Otandyq óndirýshige ótemaqy beriledi

Búginde elimizde otandyq ónim óndirýshini qoldaý men yntalandyrýdyń birqatar tásilderi qoldanylyp júr. Solardyń biri – otandyq taýarlar, jumystar men qyzmetterdi naryqqa usyný barysynda ındýstrııalyq-ınnovasııalyq jańalyqtardy qoldanýǵa jumsalǵan shyǵyndy ótep berý. Búgingideı zamanaýı tehnologııalardyń kóz ilespes shapshańdyqpen damýy men jarysy zamanynda mundaı qoldaýdyń mańyzy zor ekeni sózsiz. Eń aldymen ol óz ónimderimizdiń básekege qabiletin arttyrady. Bıyl «NADLoC» jergilikti qamtýdy damytýdyń ulttyq agent­tigine osyndaı ótemaqy al­­ǵy­­sy kelgen 132 ótinish tús­ken eken. Olardy qaraǵan vedom­s­t­vo­aralyq komıssııa keshe 82 ótinishti qana­ǵat­­tandyrdy. Qalǵandaryna kelesi qarjy­lyq jylda ótem­­­aqy tóleý kózdele­di. О́z óner­­ká­si­bine zamanaýı jańa­lyq en­­giz­geni úshin otandyq ónim ón­­di­rý­shige tólenetin bıylǵy jal­­py soma 120 mln. teńgeni quraıdy. О́tinishter 25 naýryzdan 30 maýsymǵa deıin qabyldanǵan bolatyn. О́temaqy alatyn kom­pa­nııalardyń tizimi atalǵan agent­tiktiń resmı veb-saıtynda jarııalanady. Bul atqarýshy taraptyń qoldaýdy meılinshe ashyq júrgizýge yntaly ekenin kórsetse kerek. Aıta ketý kerek, ótemaqy ın­­­­dýs­­trııa­lyq-ınnovasııa­lyq qyz­­­met úshin jumsalǵan 50 pa­­ıyz­­­dyq shyǵyn tıisti qujat­ta­r­­­men rastalǵan jaǵdaıda óteledi. Biraq 3 myń aılyq esep­tik kórsetkishten aspaýy kerek. Sonymen qatar, mun­daı ótema­qyny Qazaqstan Respýb­lı­ka­synyń «Tehnıkalyq retteý týraly» zańyna sáıkes Qazaq­stan Respýblıkasynyń aýmaǵynda tutynýǵa jiberilgen jáne Memlekettik tehnıkalyq retteý júıesi reestrine engi­­zil­gen taýar sapasyn halyq­ara­lyq standarttarǵa sáıkes­tigin rastaǵan otandyq taýar ón­dirýshiler men qyzmet kór­setýshiler ala alady. Osylaısha, elimizdegi ındýs­t­rııa­lyq-ınnovasııalyq qyz­metke qoldaý jyl saıyn artyp keledi. Atap aıtqanda, «In­dýs­trııalyq-ınnovasııalyq qyzmetti memlekettik qoldaý týraly» Zań 2012 jyldan beri jumys istep tur. О́tken jyly óndiriske jańa tehnologııalardy engizýdi kezeń-kezeńimen damytýdy kózdeı­­tin baǵdarlama óz jumysyn bastady. Sondaı-aq, Elbasy­nyń 5 ıns­­­tıtýttyq reforma­synda da buǵan basa nazar aýdaryl­ǵan. Búginde qarqyndy júr­gizilgen osyndaı saıasattyń nátıjesinde Qazaqstan burynǵy shıkizat óndirýshi el retindegi atynan arylyp, álemdik naryqqa óz ónimderin shyǵarýǵa qabiletti el ekenin dáleldeı bastady. Jandos  Bádeluly, «Egemen Qazaqstan»