Búgin elimizdiń ońtústiginde kún ashyq bolady

[caption id="attachment_54355" align="aligncenter" width="666"] Foto: behang.nl[/caption] Búgin elimizdiń soltústigi men shyǵysynda, ońtústik-shyǵysynda atmosferalyq aǵymdardyń ótýinen jańbyr jaýyp, naıǵazaı oınaıdy. Sondaı-aq, jel soǵyp, kúndiz shyǵys óńirde burshaq túsýi yqtımal. Tek, respýblıkanyń batys, soltústik-batys, ońtústik jáne ortalyǵynda aýa raıy jaýyn-shashynsyz bolady. «Qazgıdromettiń» habarlaýy boıynsha, Almaty, Jambyl, Qyzylorda, Atyraý oblystarynyń keı jerlerinde jeldiń jyldamdyǵy sekýndyna 15-20 metrge deıin barady. Al Qyzylorda oblysynda shańdy daýyl kóteriledi. Ońtústik Qazaqstan oblysynda túnde jáne tańerteń jel turyp, shańdy daýyl kóteriledi dep boljanýda. Shyǵys Qazaqstan oblysynyń keıbir aýdandarynda túnde jáne tańerteń tuman túsip, kúndiz jel kúsheıedi, burshaq jaýýy múmkin. Soltústik Qazaqstan oblysynda jel soǵyp, túnde tuman túsedi. Pavlodar men Qaraǵańdy oblystarynyń keı aımaǵynda túnde jáne tańerteń tuman baıqalady. Kúndiz Atyraý, Batys Qazaqstan, Mańǵystaý, Aqtóbe, Qostanaı oblysynyń keıbir jerlerinde aptap ystyq kútiledi. Qyzylorda, Ońtústik Qazaqstan, Jambyl oblysynyń keı aýmaǵynda joǵary órt qaýpi saqtalady. Aıan ÁBDÝÁLI