• 05 Aqpan, 2011

JAŃA…

461 ret

kórsetildi

2 mın

oqý úshin

Egemen Qazaqstan

...KELISIM-ShARTQA OTYRDY Taıaýda «Teńizshevroıl» JShS kásiporyn qyzmetkerleri birlestigimen jáne Teńiz munaı-gaz kesheni kásipodaǵymen jańa ujymdyq kelisim-shartqa otyrǵandyǵyn jarııalady. «Bizdiń tabysymyz kásibı biliktiligi joǵary qyzmetkerler men merdiger uıymdardyń jumysyna negizdelgen. Biz álemdik deńgeıdegi jumys jaǵdaıyn týǵyzýǵa jáne qyzmetkerlerimizdiń múddesine saı keletin qomaqty áleýmettik paket berýge umtylýdamyz. Ujymdyq kelisim-shart úderisi TShO basshylyǵyna qyzmetkerlerdiń jáne kompanııanyń múddelerin qamtamasyz etýge kómektesedi», – dep atap ótti «Teńizshevroıl» JShS bas dırektory Tım Mıller. «Biz áleýmettik paket aıasyn keńeıte túsken jańa kelisim-shart nátıjesine rıza boldyq», – degendi aıtty TShO qyzmetkerleri birlestiginiń tóraǵasy Amanjol Alybaev. Joldasbek ShО́PEǴUL. Atyraý oblysy. * * * ...AKVAPARKTIŃ QURYLYSY Jalpy aýmaǵy alty myń sharshy metr jerdi alyp jatqan sý kesheni bir myń adamǵa deıin qyzmet kórsete alady. Kanadanyń zamanaýı qondyrǵylary ornatylyp, bıiktigi – 18,5, uzyndyǵy 26 metrdi quraıtyn bolady. Halyqaralyq talaptarǵa saı turǵyzylatyn basseındi boılap tórt otbasylyq syrǵanaq salynady. Olardyń uzyndyǵy – 150 metr. Munda sport zaly, fıtnes ortalyǵy men muz aıdyny da ornalasady. Petropavl oranjereıasy janynda boı kóteretin keshendi attraksıonnyń qurylys jumystarymen «Leontev» JShS aınalysýda. Akvaparkti tamyz aıynda paıdalanýǵa berý kózdelip otyr. О́mir ESQALI. Soltústik Qazaqstan oblysy. * * * ...KО́ShEGE ATAÝ BERILDI Adamnyń eńbegi eshqashan umyt qalmaıdy. Osyndaı sońyna óshpes ónege qaldyrǵandar qataryndaǵy qarasaılyq shejireshi Aýbaı Baıǵazyulynyń esimimen Qaskeleń qalasyndaǵy bir kóshe ataldy. Qarasaı aýdanyna qarasty Áıteı aýylynda dúnıege kelgen Aýbaı Baıǵazyuly Qaskeleń qalasynda saýatyn ashyp, Qazaq memlekettik aýyl sharýashylyǵy ınstıtýtyn támamdaǵan soń, túrli mekemelerde basshylyq qyzmetter atqarǵan. Sonymen birge, shyǵarmashylyqqa den qoıyp, el shejiresin jınaqtap, qaǵazǵa túsirýdi de esten shyǵarmaǵan. Kóp jyldar qazaqtyń tarıhyn, shyǵý tegin, shejiresin zerttep, ómiriniń sońyna deıin birizdendirýmen bolǵan. Kókshetaýdaǵy Qarasaı men Aǵyntaı batyrlardyń jatqan jerine belgitas ornatqandardyń biri jáne qos asylymyzǵa alyp kesene somdaýǵa da ózindik úlesin qosqan jan. Kúmisjan BAIJAN. Almaty oblysy.