Qurylǵy kún energııasymen qýattanady

Keleshekte qurylysshy­lar kúnnen qýat alatyn beton qa­ry­ǵyshpen jumys isteıtin bolady. Bul qurylǵyny Q.A.Iаsaýı atyndaǵy halyqaralyq qazaq-túrik ýnıversıteti Kentaý ıns­tıtýtynyń mamandary iske qos­ty. Balama energııa arqyly is­ke qosylatyn beton qaryǵysh baǵanalar arqyly jaryq júıesi tartylmaǵan aýmaqta qurylys júrgizýge óte qolaıly. Qajetti zattar Qytaı­­dan alyn­­­­­ǵanmen, qurastyrý jumys­taryn oqý ornynyń stýdentteri ózderi jasaǵan. Kásiptik bi­lim mamandyǵyn ıgerýshi iz­de­­nýshiler teorııa júzindegi sabaqtaryn tájirıbemen ush­tastyrý barysynda qundy dú­nıege qol jetkizgen. Nebári 3 mınýtta 50 lıtr betondy qaryp beretin qurylǵy bultty kúnderi de 220 voltpen 24 saǵat boıy kedergisiz jumys isteıdi. Kúnnen alynǵan energııa akkýmýlıatorǵa jınalyp, qajet kezde taratylady. Tok qosqyshqa teledıdar, muzdatqysh sekildi turmystyq tehnıkalardy da qo­sýǵa bolady. Jobany «Tisa» fırmasy qar­jylandyryp otyr. Al, negizgi maman – túrkııalyq Ferhad Chaıyr. Al­daǵy ýaqytta EKSPO – 2017 kórmesine usynsaq degen taǵy biraz jobalarymyz bar, – deıdi Q.A.Iаsaýı atyndaǵy HQTÝ Ken­taý ınstıtýtynyń dırektory Kamalbek Berkinbaev. Qaırat ZAINIShEV Túrkistan