýipsizdik Keńesiniń múshesi retindegi abyroıly mıssııasyn laıyqty oryndap shyǵatynyna senimdimiz. «Qazaqstan ardagerler keńesi» RQB