Bizdiń tankıster erledi

Qazaqstan tankısteri «Tank bıatlony-2016» saıysynyń kezekti jeke jarysynda úzdik nátıje kórsetti. Tank komandıri aǵa leıtenant Asylbek Músirmanqulovtyń jetekshilik etýimen ekıpaj qashyqtyqty batyl eńserip, oq atýdy sátti oryndady. Sóıtip, Serbııa, Belarýs jáne Irannyń komandalaryn jeke jarysta basyp ozdy. Tank bıatlony boıynsha komandamyz úshin bul – baıqaýdyń birinshi kezeńindegi úshinshi jeke jarys. Aldyńǵylarynda Qazaqstannyń ekıpajdary óz­deriniń jeke jarystarynda Serbııa, Úndistan, Reseı, Nı­­karagýa, Belarýs jáne Ar­menııanyń komandalary arasynda kóshbasshylyq pozısııa­ny saqtaı otyryp, joǵary da­ıyndyq deńgeıin pash etken edi. Alaıda, munymen báseke aıaq­talmaıdy. Alda qatysýshy komandalarda jartylaı fınal jáne fınal kútip tur. Eger saıystyń birinshi kezeńine bar­lyq 17 el qatysqan bolsa, ke­lesi kezeńge tek 12 komanda ótedi. Fınalda tek tórt eń úzdik jáne kásibı ókil kezdesetin bolady. Qazirgi ýaqytta Qazaqstan men Reseıdiń 20 áskerı polıgonynda, sondaı-aq, Baltyq, Qara teńiz ben Kaspıı teńiziniń sý aıdyndarynda Armııa ha­lyqaralyq oıyndary-2016 qyzý júrip jatyr. Eki baıqaý da elimizdiń aýmaǵynda alǵash ret ótip otyr. Al 2017 jyly eli­miz óz jerinde ArMI-diń 6 baıqaýyn ótkizedi. Onyń ishinde ekeýi jańa baıqaý. Sonymen, Armııa halyq­aralyq oıyndarynyń baǵdar­lamasyna alǵash ret brondal­ǵan avtomashınalardaǵy rallı jáne áıel áskerı qyzmetshi­ler­ge arnalǵan kópsaıys arna­ıy baıqaýy qosylady. Ar­mııa oıyn­darynyń qazirgi baı­qaýlarynyń ishinen kelesi jyly áskerı aspazshy­lar­dyń «Dalalyq as úı», kıno­logtardyń «Adal dos» saıysy, atqyshtar men mergenderdiń «Artıllerııalyq oq atý sheber­leri» men «Mergen shebi» jarys­tary ótedi. «Egemen-aqparat»