Qushaq jetpeıtin qos qaraǵaı

Jýyrda oblysymyzǵa keńinen tanymal, seksen jastaǵy ardager fototilshi Vladıslav Holın balasha qýanyp, qolyma myna sýretti ustatyp edi. Muny áriptesimiz Býrabaıdan emes, Sandyqtaýdyń qalyń ormandarynan túsiripti. О́lketanýshylardyń aıtýynsha, bul aǵashtyń jasy 400 jylǵa, bıiktigi 40 metrge, eni 2,5 metrge jýyqtaıdy. Másele munda da emes. Másele, 400 jyl boıy jubyn jazbaı turǵan egiz qaraǵaı ómir jaıly taǵlymdy ǵaqlııasynda bolsa kerek. О́mirge qushtarlyqtyń ónegesin aǵashtar kór­se­tetindeı. Buǵan bizdiń ól­kede mysal kóp. Býra­baı­daǵy Oqjetpestiń shyna­ryndaǵy tasty jaryp shyq­qan qaraǵaılar qaı­rat­tylyqtyń qýat qaı­na­ryndaı janyńyzdy sil­kiniske tú­siredi. Al, myń bu­ralǵan bı­shi qaıyńdar náziktik pen sulýlyqtyń sım­volyndaı keýdeńizge qýa­nysh quıady. Qarap tur­sańyz, mundaı sýretter kóz aldy­ńyzda ǵajaıyp túrge enip, kóńildi kókke órletedi de turady. Baqbergen AMALBEK, «Egemen Qazaqstan» Aqmola oblysy