Keleshegi kemel Qazaqstan

*Syrt kóz synshy Qazaqstan Respýblıkasynyń Qytaı Halyq Respýblıkasyndaǵy elshiligi «Qazaqstan: beıbitshilik, qaýipsizdik jáne damý jolymen 25 jyl» degen taqyrypta dóńgelek ústel ótkizdi. Oǵan qatysqandardyń ishinde QHR-diń Qaýipsizdik máseleleri jáne terrorızmge qarsy kúres jónindegi memlekettik komıssary Chen Gopın, Shanhaı yntymaqtastyq uıy­mynyń Bas hat­shysy Rashıd Alımov, Qytaı Kommýnıstik par­tııa­sy Ortalyq komı­teti halyqaralyq bóliminiń, QHR Syrtqy ister mınıstrliginiń, QHR Memlekettik keńesi ja­nyn­daǵy Eýropa jáne Azııa damý ınstı­týty­nyń, Qytaı halyqaralyq qatynastar aka­de­­mı­ıa­­synyń jáne basqa da qurylymdar men dıp­­lo­matııalyq korpýstyń ókilderi boldy. Osy basqosýda dóńgelek ústelge qatysý­shylar Qazaqstannyń Birikken Ulttar Uıy­my Qaýipsizdik Keńesiniń 2017-2018 jyldar­daǵy turaqty emes músheligine saılanýyna baılanysty da oı-pikirlerin bildirgen edi. Lıý BIN, QHR Syrtqy ister mınıstrligi Eýropa jáne Azııa departamenti dırektorynyń orynbasary: – Qytaı Syrtqy ister mınıstrligi atynan Qazaq­standy Birikken Ulttar Uıymy Qaýipsizdik Keńesiniń turaqty emes músheligine saılanýyna baılanysty shyn júrekten quttyqtaýymdy jetkiz­gim keledi. Bul – Ortalyq Azııa tarıhyndaǵy eń alǵashqy úlken jeńis. Munyń ózi Qazaqstan Respýblıkasynyń aımaqtyq jáne halyqaralyq qaýipsizdikti qamtamasyz etý baǵytyndaǵy róliniń zor ekendigin anyq aıqyndap berdi. Sondyqtan da bul – Qazaq­stannyń ǵana emes, búkil Ortalyq Azııa mem­­leketteriniń baǵa jetpes jeńisi. Osy jeńisteri­ńiz­ben shyn júrekten quttyqtaımyn. Nursultan Nazarbaev – sarabdal saıasatker. Bul sózime dálel, Qazaqstan memleketiniń basshysy – tek óz elinde ǵana emes, sonymen birge, halyqaralyq qoǵam­das­­tyq­qa baılanysty da batyl usynystarymen tany­mal tul­ǵa. Men Astanada jumys istegen edim. Son­dyq­tan osy qalanyń ósip-órkendeýine birneshe jyl kýá bol­dym. Qazir Qazaqstannyń elordasy adam tany­mas­taı óz­ger­gen. Aldaǵy ýaqytta Qazaqstan da, As­tana da damý­dyń dańǵyl jolynda bolatyndyǵyna tolyq senimdimin. Qazaqstan men Qytaı – tatý-tátti kórshi ǵana emes, sonymen birge, strategııalyq áriptes. Eki memleket arasyndaǵy dıploma­tııa­lyq qarym-qatynastyń qalyp­tas­qanyna 24 jyl boldy. Ekijaqty tyǵyz baılanys aldaǵy ýaqytta da arta beretini sózsiz. Qytaı Halyq Respýblıkasynyń Tóraǵasy Sı Szın­pınniń bastamasy boıynsha Jibek joly boıynda ekonomıkalyq beldeý jasaý jóninde 2013 jyly Astanada ýaǵdalastyq bolǵan edi. Bul baǵyttaǵy jumys qazir belsendi júrgizilip jatyr. Sondaı-aq, «Nurly Jol» Jańa ekonomıkalyq saıasatyna baılanysty da ekijaqty qarym-qatynas qalyptasty. Bul rette, jalpy quny 24 mıllıard dollar bolatyn 52 joba bekitildi. Endi sony júzege asyrý qolǵa alynady. Biz «Álem. HHI