«Altyn Suńqar» alǵandar

On jyldan beri Qaraǵandyda buqaralyq aqparat quraldary qyzmetkerlerin oblys ákiminiń «Altyn Suńqar» syılyǵymen marapattaý rásimi dástúrli túrde ótip keledi. Jalpy, bul ıgi shara kezinde Qaraǵandy oblysynyń ákimi bolǵan, búginde Parlament Májilisiniń spıkeri Nurlan Nyǵmatýlınniń bastamasymen týyndaǵan bolatyn. О́ńirdiń úzdik jýrnalısterine arnalǵan saltanat jyldaǵydaı Qaraǵandydaǵy kenshilerdiń mádenıet saraıynda ótti. Bul kúni baıqaýdyń qatań súzgisinen ótken jergilikti jýrnalıs­ter men reporterler, operatorlar men fototilshiler jáne re­daksııalardyń tehnıkalyq qyzmetkerleri oblystaǵy tany­mal tulǵalardyń qolynan «Al­tyn Suńqardyń» músinshesi men 250 myń teńge mólsherindegi syıaqysyn alyp, qýanyshty sátti bastan keshti. Dástúr boıynsha konkýrs júldeleri 10 atalym boıynsha tabys etildi. Jeńimpazdar qa­tarynda Jezqazǵan qalalyq «Saryarqa» gazeti redaktorynyń orynbasary Sara Smaǵul («Eń­bek adamy» taqyrybyn úzdik jarııalaǵany jáne nasıhattaǵany úshin»), Temirtaý qalalyq «Vecher­nıaıa gazeta» basylymynyń til­shisi Lıdııa Frolova («О́ndiris taqyrybyn úzdik jarııalaý»),  «Qazaqstan-Qaraǵandy» ob­lystyq televızııasynyń re­dak­tory Svet­lana Shýls («Áleýmettik ta­qyrypty úzdik jarııalaý»),  Qarqaraly aýdandyq «Qarqaraly» gazeti redaktorynyń orynbasary Aıan Qyzkın («Aýyl taqyrybyn úzdik jarııalaý»),  Saran qalalyq «Saran gazeti» basylymynyń tilshisi Nurbaný Baımuhambetova («Belsendi ómir­lik ustanymy úshin»), «Novyı vestnık» gazetiniń tilshisi Anas­tasııa Mashnına («Jyldyń úzdik shyǵarmashylyq jumysy»),  Aqtoǵaı aýdandyq «Toqyraýyn tynysy» gazetiniń korrektory Álııa Ibraeva («Máner men atqarymdylyq úshin»),  Qaraǵandy qalalyq «5 kanal» arnasynyń úılestirýshisi jáne tilshisi Alına Aqbaeva («Alǵashqy tabystary úshin»), respýblıkalyq «Astana» telearnasynyń operatory Maq­sut Sarabaev («Obektıv sheberi») boldy. Biz úshin qýanyshty jaıt, kóp jyldar boıy «Egemen Qazaqstan» gazetiniń  Qaraǵandy oblysyndaǵy menshikti tilshisi bolyp qyzmet etken, búgingi kúnde qurmetti eńbek demalysyna shyqqan qarymdy qalamger Aıqyn Nesipbaı  da «Mamandyqqa adaldyǵy úshin» atalymy boıynsha júldege ıe boldy. Al «Altyn Suńqar» baıqaýy­nyń «Qaraǵandy jýrnalıstıkasyn damytýǵa qosqan úlesi úshin»  atalymy boıynsha bas júldesine Serik Aqsuńqaruly laıyq dep tanyldy. Aqynǵa júldeni oblys ákimi Nurmuhambet Ábdibekov tabys etti. Marapattaý rásimi kezinde óńir basshysy BAQ ókilderin tól merekemen quttyqtady. «Qurmetti buqaralyq aqparat quraldarynyń ókilderi! Sizder bılik pen qoǵam arasynda dáneker bolyp, eki jaqqa tıimdi dıalog úshin qolaıly jaǵdaı týdyryp júresizder. Adamdardy biriktirip, keń aýqym­daǵy aǵartý jáne túsindirý ju­mystaryn atqaryp ta bizdiń qoǵamnyń damýyna súbeli úles qosyp kelesizder», dep BAQ ókil­deriniń eńbegine joǵary baǵa berdi oblys ákimi. Úzdik jýrnalısterdi marapattaý keshinde osy saltanatqa arnaıy shaqyrylǵan ánshi Mádına Sádýaqasova men jergilikti óner­pazdar merekelik kóńil-kúıdiń ho­shyndaǵy jýrnalıster men kesh qonaqtary aldynda ásem án­nen shashý shashty. Al kesh júr­gizýshileriniń biri belgili tele­júrgizýshi Aıgúl Múkeı boldy. Qaırat ÁBILDINOV, «Egemen Qazaqstan» QARAǴANDY