HAT-QORJYN

...rızashylyq bildiredi Oqyrmanǵa qýanysh syılady Aýyl-aımaq baspasózge jazylyp otyrýdy esh umyt qal­dyr­ǵan emes. Búgingi tań­da az ba, kóp pe Aqjaıyq aý­da­nynyń tur­ǵyndary 1300 danaǵa jýyq «Egemen Qazaq­stan» gazetin jazdyrtyp aldyrady. О́ńirde basylym oqyrmandarynyń sany artyp keledi, óıtkeni basylymnyń turaqty bolýyna janashyrlar az emes. Bıylǵy jyldyń ekin­shi jartysynan bastap aýdan ortalyǵy Chapaevtaǵy múmkindigi shekteýli 15 adam elimizdiń bas gazeti «Egemen Qazaqstandy» turaqty oqý múmkindigine ıe boldy. Olar­ǵa bul qýanyshty syı­­laǵan «Mos­kvıch» janar-jaǵarmaı beketiniń dırektory Isa­taı Muqanǵalıev esimdi azamat. Ol ótken qasıetti ra­ma­zan aıy­nyń qurmetine oqyrmandarǵa «Egemenge» jazylýdy óz esebi­nen ótep berdi. Bolat ESQALIEV Batys Qazaqstan oblysy, Aqjaıyq aýdany ...ótinish jasaıdy Qaıratkerge eskertkish qoısaq dep edik... Memleket qaıratkeri, So­sıalıstik Eńbek Eri, bilik­ti basshy Erkin Nurjan­­uly Áýel­bekovtiń esimi kók­­she­likter jadynda. Ol Kókshetaý, Torǵaı, Qyzylorda oblystaryn basqarǵan kezde óńir tirshiligine jańa lep, jyly shyraı kelgenin jurt­shylyq jaqsy biledi. Er­kin Nurjanulynyń qajyr-qaı­ratymen turǵyzylǵan ǵı­marattar, tutas turǵyn úı aýdandary, áleýmettik-tur­mystyq, má­denıet oshaqtary áli kúnge kóz qýantady. Bizdiń paryzymyz – óz Otanyna, halqyna shek­­­siz súıispenshiligin arnaǵan qaıratkerdiń uly murattaryn bolashaq urpaqqa jetkizý. Bul oraıda onyń týǵan qa­lasy Kókshetaýda eńseli es­­­kert­kishi nemese bıýsti tur­ǵy­zylatyn ýaqyt jetti dep esep­teımiz. Biraq, el tilegi oryndalýy kesheýildep barady. Aqmola oblysy ákimdiginiń janyndaǵy tarıhı-mádenı muralardy qorǵaý men paıdalaný komıssııasy májilisiniń 2011 jyl­ǵy №11 sheshimimen 2015 jyly, ıaǵnı, E.N.Áýelbekovtiń týǵanyna 85 jyl tolýyna baılanysty eskertkish (bıýst) ashylýy josparlanǵan bolatyn. Bıyl oblystyq «El bir­ligi» qoǵamdyq birlestigi osy máselemen Mádenıet jáne sport mı­nıstrligine de hat joldady. Qarjylandyrý máselesin ardagerler óz moınyna alady, eskertkishtiń eskızi bekitilgen. Tek, jergilikti bı­lik­ten ony or­­na­ta­tyn jer telimi bólinýin suraımyz. Ardagerler atynan – Kókshetaý qalalyq ardagerler keńesiniń tóraǵasy Shıap ÁLIEV ...alǵys aıtady Shıpager shapaǵaty Men Aqterek orta mek­tebinde qyryq jyl ustazdyq qyzmet atqaryp, shákirt tárbıeleý isine úlesimdi qosqan ardager us­­tazbyn. Eńbegim elenip, «Bi­lim berý isiniń úzdigi», «Úzdik eńbe­gi úshin», «Eńbek ozaty» medaldarynyń ıegeri atandym. Qolyma qalam alǵandaǵy maqsatym – halyqtyń ystyq yqy­lasyna bólenip, búginde den­saýlyq kúzetinde júrgen ab­zal da qaıyrymdy mamandyq ıe­lerine óz alǵysymdy bildirý edi. Onsha-munsha aýrýǵa des bermeıtin edim, birde aıaq as­tynan dene qyzýym qatty kó­terilip jatyp qaldym. On­daıda aýrýǵa arasha turar dá­ri­gerge júginerimiz haq. Sodan aýyldaǵy dárigerlik ambýlatorııa medbıkesi Al­tynkúl Muhamedqulqyzy men te­rapevt-dáriger Alık Se­­rikovke kelgenimde, dereý tek­serip, syrqat túrin