6 aqpan kúni Almaty qalasynda tek Qazaqstan úshin ǵana emes, barsha Azııa qurlyǵy men álemdik olımpıadalyq qozǵalys úshin sózsiz erekshe oqıǵaǵa aınalǵan VII Qysqy Azııa oıyndarynyń jabylý saltanaty boldy.
Alǵash ret Azıadada 11 sport túrinen 69 jıyntyq nagrada tigildi. Júlde bólisýge qatarynda álem chempıonattary men Olımpııa oıyndary júldegerleri bar Azııanyń 27 memleketinen 1000-ǵa jýyq sportshy qatysty. Oıyndar barysynda qurlyqtyq 10 rekord jańardy.
VII Qysqy Azııa oıyndary álemdik aqparat aǵynynyń nazaryn ózine qaraı burdy. Álemniń 500 mln. turǵyny jarystardy jiti baqylap, 20-dan astam álemdik telearnalar, 17 eldiń 2 myńnan astam tilshileri sporttaǵy arpalysty jahanǵa taratty.
Qazaqstan quramasy 70 medal, onyń ishinde 32 altyn, 21 kúmis, 17 qola medaldardy jeńip alyp, Qysqy Azııa oıyndarynyń tarıhynda jańa rekordty bekitti. Bul – bizdiń sportshylarymyzdyń álemdik deńgeıdegi belesterdi baǵyndyrýǵa daıyn ekenin kórsetetin keremet jetistik.
Qazaqstandyq sportshylardyń jeńisi Memleket basshysynyń elimizdegi buqaralyq sportty damytýǵa qamqorlyǵynyń aıqyn kórinisi. Azıadaǵa daıyndyq barysynda búginde eldiń ıgiligine aınalǵan álemdik deńgeıdegi ondaǵan sport keshenderi salynyp, kúrdeli jóndeýden ótti, olardyń keıbiri álemde teńdesi joq qurylys jobalary bolyp tabylady.
VII Azıada Qazaqstandy álemdik qoǵamdastyqqa jańa qyrynan, ıaǵnı tek beıbitshilik pen kelisimniń otany, senimdi ekonomıkalyq damý men halyqaralyq áriptes retinde ǵana emes, sport derjavasy retinde tanytty.
Azıadany ótkizý Qazaqstannyń Azııadaǵy beıbitshilik pen dostyqty nyǵaıtýdaǵy jańa qadamy bolyp tabylady.
VII Qysqy Azııa oıyndaryndaǵy jetistigimiz – bul Nursultan Ábishuly Nazarbaevtyń saıasatynyń, aýyzbirshiligi mol Qazaqstan halqynyń jetistigi, elimiz Táýelsizdiginiń 20 jyldyǵyna úlken syı.
Qazaqstan halqy Assambleıasy barlyq otandastarymyzdy bizdiń ulttyq quramamyzdyń jarqyn jeńisimen quttyqtaıdy!
Jalpykomandalyq esepte bizdiń quramamyzdyń alǵa shyǵýy rýhtyń kúshin, jeńiske degen jigerdi, otansúıgishtik pen halqymyzdyń birligin taǵy da aıqyn dáleldep berdi. Bizdiń jeńisimiz – Erlik pen Jigerdiń jáne Tutastyqtyń, Táýelsizdik pen Birliktiń úlgisi.
Osy aıtýly kúnder boıy ulttyq quramanyń sportshylary bizdiń ulttyq maqtanyshymyz úshin, el namysy úshin kúresti jáne jeńiske jetti!
Bul jeńis Qazaqstannyń álemdik saıasat nemese sport salasyndaǵy kez kelgen halyqaralyq sharany laıyqty deńgeıde iske asyra alatynyna senimdi nyǵaıtyp árbir azamattyń júregine óz eline degen maqtanysh sezimin toltyrdy.
Qazaqstan halqy Assambleıasy osy jeńis barsha halyqty Tuńǵysh Prezıdent, Ult Kóshbasshysy Nursultan Ábishuly Nazarbaevtyń basshylyǵymen áldi de aýqatty, ósip-órkendegen Qazaqstan qurý jolynda taǵy bir biriktirýshi faktor bolatynyna senimdi!
Qazaqstan halqy Assambleıasynyń Keńesi.
