«Egemen Qazaqstan» gazetinde sporttan jarystar uıymdastyrý dástúrge aınalǵan. Gazetimiz jyl saıyn elimiz boıynsha aqparat quraldary arasynda ótetin kóptegen týrnırler men jarystarǵa da belsene qatysyp keledi. Al bıyl 95 jyldyq tarıhy bar aǵa gazet óz qyzmetkerleri arasynda sporttyń birneshe túrinen spartakıada ótkizdi. Oǵan redaksııa ujymy tórt topqa bólinip, bılıard, shahmat jáne doıbydan jarystarǵa qatysty.
Spartakıada bir-eki kúnde ótetin kýboktyq jarys emes, ol birneshe kúnge sozylatyny belgili. Bıylǵy jarys ta Baılanys jáne aqparat qyzmetkerleri kúnine oraı ótkizilip, birneshe kúnge jalǵasty.
Búgin redaksııa qyzmetkerleriniń arasynda ótken spartakıada máresine jetti. Onda jýrnalısterdiń «Suńqar» komandasy bas júldeni jeńip aldy. Ekinshi oryndy hatshylyq jáne ákimshilik bólimderinen quralǵan «Jiger», úshinshi oryndy ınternet-redaksııanyń jigitterinen jasaqtalǵan «Ushqyn» komandasy ıelendi. Al tórtinshi orynǵa jýrnalısterdiń «Umtylys» jasaǵy ıe boldy.
Spartakıada sońynda «Egemen Qazaqstan» gazetiniń basqarma tóraǵasy Darhan Qydyráli jeńimpaz ben júldegerlerdi quttyqtady.
[caption id="attachment_52961" align="aligncenter" width="700"]
Gazet basshysy Darhan Qydyráli bas júldeni tabys etti[/caption]
–«Egemen Qazaqstan» gazeti spartakıada men basqa da jarystardy ótkizýdi dástúrge aınaldyrǵan. Mundaı jarystar redaksııa qyzmetkerleri arasynda sportqa degen qyzyǵýshylyqty arttyryp, salamatty ómir saltyn nasıhattaýǵa septigin tıgizedi. Qazirgi kezde jýrnalıster arasynda sporttyń birneshe túrinen Seıdahmet Berdiqulovty eske alýǵa arnalǵan spartakıada men shaǵyn fýtboldan týrnırdiń ótkiziletinin bilesizder. «Egemen Qazaqstannyń» ujymy osyndaı tartysty syndardan eshqashan kenje qalǵan emes. Gazetimizdiń osyndaı jarystarǵa qatysýyn qoldaımyn. Sporttyń halyqty bereke men birlikke shaqyryp, adamnyń jınaqy da jigerli, shymyr da shydamdy bolýyna áseri kóp. Sondyqtan «Egemen Qazaqstan» gazeti aldaǵy kezde de dene tárbıesi men sportqa, salamatty ómir saltyna basa mán beretin bolady, – dedi gazet basshysy.
Osydan keıin basqarma tóraǵasy Darhan Qydyráli jekelegen nomınasııada úzdik atanǵan redaksııa qyzmetkerlerine dıplomdar men baǵaly syılyqtar tabys etti.
Bul synda «Suńqar» komandasynyń oıynshylary Ǵalym Omarhan men Ǵabıt Iskendiruly, «Jiger» jasaǵynyń múshesi Ahmetqalı О́teýǵalıev bılıardtan ótken básekede úzdik oıynshy atandy. Al «Umtylys» komandasynyń ókili, fototilshi Orynbaı Balmuratqa shahmat jarysynda teń keletin eshkim bolmady. Ol oıyndarynyń barlyǵyn jeńip, úzdik oıynshy atansa, «Jiger» komandasynyń múshesi Farıza Ormanova doıby dodasynda jeke dara shyǵyp, úzdik oıynshy dep tanyldy.
[caption id="attachment_52962" align="aligncenter" width="700"]
«Suńqar» komandasynyń ókili Ǵabıt Iskendiruly bılıardtan úzdik oıynshy atandy[/caption]
[caption id="attachment_52963" align="aligncenter" width="700"]
«Jiger» komandasynyń múshesi Farıza Ormanova doıby dodasynda jeke dara shyqty[/caption]
[caption id="attachment_52964" align="aligncenter" width="698"]
«Suńqar» komandasynyń oıynshysy Ǵalym Omarhan bılıard jarysynda alty ret jeńiske jetti[/caption]
[caption id="attachment_52965" align="aligncenter" width="700"]
Jeńimpaz, júldegerler jáne jankúıerler[/caption]
[caption id="attachment_52967" align="aligncenter" width="700"]
Bılıard jarysynda «Suńqar» men «Ushqyn» komandalary kezdesti[/caption]
[caption id="attachment_52968" align="aligncenter" width="700"]
Doıby dodasy. «Ushqyn» men «Jiger»[/caption]
Dastan KENJALIN
Foto: Erlan OMAROV
