Múgedek jannyń úmiti

Ol – «Áıgerim» fılmi Semeıde ATOM jobasy aıa­synda kóptegen sharalar legi uıymdastyrylýda. Sonyń biri múgedek jannyń taǵdyryna arnalǵan «Áıgerim» kórkem fılminiń tusaýkeseri №3 mektepte ótti. «Jas ulan» kınostýdııasynda túsirilgen bul fılmniń tárbıelik máni zor, adamdardyń bir-birine qamqor bolýyn jáne qoǵamymyzdaǵy múgedek jandarǵa qaraılasýǵa úıretedi, dedi tusaýkeser barysynda mektep dırektory Nurjan Ahmetqalıev joǵary synyp oqýshylaryna qarata. Fılm Qazaqstan halqy Assamb­­leıasynyń tapsyrysy boıynsha tú­sirilgen. Rejısseri Erkin Raqyshev. Ol jastaı kózi kórmeı qalǵan Áıgerim degen qyzdyń aýyr taǵdyryna qurylǵan. Áıgerim eseıgen shaǵynda tiginshi bolyp jumysqa ornalasady. Birde ol qolarbaǵa tańylǵan Erlan esimdi jigitpen tanysady. Áıgerimmen aralasa júrip Erlannyń oıyna kishkentaı kezinde bir qyzdyń kózine hımııalyq zat tógip, zaqymdap alǵany túsedi. Aıta ketý kerek, bul fılmniń ssenarıı avtorlarynyń biri semeılik jas qalamger, múgedek jan Nurken Bektas. Fılmdi tamashalaǵan №3 mekteptiń qazaq tili, ádebıeti pániniń muǵalimi Gúlzııa Dúısenqyzynyń aıtýynsha, osyndaı kıno balalardy adamgershilikke tárbıeleıdi. Sebebi, fılmdi tamashalap otyrsańyz, Qytaıda Lý degen dáriger jańa preparat oılap tapqanyn, onyń Áıgerimge kómegi tııýi múmkin ekendigin aıtady. Erlannyń ózi jarymjan ekendigine qaramastan qarajatyn Áıgerimniń kóziniń emine usynǵandyǵyna tolqyǵan dáriger otany tegin jasaıtyndyǵyn aıtady. Fılm sońynda jas qyzdyń kózi jazylyp ketkendigin kórgen oqýshylardyń da qýanyshynda shek bolmady. Bul turǵyda 9 «a» synyp oqýshysy Ásıma Álibekova, 8 «b» synyp oqýshysy Aqsáýle Káribaevalar adam óz senimin eshqashan joǵaltpaý kerektigin osy fılm­nen úı­renýge bolatyndyǵyn tilge tıek etti. Fılmniń tusaýkeserine qatysqan aqyn, fılologııa ǵylymdarynyń kandıdaty Murat Sultanbekov mundaı fılmdi otandyq telearnalardan kórsetip, jastar syılyǵyna usynǵan jón ekendigin aıtty. Raýshan NUǴMANBEKOVA SEMEI