Sýarmaly alqapty keńeıtý kenje qalýda

Bıyl aımaqta 561,2 myń gektar alqapqa egis salý josparlanýda. Bul ótken jylmen salystyrǵanda egis alqaby 48,4 myń gektarǵa ulǵaıady degen sóz. Dándi daqyldar 336 myń, malazyǵyndyq daqyldar 176,1 myń, maıly daqyldar 38,6 myń, kartop 5,75 myń, kókónister men baqsha daqyldary 4,7 myń gektarǵa ornalastyrylady.   Egis naýqany barlyq aýdan­darda jáne Aqtóbe qalasy aýma­ǵyn­da ýaqytynda júr­gizildi. Aýylsharýashylyq qurylym­dary kóktemgi dala jumystaryn júrgizý úshin qajetti tehnıkamen jáne janar-jaǵar­maımen toly­ǵymen qamtamasyz etil­di. Dán­di daqyldar kózdelgen mejede tolyq sebildi. Osyǵan baılanysty Berdi­bek Saparbaev naýqandy meılinshe qysqa mer­zim ishinde aıaqtaýdy tapsyrǵan bolatyn. Oblys basshysy baý-baqsha jáne kók­ónis daqyldaryna bó­lin­gen alańdardyń keńeıtýdiń mardymsyz júrgizilip jatqanyn  syn­­ǵa aldy. – Osydan keıin biz óz óńirimizdi qajetti ónimmen qamtamasyz ete almaımyz, kókónisti basqa oblystardan tasýǵa májbúr bolamyz. Mundaı jaǵdaıdyń nelikten oryn alǵanyna taldaý jasaý kerek, – degen edi. Shegirtkemen kúres júrgizetin shtab qurý boıynsha sharalar alynýda. Oblys ákiminiń orynbasary Asqar Sherııazdanovtyń aıtýynsha, óńir shegirtkemen kúresý úshin qajetti hımıkattarmen jáne tehnıkamen tolyǵymen qamtamasyz etilgen. Eń bastysy, oblystyń qaı aýmaǵynda bolmasyn shegirtkeniń paıda bolýyn der kezinde qadaǵalap otyrý. B.Saparbaev keńes barysynda sýarmaly jáne jaıylma al­qap­tardy aınalymǵa qosý, oblys aýmaǵymen ótetin ózenderdi, ásirese, qurǵaqshylyqtaǵy Yr­ǵyz, Baıǵanın jáne Oıyl aýdan­darynda durys jáne tıimdi paıdalaný máselelerine erekshe nazar aýdardy. О́tken jyly oblysta qolda bar sýarmaly jerlerdiń jartysynan azy ǵana paıdalanyl­dy. Aǵymdaǵy jyly sýarmaly jer kóle­min 12 myńnan 18,8 myń gektarǵa deıin u­l­­ǵaı­tý josparlanýda. Búgingi kúni 13,9 myń gek­­tarǵa ártúrli aýylsharýashylyq daqyl­dary egildi. 9 myńdaı gektarǵa jobalaý-sme­ta­lyq qujat­tardy ázirleý jumystary júrgizilýde. – Memleket basshysy sýlandyrylatyn alqaptar kólemin ulǵaıtý máselesine erekshe kóńil bólýde, óıtkeni bul azyq-túlik qaýipsizdigin qamtamasyz etýdiń tıimdi tetikteriniń biri bolyp tabylady. Taldaý kórsetkenindeı, ázirge aýdandardyń barlyǵy birdeı bıylǵy josparlaryn oryndaǵan joq. Yrǵyz aýdanynda jospar – 15, Alǵada – 62, Oıyl jáne Qarǵaly aýdandarynda 63 paıyzǵa oryndaldy. Budan basqa, bir aýdannan da sýlandyrylatyn alqaptardy qosym­sha ulǵaıtý boıynsha tapsyrys túsken joq. Al memleket qazir bul jobany júzege asyrý úshin qarjy bólip, kómek kórsetýde. Sondaı-aq, bógetter quryly­sy arqyly sýlandyrýdy damy­tý múmkindigin qarastyrýymyz qajet, – dep atap kórsetti óńir basshysy. Satybaldy SÁÝIRBAI, «Egemen Qazaqstan» Aqtóbe oblysy