Koreıa dárigerleriniń kómegi

Taıaýda Zaısan aýdany turǵyndaryna tegin dárigerlik kómek kórsetý úshin Ońtústik Koreıanyń Kangnam Severans Ionse ýnıversıtetiniń bilikti de bilimdi professorlary, dárigerleri keldi. Kelgen qonaqtar Shilikti qorymynda arheologtarmen kezdesip, Aelıta Ábishevanyń ańshylyq-týrıstik klasterimen tanysty. Belgili kásipker A.Ábisheva qonaqtardyń jol shyǵynyn kóterip alsa, aýdannyń basqa is­ker jandary olardy qonaqúıge or­nalastyrý, tórt mezgil taǵamyn berý sııaqty sharalarǵa belsene atsalysty. Koreıadan kelgen bilikti de bilimdi dárigerler bes kún boıy aýdan turǵyndaryn tekseris­ten ótkizip, olarǵa em qoldandy, paıdaly keńes berdi. Sol kúni aýdan ákimi T.Qasymjanov pen Koreıa­dan kelgen gospıtaldyń bas dárigeri, professor Kım Hen Chjýng medısına salasy boıynsha ekijaqty dárigerlik qyzmet kór­setý jónindegi birlesken me­mo­ran­dýmǵa qol qoıdy. Keıin Koreıadan kelgen 6 professor men bilikti dárigerler pasıentterge qabyldaý júrgizdi. Árbir naýqaspen tilmash arqy­ly tildesken bilikti terapevt, nevropatolog, pýlmonolog, basqa mamandyq ıeleri olarǵa qan­­­daı em qabyldaý kerektigin muqııat túsindirdi. Al naýqasy aýyr eki adamǵa hırýrgııalyq opera­sııa­ny jasaý úshin Koreıaǵa sha­qyr­ǵan kezde jol shyǵynyn óz moıyndaryna alatynyn jetkizdi. Osynda «Sapa» medısına­lyq ortalyǵynyń Zaısandaǵy aýdan­dyq bólimshesiniń saltanat­ty ashylýy boldy. Bul dárigerlik orta­lyqty oblystyq máslıhat­tyń depýtaty, «Zaısan» qurylys kom­­­pa­nııasynyń basshysy Bolat Nurasyl óz qarjysyna salǵan. Ortalyqtyń saltanatty ashyl­ýyna aýdan ákimi T.Qasymjanov, Koreıadan kelgen professor Kım Hen Chjýng, ardager dárigerler men qala turǵyndary qatysty. Medısınalyq ortalyqqa joǵary sanatty dáriger, anestezıolog Bekzat Aıtbaev jetekshi­lik etedi. Munda ishki aǵzany tek­seretin joǵary sapaly ap­parattar, ońaltý ortalyǵy, sheteldik qondyr­ǵy­larmen jab­dyqtalǵan 6 kabınet bar. Koreıadan kelgen professor Kım Hen Chjýng shalǵaıdaǵy aýdanda zamanaýı talaptarǵa saı medısınalyq ortalyq­tyń ashylýy aýdan turǵyndary­nyń densaýlyǵyn jaqsartýǵa úles qosatynyn, qaıyrymdylyq sa­pa­rynyń Shyǵys Qazaqstan men Koreıa arasyndaǵy dostyq pen yntymaqtastyq týraly memo­randýmnyń jemisi ekenin tilge tıek etti. Ońdasyn Elýbaı, jýrnalıst Shyǵys Qazaqstan oblysy, Zaısan aýdany