Básekede bási basym Aqtoǵaı

Qarjy sektoryndaǵy turaqsyz­dyq trans­ulttyq kompanııalardy ǵana emes, iri óndiristik toptardy óz bıýdjetterin qaıta qurýǵa májbúrlep otyr. Bastalǵan aptada Qazaqstanda zaman­aýı az shyǵyndy taý-ken óndirisin damytýǵa baǵyttalǵan, ósý áleýeti myqty dep esepteli­netin mys óndirýshi kompanııa KAZ Minerals toby Shyǵys Qazaqstan oblysynda ornalasqan Aqtoǵaı mys kenishi qurylysynyń bıýdjeti azaıǵany týraly málimdeme taratty. Bozshakól ken baıytý kombınatynyń (KBK) (Pavlodar oblysy) qurylysy barysynda jınaqtalǵan tájirıbeniń, sondaı-aq, 2015 jyly amerıkalyq valıýta baǵamynyń ósimi barysynda jergilikti merdigerler jumysynyń dollarlyq qunynyń arzan­daýy arqasynda kúrdeli shyǵyndardyń jalpy kólemi $100 mln. azaıyp, $2,2 mlrd. quraǵan. Osylaısha bıýdjettiń azaıýy nátıjesinde Aqtoǵaı ken baıytý kesheniniń qurylysyna salynatyn ınvestısııalar kólemi 2016 jyly $230 mln. jáne 2017 jyly $350 mln. quraıdy dep josparlanǵan. Qurylystyń bas merdigerine aýdarylatyn $300 mln. kólemindegi sońǵy tólem 2018 jylǵa, ıaǵnı joba tolyǵymen aıaqtalǵanǵa deıin shegerilgeni týraly buǵan deıin habarlanǵan. Aqtoǵaıda totyqqan kennen katodty mys óndirý 2015 jyldyń jeltoqsan aıynda bas­talǵan bolatyn. Al sýlfıdti kennen mys konsentratyn óndirý kelesi jyldan bastap qolǵa alynady dep josparlanǵan edi. Aqtoǵaıda sýlfıdti kendi qaıta óńdeý jónindegi kásiporynnyń jyldyq qýaty – 25 mln. tonna. Mys mólsheri 0,33% (sýlfıdti ken) jáne 0,37% (totyqqan ken). Ken ornyn paıdalaný merzimi – 50 jyldan astam. Aqtoǵaı ken ornynyń operasııalyq shyǵyndary halyqaralyq mys óndirýshi jobalardyń arasynda básekege qabiletti bolyp tabylady. О́ndiris kólemi alǵashqy 10 jylda sýlfıdti ken ýchaskesinen óndiriletin 90 myń tonna katodty ekvıvalenttegi mysty jáne totyqqan ken ýchaskesinen óndiriletin 15 myń tonna katodty ekvıvalentti mysty quraıdy. Endigi jerde KAZ Minerals tobynyń basqarma tóraǵasy Oleg Novachýk «Biz KAZ Minerals-tyń alǵashqy jobasy – Bozshakól kenishindegi qurylysta jınaqtalǵan tájirıbeni sátti paıdalandyq. Sóıtip, Aqtoǵaı jobasynyń josparly bıýdjetin azaıtýǵa múmkindik al­dyq. Naryqtaǵy jaǵdaıdy jiti baqylap, ol jaqyn arada, ıaǵnı 2016 jyldyń barysynda Aqtoǵaıdyń qurylysyna qalaı áser etetindigin asyǵa kútip otyrmyz», dep otyr. Bıyl aqpan aıynda atalmysh kompanııa Pavlodar oblysynda ornalasqan ashyq tıptegi iri aýqymdy kenish – Bozshakól ken ba­ıytý keshenin iske qosty. Kompanııanyń ekinshi órkendeý jobasy – joǵarydaǵy Aqtoǵaıda sýlfıdti kendi qaıta óńdeý ýchaskesiniń qurylysy jalǵasýda. Aınash ESALI, «Egemen Qazaqstan»