Sándi kıim – kóńil saltanaty

Mektep bitirýshiler baly jas­óspirimder úshin esten ketpes eleýli oqıǵa ekendigi belgili. Olar­dyń barlyǵy ómirde bir ke­ler saltanatqa aıryqsha da­ıyn­dala­dy. Áıtkenmen, buǵan múmkin­digi bolmaı, armany men tilegin qııal keńistigine búgip qoıatyndar da barshylyq. Osyndaıda, aramyzda atalǵan máselege túsinistikpen qarap, júrek jylýyn shashyp júrgen jandardyń barlyǵyna «myń shúkir» degiń keledi. Atbasar aýdanynda mundaı bastamany «Nur Otannyń» «Baqytty balalyq» partııa­lyq jobasy aıasynda Kámıla Omarova kóterip otyr. Partııa belsendisi bıylǵy jyl basynan beri sándi kóılekter tigip, saltanatty kostıýmderdi jınaǵan eken. Ol jetim balalar men múm­kindigi shekteýli otbasylar tár­bıe­sindegi túlekter tizimin bilim orda­larynyń dırektorlarymen aldyn ala kelisip jasaǵan. – Qazirdiń ózinde qyzdar kóı­leginiń 30 danasy daıyndaldy, – deıdi Kámıla Omarova. Olarǵa kıimdi boılaryna shaqtap jasandyrý sheberhanamyzda atqary­la­dy. Sondaı-aq, shashtarazymyz qyzý jumysqa kirisetin bolady. Opa-dalap máselesi de sheshimin tapqan. Qysqasy, qyzdarymyz ózderin naǵyz arý sezinetindeı jaǵdaı jasaımyz. Jasóspirim bekzadalarymyz da zamanaýı sándi kostıýmderimen saltanat rýhyn kótere túspek. Osy bir shyraıly sharany jyl saıynǵy dástúrge aınaldyrsaq degen oıdamyz. Kámılanyń bul qyzmeti bıyl­­ǵy mektep bitirýshiler to­ıyn­da laıyqty baǵasyn aldy. Ol mun­daı sharany kelesi jyly taǵy jalǵastyrmaq. Baqbergen Amalbek, «Egemen Qazaqstan» Aqmola oblysy