ǵasyr» manıfesin jan-jaqty oqyp tanystyq. Nursultan Nazarbaevtyń kózqarastarymen tolyq kelisemiz. Keleshekte de Qazaqstan men Qytaı aımaq­tar men álemniń damýy jáne qaýipsizdikti qamta­ma­syz etý isine belsendi úles qosa beredi dep senemiz. Chen GOPIN, QHR Qaýipsizdik máseleleri jáne terrorızmen kúres jónindegi memlekettik komıssary: – Nursultan Nazarbaevtyń basshylyǵymen Qazaq­stan 25 jyl ishinde ózindik dańǵyl damý jolynan ótti. Búgingi tańda TMD elderi arasynda ishki jalpy ónim kór­setkishteri boıynsha ekinshi oryn alady. Osyǵan qarap-aq, Qazaqstannyń Ortalyq Azııa mem­leketteri arasynda qýatty el ekendigin aıqyn ańǵarýǵa bolady. Nursultan Nazarbaevtyń bastamasymen Qazaqstan ıadro­­­lyq qarý-jaraqtan bas tartyp, halyqaralyq qaýip­­­­siz­­­dikti qamtamasyz etý baǵytynda bastamashy el boldy. Men Qazaqstannyń Birikken Ulttar Uıymy Qaýip­sizdik Keńesiniń turaqty emes músheligine saılanǵanyn estigende qatty qýandym. Bul – Qazaqstan­nyń damýy­nyń jáne Nursultan Nazarbaevtyń kóregen saıasatker ekendiginiń aıqyn kórinisi. Onyń basshylyǵymen Qazaqstan halqy ózindik damý jolyn tańdady. Álemdik ekonomıkalyq daǵdarys jaǵdaıynda Qazaqstan Prezıdenti durys sheshim qabyldaı bildi. Keleshekte de Qazaqstan barlyq qıyndyqtardy jeńip, Ortalyq Azııadaǵy turaqtylyq pen beıbitshilikti qamtamasyz etýdiń negizgi kúsh-qýaty bola beretindigine senimdimin. Szıan NAIChEN, Qytaı Kommýnıstik partııasy Ortalyq komıteti halyqaralyq bólimi altynshy basqarmasy bastyǵynyń orynbasary: – Qazaqstan bıyl Táýelsizdiginiń 25 jyldyǵyn toılaıdy. Osy ýaqyt aralyǵynda Qazaqstan halyqaralyq deńgeıde óziniń laıyqty ornyn ala bildi. Bolashaqta da bul el halyqaralyq qaýipsizdikti qamtamasyz etýge, ózara ekonomıkalyq baılanysty damytýǵa eleýli úles qosa beretindigine kúmánim joq. Qazaqstannyń Birikken Ulttar Uıymynyń Qaýip­sizdik Keńesine saılanýynyń ózi Qazaqstan Respýb­lıkasynyń álemdik deńgeıdegi abyroı-bedeliniń asqaq ekendigin aıǵaqtap berdi. Osy jaqynda ǵana Qytaı Kommýnıstik partııasy Ortalyq komıteti halyqaralyq bóliminiń meńgerýshisi Sýn Tao bastaǵan Qytaı delegasııasy Qazaqstanda bolyp, Premer-Mınıstr Kárim Másimovpen, Parlament Senatynyń Tóraǵasy Qasym-Jomart Toqaevpen, «Nur Otan» partııasy basshylyǵymen jáne basqa da saıası birlestikterdiń ókilderimen kezdesken edi. Qazaq­stan­nyń qazirgi ekonomıkalyq jáne mádenı damýy bizdi erek­she súısindirdi. Osy sapar barysynda Ulttyq mýzeı­de de boldyq, erekshe áser aldyq. Az ýaqyttyń ishin­de Qazaqstannyń eleýli tabystarǵa jetkenine kýá bol­dyq. Munyń bári Nursultan Nazarbaevtyń syndarly saıa­sa­ty­nyń arqasynda júzege asyp otyr. Keleshekte de Qazaq­stannyń ósip-órkendeı beretinine eshqandaı kúmán keltirmeımin. Jazyp alǵan Sadyq ÁKIJANOV, «Egemen Qazaqstan» Beıjiń