Boks. Qazaqstan quramasy Olımpıadaǵa attandy (foto)

[caption id="attachment_53496" align="aligncenter" width="700"] Qazaqstan ulttyq qurama komandasy Olımpıadaǵa daıyn[/caption] Búgin Astananyń tańy araılap ata bastaǵanda qalanyń halyqaralyq áýejaıyna halyq lyq toldy. Áýejaıǵa jolymyz tússe, halyqtyń kóp bolatynyn kórip júrmiz ǵoı. Al búgin tańerteń áýejaıǵa jınalǵan jurtshylyq tipten kóp boldy. Ine shanshar oryn bolǵan joq. Keshe redaksııaǵa Qazaqstan boks fedarasııasy ulttyq qurama komandanyń Atlant muhıtynyń ar jaǵyndaǵy Ońtústik Amerıka qurlyǵynyń teń jartysyn alyp jatqan Brazılııa eline attanatyny týraly habarlaǵan bolatyn. Sony eskerip, áýejaıǵa biz de jetip bardyq. Halyq boksshylardy Brazılııaǵa shyǵaryp salýǵa tún aýa jınala bastady. Shamamen saǵat 02.30 mınýt ketkende áýejaıǵa boksshylar kelip, jankúıerlermen kezdesti. Kezdesýde olar týǵan-týystarymen, jankúıerlermen sýretke túsip, jýrnalısterge suhbat berdi. Al saǵat 05-ten 55 mınýt ketkende Qazaqstannyń erler jáne áıelder qurama komandasy KL-0405 reısimen Brazılııanyń Rıo-de-Janeıro qalasyna ushyp ketti. Bıyl elimizdiń bokstan ulttyq qurama komandasy alǵash ret tolyǵymen tórt jylda bir aınalyp keletin dúbirli dodaǵa qatysady. Olımpıadada erler quramasynda Birjan Jaqypov (49 kg), Oljas Sáttibaev (52 kg), Qaırat Eralıev (56 kg),  Berik Abdrahmanov (60 kg), Abylaıhan Júsipov (64 kg), Danııar Eleýsinov (69 kg), Jánibek Álimhanuly (75 kg), Ádilbek Nııazymbetov (81 kg), Vasılıı Levıt (90 kg) pen Ivan Dychko (+91 kg) kúsh synasady. Al áıelder quramasy úsh salmaqtyń ekeýinde sharshy alańǵa shyǵady. Bul synǵa elimizden Jaına Shekerbekova men (51 kg) men Darıǵa Shákimova (75 kg) qatysady. Erler quramasynyń bas jattyqtyrýshysy Myrzaǵalı Aıtjanov bizben áńgimelesip, Astanadaǵy oqý-jattyǵý jıynynyń oıdaǵydaı, josparly túrde ótkenin atap ótti. «Jattyǵýlardyń bári jaqsy ótti. Memleket boksshylardyń Olımpıadaǵa daıyndyǵyna barlyq jaǵdaı jasady. Sondyqtan biz tek medal úshin ǵana bara jatyrmyz», dedi ol.  Komanda bıylǵy Olımpıadaǵa da qazy-qarta, jal-jaıa apara jatyr eken. Myrzekeń sony da aıtty. «Bul taǵamdar jarysta qazaq boksshylaryna kúsh-qýat beredi. Jarysqa et, qazy-qartany aparý dástúrge aınalǵan», deıdi bas jattyqtyrýshy. Ulttyq quramanyń 90 kılo salmaqtaǵy boksshysy Vasılıı Levıt te elimiz úshin Olımpıadanyń sátti ótetinine senimdi. Ol Olımpıada aldynda eki oqý-jattyǵý jıynynyń bolǵanyn, endi Brazılııaǵy barǵanda taǵy bir jıyn ótkizetinderin aıtty. «Olımpıada  – úlken jarys. Al jarysta jaqsy óner kórsetý úshin eshteńege ýaıymdamaý kerek. Men eshteńege ýaıymdap jatqan joqpyn. Sondyqtan bári jaqsy bolady», dedi ol bas barmaǵyn kórsetip. Olımpıadaǵa áıelder quramasy da jaqsy kóńil-kúımen attandy. Mysaly, eki lısenzııanyń bireýin jeńip alǵan Darıǵa Shákimova jarysqa tek jeńý úshin ǵana bara jatqanyn jasyrmady. «Aldaǵy jekpe-jekter týraly eshteńe aıta almaımyn. О́ıtkeni, bul sport. Al sportta barlyǵy bolady. Qarsylastarymnyń bárin bilemin. Sharshy alańda barlyǵymen kezdeskenmin. Eń basty qarsylasym – Olımpıada chempıony, álemniń eki dúrkin chempıorny amerıkalyq Klaressa Shılds. Marına Volnova maǵan: «Eshteńeden qoryqpa. Búkil el senderge qarap otyrady. О́zińe sen. Seniń qolyńnan bári keledi», dep biraz sózder aıtyp, qaırat qoıdy. Osy sózderden keıin men jeńilmeýim kerek», dedi Darıǵa. Halyqaralyq boks qaýymdastyǵynyń kestesi boıynsha Olımpıada sporttyń osy túrinen jekpe-jekter 6 tamyz kúni, al jartylaı fınaldyq kezdesýler 12 tamyzda bastalady. [caption id="attachment_53497" align="aligncenter" width="700"] Áýejaıǵa Abylaıhan Júsipovty shyǵaryp salýǵa belgili jattyqtyrýshy Aleksandr Strelnıkov (sol jaqtan tórtinshi ) pen Olımpıada jáne álemniń eki dúrkin chempıony Serik Sápıev (sol jaqtan besinshi) keldi[/caption] [caption id="attachment_53498" align="aligncenter" width="700"] Soldan ońǵa qaraı boksshylar Jaına Shekerbekova, áıelder qurama komandasynyń aǵa jattyqtyrýshysy Vadım Prısıajnıýk, Darıǵa Shákimova men ulttyq quramanyń jattyqtyrýshysy Qaırat Manashev[/caption] [caption id="attachment_53499" align="aligncenter" width="700"] Myrzaǵalı Aıtjanov: "Olımpıadaǵa qazy-qarta, jal-jaıa apara jatyrmyz. Bul bizdiń komandanyń dástúrine aınalǵan"[/caption] [caption id="attachment_53500" align="aligncenter" width="700"] Qaırat Eralıev pen Oljas Sáttibaevtiń kóńil-kúıi jaqsy[/caption] [caption id="attachment_53501" align="aligncenter" width="700"] Birjan Jaqypov: «Olımpıadada bar kúshimdi salamyn»[/caption] [caption id="attachment_53502" align="aligncenter" width="700"] Jaına Shekerbekova jankúıerlerdiń qoldaýyna rıza[/caption] [caption id="attachment_53503" align="aligncenter" width="700"] Júldege úmitkerdiń biri Jánibek Álimhanuly[/caption] [caption id="attachment_53504" align="aligncenter" width="700"] Vasılıı Levıt: «Jarysta jaqsy óner kórsetý úshin eshteńege ýaıymdamaý kerek. Sondyqtan bári jaqsy bolady»[/caption] [caption id="attachment_53505" align="aligncenter" width="700"] Ulttyq qurama komandanyń kapıtany Danııar Eleýsinov týǵan-týystarymen[/caption] [caption id="attachment_53506" align="aligncenter" width="700"] «Reıske tirkelý bastaldy. Olımpıadadan altyn júldelermen kelemiz»[/caption] Dastan KENJALIN Foto: Qazaqstan boks federasııasy