Almaty Elbasynyń nazarynda

Memleket basshysy Almaty qalasynyń ákimi Baýyrjan Baıbekti qabyldady, dep habarlady Prezıdenttiń baspasóz qyzmeti. Qazaqstan Prezıdentiniń Almatydaǵy rezıdensııasynda ót­ken kezdesý barysynda B.Baıbek Elbasyna qalanyń áleý­­­mettik-ekonomıkalyq damý qar­­qyny, mańyzdy memlekettik baǵ­­dar­­lamalardyń iske asyrylýy jáne aldaǵy kezeńge arnalǵan jos­­parlary týraly baıandady. Nursultan Nazarbaev qala tur­ǵyndarynyń ál-aýqatyn art­tyrý úshin tıisti sharalar qabyldaý, jańa jumys oryndaryn ashý, qurylys jumystary men áleýmettik mańyzdy nysandardy ashý isin kestege sáıkes júrgizý qajettigine nazar aýdardy. Sonymen qatar, Elbasy Qazaqstan Táýelsizdiginiń 25 jyldyǵyn merekeleý jónindegi is-sharalarǵa sapaly daıyndalyp, ótkizýdiń mańyzdylyǵyn atap ótti. – Almaty – elimizdegi eń iri qala. Respýblıka boıynsha a­t­qarylatyn barlyq jumys onyń damýyna áser etedi ári turǵyndaryna kórinip turady. Bıyl qalanyń 1000 jyldyǵy merekelenedi, kelesi jyly – Qysqy Ýnıversıada-2017 ót­­kiziledi. Bular – iri mem­le­ket­tik is-sharalar. Olardy is­ke asyrý úshin orasan jumys at­qarý qajet. Sondaı-aq, qala­nyń kúzgi-qysqy kezeńine daıyn­dyqty búginnen bastaý kerek. О́tken kezdesýde men birqatar tapsyrma bergen bolatynmyn, olardyń múltiksiz oryndalýyn baqylaý qajet, – dedi Memleket basshysy. B.Baıbek Nursultan Nazarbaev­tyń buǵan deıin beril­gen tapsyrmalarynyń oryndalý barysy týraly baıandady. – Qazirgi kezde qaıta qar­jy­landyrylǵan ıpotekalyq qaryz­dar kólemi 45%-ǵa ósti. Mem­lekettik baǵdarlamalardy iske asyrý aıasynda 15 myń jańa jumys ornyn ashýǵa qarajat bólindi. Budan bólek, memle­ket-jekemenshik seriktestigin damytý jóninde bıznespen ty­ǵyz jumys júrgizilýde. Búginde jal­py quny 40 mlrd. teńgeni quraı­tyn memorandýmdarǵa qol qoıyldy. Sonyń aıasynda bir­neshe áleýmettik nysandar ashý jos­parlanyp otyr, – dedi Almaty qalasynyń ákimi.