Qozǵalys qaıta qalpyna keltirildi

  Aqtóbe oblysynda júk vagon­­darynyń joldan shyǵyp ketýine baılanysty jolaýshylar poıyzdarynyń qozǵa­lysynda biraz kidiris boldy. Oqys oqıǵadan zııan shekken jolaýshylarǵa ótemaqy tólenetin bolady. Bul týraly Aqtóbede ótken baspasóz máslıhatynda «Qazaqstan temir joly» ulttyq kompanııasy Aqtóbe júk tasymaly bólimshesiniń dırektory Maǵaýııa Orazqulov habarlady.   Esterińizge sala keteıik, 31 shildede Astana ýaqytymen saǵat 03:25-te Áıteke bı aýda­nynyń ortalyǵynan 74 sha­qyrym qashyq­tyqta «Áıteke bı-Nıkeltaý» temirjol aralyǵynda ken tıelgen 22 vagon joldan shyǵyp ketip, nátıjesinde temirjol tósemi búlingen bolatyn. Tosyn oqıǵa kezinde zardap shekkender joq. Oqıǵa ornyna oblys ákiminiń orynbasary Jańabaı Beksary, oblystyq tótenshe jaǵdaılar departamentiniń bastyǵy Baýyr­­jan Syzdyqov bardy. Tez arada temirjol tó­semin qalpyna keltirý ju­mystary qolǵa alyndy. Qalpyna kel­tirý ju­mys­taryna 86 adam, «Qazaq­stan temir ­joly» ulttyq kom­panııasyna Áı­teke bı jáne Qandyaǵash stansalaryna qa­rasty 2 qal­pyna keltirý poıyzy ju­myl­dyryldy. Saǵat 17:00-de 2 vagon temir­jolǵa qoıyldy, taǵy 20 vagon temir­jol bet­inen alyndy. Osy ýaqyt aralyǵynda «As­tana-Atyraý» jáne «As­tana-Aqtóbe» baǵytyndaǵy poıyz­dardyń 320-dan astam jolaýshysy Aq­tóbege jet­kizildi. О́zge jolaý­shylarǵa jaǵ­daıdyń barlyǵy jasaldy, tamaq berildi, sý jetkizildi, oqıǵa ornynda jedel járdem brıgadasy men medısınalyq qyzmetkerler kezekshilik etti. Qazirgi ýaqytta poıyzdar qoz­ǵalysy tolyq qalpyna keltirildi. Satybaldy SÁÝIRBAI, «Egemen Qazaqstan» Aqtóbe oblysy