ókpege sý­yq tıgen dep anyqtap, jedel aýdan ortalyǵy Uzynaǵashqa alyp keldi. Onda aýdandyq aý­rýhananyń bas dárigeri, oblystyq máslıhattyń depýtaty Doǵdyrgúl Moldahalyqova basqaratyn dárigerler ujymy qabyldap, em-domdaryn jasady. Aýyryp turdyń, aýnap tur­dyń degen, on kúnniń ishinde syrqatymnan aıyǵyp úıge shyqtym. Qashanda jaqsynyń jasa­ǵan jaqsylyǵyn aıtqan lá­zim. О́zimniń súıip oqıtyn «Egemenim» arqyly Ortalyq emhananyń meńgerýshisi, juq­paly aýrýlar dárigeri Gúl­nar Eshetaevaǵa, terapııa bóliminiń meńgerýshisi Aı­gúl Qoıaıdarovaǵa analyq al­ǵysymdy bildirgim keledi.  Kúlán IBRAGIMOVA, zeınetker ustaz Almaty oblysy, Jambyl aýdany ...maqtan tutady Bizde bári bar Shalqar aýdanynyń Móń­ke bı aýylynyń turǵyndary «Bizde bári bar» dep maqtanady. Maqtansa maqtanǵandaı, aý­dan­daǵy aýyldardyń arasynda al­ǵashqy bolyp kógildir otyn­­nyń qyzyǵyn kórdi. Jeri shúıgin, sýy mol. Sý demekshi, bas­taýyn Muǵaljar taýynan alyp, Shalqar kóline quıatyn Qaýyljyr ózeni aýyl irgesinen ótip jatyr. Bıyl balyq kóp deıdi. «Kóptigi sondaı, qolmen ustap jaǵaǵa laqtyra beremiz», – deıdi aýyldyń aıtqyshtary. Aýyl dúkenderinde qajetti zattyń bári bar. Turǵyndardyń túrli toılary úshin kásipkerler Knıaz­baevtardyń keń toıhanasy daıyn. Qoǵamdyq monsha turǵyzǵan Elegen Tasanovqa tur­ǵyndar dán rıza. Monsha qyzmeti zeınetkerler úshin tegin bolsa, B.Rymberdıevanyń tigin sehy da kóńilden shyǵyp otyr. Aýyl adamdarynyń turmys jaǵdaıynyń jaqsarǵan­dy­ǵynyń belgisi bolar, qyzyl, sary kir­pish­terden bıik úıler salý, aýlalaryn túrli-tústi qym­bat ma­terıaldarmen qor­shap, ádemi qaqpalar ornatý sánge aınalǵan. Berdibaı KEMAL Aqtóbe oblysy ...áserimen bólisedi Sóz qadiri qashanda qymbat Búgingi kún – erteńgi  tarıh. Tarıh qoınaýyna engen tul­ǵa­larymyzdy halyqqa tanytyp, artta qalǵan mura­syn kópshilikke tanystyrý – osy bir qyzyǵy men shy­jy­ǵy kóp jýrnalıstı­ka sala­sy­­­nyń enshisine tıeri an­yq. Jalpy óner adamdary, ult ja­na­shyrlarynyń  taǵdyry men shyǵarmashylyqtaryn oqyr­­man­ǵa, kórermenge  jet­ki­ze bilý – jýr­nalıstiń qabilet-qa­ry­myna baılanysty bolsa kerek. «KTK» telearnasy usynǵan «Júrekjardy» baǵdarlamasy  súttiń qaımaǵyn qalqyp alyp, máıegin syǵyp kórermenge tarta bilgen týyndy. Kógildir ek­randaǵy mánsiz-maǵynasyz shoý­lardan góri, osyndaı súbeli qazaqı baǵdarlamalar qa­jet-aq. Ádemi áýez, sulý sózben kóm­­kerilgen baǵdarlamany jú­­regiń eljirep tyńdamaý múm­kin emes. «Júrekjardy» – ult rýhanııatynyń alyp­tary Q.Myrzalıev, Á.Ke­kilbaev, Á.Nurshaıyqov, T.Mol­daǵalıev, Sh.Murtaza, Q.Jumadilov, D.Isa­bekov syndy tulǵalarmen qatar ónerde, teatr sahnasynda, kıno salasynda oıyp turyp oryn alǵan A.Áshimov, Tuńǵyshbaı ál-Tarazı, S.Oraz­baev, S.Me­rekeuly, D.Jol­jaqsynov sııaqty tamyryn tereńge jaı­ǵan alyp báıterektermen tanystyrǵan týyndy. Sóz qadiri qashanda qymbat. Baǵdarlamanyń erekshe tusy – adam ómirin kórkem kartına ispettes sýretteýinde jáne poezııa­men ushtastyra bilýinde. Aıman MUQYShOVA Shyǵys Qazaqstan oblysy