Eńbekpen qamtýdyń baǵdarlamasy pysyqtalýda

О́tken senbide Premer-Mınıstr Kárim Másimovtiń tóra­ǵa­lyǵymen Úkimette kezekti selektorlyq keńes bolyp ótti. Onda el turǵyndaryn eńbekpen qamtýdyń aldaǵy ýaqyttaǵy keshendi sharalary qaraldy. Bul týraly Eńbek jáne halyqty áleýmettik qorǵaý mınıstri Gúlshara ÁBDIHALYQOVA baıandama jasady. Elbasy Nursultan Nazarbaev «Bolashaqtyń irgesin birge qalaı­myz» atty Qazaqstan halqyna arnaǵan bıylǵy Joldaýynda «Úki­metke oblystardyń, Astana jáne Almaty qalalarynyń ákimderi­men birlesip, 2011 jyldyń 1 ma­myryna deıin halyqty eńbekpen qamtý jóninen qaǵıdatty túrde jańa baǵdarlama ázirleýdi tap­syramyn» dep atap kórsetken bolatyn. Baıandamashy óz sózinde Memleket basshysynyń Joldaý­ynda alǵa qoıǵan osy mindetterdi atap kórsete kelip, mınıstrliktiń respýblıkamyzdyń halqyn eńbek­pen qamtýdyń 2020 jylǵa deıingi jańa baǵdarlamasyn Úkimet mú­she­leriniń talqylaýyna usyndy. Mınıstrdiń aıtýy boıynsha, talqylaýǵa usynylyp otyrǵan jańa baǵdarlamanyń basty úsh maqsaty bar. Olar birinshiden, hal­qymyzdyń ómir súrý tabysyn kóbeıtý, ekinshiden, elimizde qa­byldanǵan  údemeli ındýstrııa­lyq-ınnovasııalyq damý baǵdarlama­syn is júzine asyratyn bilikti kadr­lardy daıarlaý, úshinshiden, áleýmettik kómek júıesin jetildirý bolyp tabylady. Ústimizdegi jyly qanatqaqty joba retinde baǵdarlamanyń birinshi kezeńi is júzine asyrylmaq. Elbasynyń Joldaýyna baılanysty júzege asyrylatyn turǵyndardy eńbek­pen qamtýdyń tolyqqandy baǵ­dar­lamasy 2012 jyldan bastap ómirge engizile bastaıdy. «Biz ha­lyqty eńbekpen qamtýdy tolyq­qandy júzege asyrýǵa arnalǵan osy baǵdarlama sheńberinde 2015 jylǵa deıin 1,5 mıllıon ha­lyqty turaqty jumyspen qamtý­dy kózdep otyrmyz. Elbasynyń Joldaýynda erekshe mańyz berilgen bul baǵdarlamany júzege asy­rý barysynda biz taıaý bola­shaqta respýblıkamyzdaǵy kedeıshilik deńgeıin 7 paıyzǵa, jumys­syzdyq deńgeıin 5,5 paıyzǵa tómendetýdi kózdep otyrmyz», dedi óz sózinde Eńbek jáne halyqty áleýmettik qorǵaý mınıstri Gúl­shara Ábdihalyqova. Úkimet otyrysynda Premer-Mınıstr Kárim Másimov sóz al­yp, halqymyzdy 2020 jylǵa deıingi eńbekpen qamtý máselesi 8 aqpanda ótetin Úkimettegi kezekti selektorlyq keńeste jan-jaq­ty talqylanatyndyǵyn habarla­dy. Sonymen birge osy Úkimet oty­rysynda qurylys jáne tur­ǵyn úı-kommýnaldyq qyzmet sa­la­sy­nyń problemalary da talqy­la­na­tyn bolady. Úkimet basshysy atap kórsetkendeı, aldaǵy Úkimet otyrysynda Elbasynyń Qazaq­stan halqyna arnaǵan Joldaý­y­nan týyndaıtyn mindetterge baı­lanysty, ásirese, turǵyndardy ju­myspen qamtýdyń aldaǵy 10 jyl merzimge arnalǵan keshendi baǵdarlamasy belgilenbekshi. Jylqybaı JAǴYPARULY.