Halyq pikiri qashanda qaltqysyz

Memleket basshysynyń atyna qazaqstandyqtardan Elba­sy­nyń kezekten tys prezıdenttik saılaý ótkizý týraly sheshimin qýattaǵan hattar men jedelhattar kelip túsýde, dep ha­bar­lady Qazaqstan Respýblıkasy Prezıdentiniń baspasóz qyzmeti. Jambyl oblysy, Merki aýylynyń turǵyny Sáken Dármenov óz hatynda: «31 qańtarda qabyldaǵan sheshim – tek uly adamdardyń qolynan keletin is. Bul arqyly bizdiń Prezıdent álemdegi bedelin taǵy da arttyra tústi. Sóıtip, óziniń jeke basynan góri halyq qamyn joǵary qoıatynyn kórsetti», dep jazady. Odan ári avtor «Elbasy N.Á.Nazarbaev Qazaqstandy muratyna jetkizetin uly tulǵa», dep ózindik pikirin bildiredi. Al Mańǵystaý oblysy, Jańaózen qalasynyń turǵyny, «Altyn alqa» ıegeri Zámze Turaqova Elbasy júrgizip otyrǵan saıasatqa úlken qoldaý bildirgen. Odan ári: «El ıgiligi jolyndaǵy eńbegińiz ushan-teńiz jáne oǵan halqymyz dán razy. Búginde qazaq halqy ál­emge tanyldy. Keshegi ótkizilgen EQYU-nyń sammıti sonyń aıǵaǵy dep bilemin. Teledıdardan prezıdenttik saılaýǵa qatysatynyńyzdy estip, sheksiz qýanyp otyrmyn. Ystyq yqylasymdy bildire otyryp, áýletimizben Sizdi qoldaıtynymyzdy aıtýdy jón kórdim. Memleket múddesi men elimizdi damytý jolyndaǵy abyroıly isterińizde mol tabys tileımin», deıdi jedelhat ıesi. * * * OTANDASYMYZDYŃ OŃ TILEGI Memleket basshysynyń atyna Qostanaı oblysynyń tur­ǵyny Amangeldi Baqtybaevtan jedelhat keldi, dep habarlady Qazaqstan Respýblıkasy Prezıdentiniń baspasóz qyzmeti. «Qazaqstanda Azııa oıyndarynyń tabysty ashylýymen shyn júrekten quttyqtaýymdy qabyl alyńyz. Sportshylarǵa tolaǵaı tabystar, al Sizge, qurmetti Prezıdent, zor densaýlyq tileımin», delingen jedelhatta.